السلام عليكم ورحمة الله وبركاته
هذا يا اخواتي قصه رووعه سمعتها من احد الدعاه نسيت الحين اسمه وهي قصه حقيقيه عن عظمة صلاة الاستخاره
يقول : انه في احد الايام كان جالس مع احد الاطباء ويسأل الطبيب عن اعجب القصص الي مرت فيه في حياته المهنيه
قال الطبيب وهو شخص ملتزم ولا نزكيه على الله : انه في احد الايام جاه رجل ومعاه زوجته وهي تبكي بكاء شديد
وكانت حامل في الشهر الرابع وجايبها زوجها علشان تجهض ولما سأله الطبيب ايش السبب علشان يجهضها
قال له: انها مصابه بالذئبه الحمراء وحالتها صعبه ولازم تأخذ ادويه معينه وهي تسبب تشوهات الاجنه علشان
كذا نصحها طبيبها بالاجهاض وقال له الطبيب : طيب ليش هالبكا رد عليه :انها معارضه وتبغى تحتفظ بالجنين ولاتستخدم الادويه
المهم قال الطبيب :لما شفتها كذه قلت للزوج روحوا اليوم وصلوا صلاة الاستخاره والي فيه الخير بيكتبه لكم الله
سبحانه رد الزوج : قال ليه مجربه يقول الطبيب: استغربت من كلامه ايش مجربه هذا شي مسلم به وكلام الله ورسوله
ما هو للتجارب لازم اليقين به ....
المهم يقول الطبيب ويروحون ونسيت السالفه وما عاد ذكرتها وبعد كم شهر الا واحد جايني ويناديني ويحضني ويسلم علي ويبكي قلت له : خير من انت قال له : ما عرفتني قلت له : لا اسمحلي ماني متذكر يقول رد علي: انا الي جيتك
قبل كم شهر ابغى اجهض زوجتي وكنت مصر يقول الحين تذكرت السالفه قلت له : ايه خير هاه ايش الي صار
ما عاد شفتك قال الزوج : تشوف المره الي هناك هذي زوجتي والطفله الي في يدها عمرها اربعين يوم وهذي الي
كنت بنزلها ربي خلقها في احسن صوره ..
يقول الزوج :رحت البيت وصلينا انا وزوجتي صلاة الاستخاره وكنا ناويين نجي اليوم الثاني للعمليه لكن ربي ما كتب
جتني سفريه مهمه وقلت لما ارجع نروح وسبحان الله كل ما حددنا موعد للعمليه يسير لنا شي يمنعنا من الروحه الين
وصلت اخر الثامن وقالوا خلاص ما بقى شي وولدت وجابت بنت زي القمر ..
الطبيب يقول ما قدرت الا اقول سبحان الله كل شي بامره وكل شي بحكمه ....
سبحان وانا اسمع هالقصه ايقن زياده باننا ضعفاء امام قدرة الخلاق سبحانه وباننا لا نرى الاتحت ارجلنا مع ان كل شي له حكمه عند رب العالمين
فالله الله اذا اهمك امر او احترت في موضوع فما عليك الا بصلاة الاستخاره فالله سبحانه يرشدنا للخير ونحن لا نعلم
سبحان الله عالم الغيب والشهاده وهو العزيز الحكيم
حلم عشناه @hlm_aashnah
محررة
يلزم عليك تسجيل الدخول أولًا لكتابة تعليق.
نملة1166
•
سبحان الله من جد ماخاب من استخار روووووووعه يسلموا ياعسلسبحان الله من جد ماخاب من استخار روووووووعه يسلموا ياعسل
سبحان الله
بالفعل ..الحمدلله انا اي موضوع استخير فيه خصوصا اذا موضوع مصيري
مرة بغيت اسوي عملية الليزك لعيوني
وهذي عيون مو لعبة
قلت احسن اصلي استخارة واتصل بالمركز احدد موعد
ياكثر دعايات المركز هذا وحاطين رقمهم
ويوم بغيت اتصل عليهم ترد علي وحدة وتلطعني على الخط فترة الين امل واسكر
كم مرة تكرر هالموقف قلت معناتها العملية مافيها خير لي
وخلاص صرفت النظر
وش فيها النظارة يعني
بالفعل ..الحمدلله انا اي موضوع استخير فيه خصوصا اذا موضوع مصيري
مرة بغيت اسوي عملية الليزك لعيوني
وهذي عيون مو لعبة
قلت احسن اصلي استخارة واتصل بالمركز احدد موعد
ياكثر دعايات المركز هذا وحاطين رقمهم
ويوم بغيت اتصل عليهم ترد علي وحدة وتلطعني على الخط فترة الين امل واسكر
كم مرة تكرر هالموقف قلت معناتها العملية مافيها خير لي
وخلاص صرفت النظر
وش فيها النظارة يعني
الصفحة الأخيرة
الله يوفقك يارب