بالمناسبه زوجك يروح الصلاه قلتي يعني فيه مدخل ديني تدخلين عليه من هالناحيه احلفيله عالمصحف باللي صااار وذكريه بالعرض والشرف

خواتي اقسم بالله العلي العظيم اني صاااادقه .. ولا زودت ايييي شيء ولا بالغت باي شيء وسالت الله رب العالمين اللي هو عارف وشايف لو كنت اكذب بربع كلمه الله يشلني شلل كااامل ويعميني ويحرمني اولادي
ما يحس بالناااار الا واطيها ..
اللي يقول اهلي .. ما عندي الا اخواني الكلاب اللي ما يخافوا الله وكل واحد ماشي وراء زوجته الحقيره
اللي احب ما على قلبهم انهم يشوفوا اخواني يضربوني ويعذبوني ويقطعوني 5 سنوات ما في واحد رفع فيهم التلفون او سال عني قسما بالله لو اموت ممكن جثتي تخيس ولا احد سال عني .. يكفي انهم غصب عني زوجوني بالاحتيال لرجال مشكوك باخلاقه

واللي يقول اهله .. اهله كلهم اكلب منه وكل اخوانه زوجاتهم منحاشين من عندهم وخالعينهم خلع .. الا وحده صاااابره مثلي الله يعينها
وعندها ولد وبنت
وكل اخوانه زبااااله وما ابغى ازيد كلام عنهم الا حسبي الله ونعم الوكيل فيهم فردا فردا
واللي تسال وتقول روحي الحكومه .. وين اروح بالضبط رحت للشرطه قبل كذا قالوا بالحرف الواحد " المشاكل العائليه ما لنا دخل فيها "!!!!!!!!
والهيئه ايش تسوي مدام الحقير زوجي قدام الناس الله الله .. يصلي ويصوم المشكله الناس تاخذ بالمظاهر وتنسى انه في ناس مظلووومه وماكله تبن .. وماهي ملاقيه مخرج تخرج فيها من المشاكل وهموم اللي هو فييييها
قولوا لي لو شكيت الرجال اللي كان عندي ووجت الشرطه واخذوه طبعا رح ياخذوا زوجي معه وكمان رح يقولوا مين اللي بلغ عليه ورح يلعنوا ابو جدفي هو واخوانه وامه بالذات

واللي تسال كيف ادخل عنده للمره المليون البيت كله عشه دجاج غرفتين ومطبخ وحمام وصغييييرر بالمره
واللي تقول كيف ادخل النت .. في البيت فيه نت وانا ادخل منه .. وكلما نروح الى بيت ادخل من النت اللي موجود في البيت واذا ما كان فيه ما رح اقدر ادخل .. كان عندي كنكت ولكن زوجي رفض انه يدفع حق الشحن وقطعوه علي

واللي تقول كيف اخلي ابني عند الرجال الولد هو اللي طلع من الغرفه اللي انا فيها انا ايش ولا ايش اقدر اسوي اهتم في الولد ولا باخته ولا اروح انظف البيت والرجال فيه ولا ايش بالضبط يا اخواتي ما عندي الا يدين ثنتين ..
واللي تقول اني سلبيه يا اخواتي قسما بالله العلي العظيم لو كان بيدي شيء اسويه وعااارفه انه رح يفيد قسما بالله رح اسويه ..
واللي يقول اروح الى اخواني .. وين اروح عند زوجاتهم ولا يودوني وين على مستشفى النفسيه ولا على السجن .. علشان يتخلصوا مني !!!!! ما في واحد فيهم رجال يحن علي ويحس بانكسار حيلتي ويتمي ويخلني عنده ويخلي زوجته تسكت عني ..

ياخواتي ما يحس بالناااار الا واطيها ...
وياكثر اللي ماكلين تبن والسبب الظلم ..
لو تعرفواا وش كثر القهرررررررررررررررررررر اللي في قلبي والالم والحزن على نفسي وعلى الاطفال المساكين اللي عندي رح يعرف اني ماني ساكته بارادتي كله غصب غصب غصب عني ..

ياكثر ما فكرت بالانتحار اطالع عيون اولادي وفي خوفي من الله وفي اخر لحظه اتراجع..

ايش اسوي .. اضل صابره على ذيب واحد اقدر اني اوقفه عند حده .. ولا اروح عند مئات الذئاب المتواجده في الشوارع اللي تنتظر اي وحده تسوي حركه ماهي محسوبة العواقب وانا بكل الاحوال ماكله على راسي ماكله على راسي ..

ما اقول الا حسبي اللللللللللللله ونعم الوكيل
في كل انسان ظلمني الكل الحي منه وحتى الاموات
الله لا يسامحهم لا دنيا ولا اخره .. الله يخلي حياتهم نااار ويخلي قبورهم كمان نااار ..
زي ما يحرقوا قلبي كل يوم وكل لحظه
الله لا يخلي واحد فيهم يتهنى بحياته .. الله يفرقهم ويشتتهم ولا يعطيهم لا صحه ولا عافيه
الله ياخذ منهم اغلى ما يملكوا ولا يتركهم الا مكسورين مشتتين متألمين
يارب رد كيد كل انسان ظالم في نحره
يارب انك تاخذ حقي وحق اولادي من ابوي ومن اخواني ومن زوجاتهم وبذات اللي اسمها حنان اللي يشتتها هي وعيالها ويوريها في بناتها
يارب انك تشوف لي صرفه مع زوجي يا اما يموت يا اما يطلقني واشوف حياتي من بعده يا اربي اولادي يا رب تعوضني سنيييين الحرمان والظلم بزوج ثاني محترم وطيب وابن ناس يوافق اضل مع عيالي .. او انك تهديه زوجي هذا ويصير محترم
يارب انك ترزقني مال حلال تغنيني وتغني فيه اولادي البريئين فيه عن الظالمين
يارب ترزقني بيت ملك لي ولعيالي يبعدني فيه عن اولاد الحرام وبنات الحرام
يارب لا تخليني انذل زياده لاي مخلوق مهما كان
يا رب لا تتركني وحيده بين زمن ما يرحم ولا ناس ترحم
اللهم لا اله الا انت سبحانك اني كنت من الظالمين ...


اميييين يارب العالللمين

الله يفرج همك ويحفظك يارب

وين اهلك ؟؟
هذا وقتهم
واذا ما عندك اهل اشتكيه لابو زوجك او ام زوجك
اسندي ظهرك على رجاجيل وادعي عليه ليما الله يوريك فيهم
والله ماقد كررت حسبي الله ونعم الوكيل على لساني لظالم ظلمني الا وشفت فيه استجابه دعائي
ووش منتظر الله سبحانه وتعالى يقول في معنى الايه ادعوني اني قريب مجيب دعوه الداعي اذا دعاني
وكمان احسك عصبيه وما تتحكمي بنفسك
وترجعي تبردي حرتك باطفالك
اول ما تعصبي ضمي اطفالك وابكي لا يصيرون ضحايا مثلك
وقفي عمليه الحمل والانجاب
وبعد كذا لو زودها او ضربك انتي واطفالك اشتكي للشرطه واذا زاد ارجعي للشرطه يسجنونه ست شهور اذا ما تنازلتي
بس المهم استقوي بالله ثم برجال

استودعي الله في نفسك واولادك
اسال الله ان ينصرك ويفرج همك