يوه هالعقليات باقي ما انقرضت ؟ اعتذر بس يعني اذا تشوفينهم مُتنمرين فأنتي نفسهم ، من قالك الموظفه ماترضع وماتهتم والخ ؟ الله يرزقني الوظيفه السنعه والله لو تحصل لاي وحده وظيفه على هواها انها تمسك فيها برجولها واسنانها
انا ما ( درست وليست درسة ) و ( تعلمت وليست تعلمة ) عشان اكون عالة ع المجتمع حدي صالتي ومطبخي واتعلم طبخة وتنظيف والخ ، كلن وظروفة طبعا وكلن واللي يعجبه اما اني اقلل من قيمة ربة منزل لاني موظفة او العكس فهذا مرفوض ، وانا بنت موظفة وحفيدة موظفة وامي مضرب مثل بالاناقة والسناعة والتربية والذوق والطبخ والثقافة ماشاء الله تبارك الله ، الله يطول بعمرها ، حنا 6 واحتوتنا جميعاً وما اذكر في يوم كانت بعيدة عننا ابداً ياعمري ، وراتبها بيدها ودللتنا و بالاضافه لابوي ماقصر ربي يديمهم ، الوظيفة تعزك وتغنيك يا عزيزتي اياً كان ردك انتي او غيرك زوجك ملزوم ينفق بس مو مجبور بالكماليات كلها مافي مثل راتبك 🕊🌱

بالاضافة ان ربة المنزل هو " دور بالحياة " والوظيفة انجاز يعني ببساطة عادي تكونين ترا ربة منزل قايمة بدورك اتجاه اسرتك ومحققة انجازك لذاتك وموظفه مايمنع والله ههههههه

احلى وظيفه اذا الزوج موفر كل احتياجاتك خليج ربه بيت
راحه نفسيه واهتمام بنفسج وبيتج وبسسسسس
والله يتتم عليج السعاده

البنات للأسف فهمو موضوعي غلط على اني اسب الموظفات
وانه لو جتني الوظيفه بتوظف
شكلكم ماقريتو كلامي زين
والله والي خلقني انها جتني الوظيفه وررفضت
والدليل الموضوع الي نزلته قبل فتره اني محتاره
اتوظف او لا لانه بعد ماجتني الوظيفه
جلست افكر انا ابغى هذا الشئ؟؟
اكتشفت اني احب كوني ربة منزل!
قلت ليش اجبر نفسي اتوظف؟!
فأكلوني الناس بالكلام انه ليش ماتتوظفين
وستنقص من ربة المنزل
فقلت بكتب هذا الموضوع اشرح فكرتي اني احب كوني ربة منزل
والامثله الي ضربتها للموظفات من قرايبي والله انها صدق
وهذا من واقع تجربه في كل جلسه يهاجموني زي بعض الاخوات
هنا ان الوظيفه هي وهي وهي الخ
حسسوني انها هدف بحد ذاتها
عشان كذا ذكرت في موضوعي انه هدفنا في الحياه عبادة الله فقط
مو اي شئ ثاني
الله لا يجعل الدنيا اكبر همنا
الي تقول توظفي عشان الكماليات لانه زوجك مايقدر يوفرها
فكري فيها اترك عيالي وراحة نفسي ووقتي الثمين وزوجي
عشان اكد اجيب فلوس لكماليلت؟! هذا عقل؟!
ويوم قلت يهملون عيالهم
انا كنت اتكلم عن قريباتي الموظفات اقسم بالله
اسنانهم سوووس حتى وحده اضطرت تسوي عمليه
لولدها شلت اسنان كثير مسوسه وهوه ماقد دخل المدرسه
باقي صغير
وتتهمني اني موسوسه على ولدي واحرمه من الحلوى
وتجيبها بطريقة مهاجمه قدام الناس مدري ليش؟!رغم اني ما جبت لاها طاري انا في اغلب المجالس ساكته وذي تجي تهاجم رغم اني صح اهتم في ولدي تبغاني اضيعه
ايش دخلها؟!
ليش لانها شايفه نفسها صح وهي اعلى مني؟!
ويوم قلت لكم انهم يتكلمون عن الدوام
تخيلو انكم تروحون جمعة وتلاقين فيها موظفات
يجونك من بداية الجمعة الى نهايتها وهم
يتكلمون في تفاصيل العمل جداولهم ونظام العمل
طيب ايش دخل اهلي سولفي سوالف عاديه
اخرجي من نطاق العمل رفهي عن نفسك
يعني انا احب هذي الانسانه وابغى اسولف معها
كل مافتحت موضوع دخلت في موضوع العمل
والله تريني مااداوم معك ولا ادري ايش السالفه
سولفي معي في مواضيع عامه عشان ننبسط ونستمتع
ونرجع مره ثانيه اذكر نفس كلامي مدري انتو شفتوه
ولا مانتبهتو له؟!
قلت انا ما اسب الموظفات او اغلط عليهم خصوصا
الي محتاجه الله يوفقها وهي كفو وهي سوبر ومن
لكن لاااااااا تغلطون على ربات البيوت
وماقلت ذا من عبث لانه في الواقع وفي المنتدى هنا كثيييييييييييييييييييير
يسنتقصون من ربة المنزل
زي هنا كذا وحده قالوها بكل وضوح انه ربة المنزل فاشله؟!!
وليش يا متخلفه؟!
يعني الصحابيات الي هم افضل مني ومنك امهاتنا زمان كانو فاشلين كلهم ربات منزل
فاحترمي نفسك
وربي قال في القران وقرن في بيوتكن
الافضل للمرأه بيتها يا متعلمه
وهذا الي كنت اقصده
ما اقول فيه شئ افضل من شئ لاااااا
بس انا احب كوني ربة منزل وكثير اعرفهم من قرايبي زييي ربات منزل ومبسوطات
لسنا فاشلين
انا كفايه اني موؤمنه واعبدالله مو اعبد الفلس
الله بيغنيني بفضله

اختي اذا شفتي موظفة عيالها مهملتهم
والا مهملة بيتها... فلا تعممي على الكل..
انا موظفه الحمدالله اهتم بعيالي ولا واحد من اطفالي
أسنانه مسوسة... والحمدالله بكامل اناقتهم وصحتهم..
عندي شغاله ماسكة عني شغل البيت فقط..
لكن الأطفال والطبخ لا...
وابشرك اجي من الدوام ويأكلون اكل صحي من طبخ البيت لاني اجهز غداي من الليل...