اختي طوق الياسمين

عملت الجبنة بس لسا ما ذقتها ان شاء الله تزبط بس عندي كام سؤال

عزيزتي بعد ما اتكتلت لما حطيت مزيج الخل والماء ضلت متكتلة حتى بعد ما عصرتها بولسطة قطعة القماش يعني ما اتماسكت على بعض هو هيك او انا خبصت؟
بعدين لما بنضيف المزيج بنحرك او لا ؟
ولما بنحط قطعة القماش بماء الجبنة بنحطها وهي ملفوفة بقطعة القماش او بنشيلها منها؟


انا بانتظار اجوبتك مشان المرة الجاي ومشكوووووووووووووووووووووووورة

اخت طوق الياسمين ذقتها وكانت روعة من كل النواحي بس..........مافيها حموضة الجبنة انا قلت يمكن من الخل يمكن الي عندي مخفف

لذاك بدي اسألك شو نوع الخل الي بتستخدميه وشو اسمه بالظبط ؟

ان شاء الله تردي علي بسرعة لان ان شاء الله رح انزل اليوم واجيب الاغراض

والله يستر رح اجرب اعمل اللبن اليوم ان شاء الله

أختي الغالية فتاة سورية

أول شيء مأكول الهنا ومطرح ما يسري يمري :26:

بالنسبة لموضوع تكتل الحليب فهو عزيزتي النتيجة الطبيعية لوضع الخل عليه بس أهم شيء اذا كان

بدك الجبنة تكون متماسكة بشكل أكبر ما تحركي الحليب لأنه تحريكنا الحليب بعد وضع الخل يفتت

الجبن..وبعد ما تعصري الجبنة جيداً ممكن تتركيها بالكيس القماش وتضعي عليها ثقل حتى تضمني

تماسك القوام ومدة الكبس غير محددة لحتى تشوفيها صارت بالشكل اللي بتحبيه ،وبعدها ارفعيها من الكيس

القماش ونزليها في الماء المملح.

بالنسبة لقلة الحموضة فاحتمال من شيئين إما لأنه الجبنة لسه ما تملحت بالشكل المطلوب لأني لاحظت في

بعض الأحيان إنه الحموضة لا تكون ملموسة الا لو الملوحة كانت واضحة أوإنه تخمينك أختي صحيح بالنسبة للخل

أنتي جربي تقللي كمية الماء المضافة للخل وجربي كمان تستني للمرات الجاية على الجبنة أكم من يوم

حتى تمتص الملح من الماء ..وبالنسبة للخل عزيزتي استخدمت خل أبيض لشركة سورية اسمها بيدر ولو كنت

مكانك بجرب المرة الجاية نصف الكمية حتى أشوف وين المشكلة ..يا رب أكو قدرت أساعدك ولو عندك أي استفسار

من عيوني :26:

على فكرة أنا مرة قرأت عن طريقة عمل جبنة هندية نفس هالطريقة لكن بدل الخل بيستخدموا ليمون بس جربتها

من زمااااااااااااان والمشكلة ال سي دي اللي فيه الطريقة انكسر والا كان كتبت لك الطريقة ..

موفقة باذن الرحمن دنيا وآخرة :26:

اخت دمشق الفيحاء

الله يعطيك الف عافية ويجزيكي الخير يارب

عملت اللبن امبارح وكان اكثر من راااااااااائع

بصراحة اتندمت على الايام الي كنت اجيبه جاهز من المحلات العريبة قبل لا انتقل لهون لان هذا اطيب بكثير بكثير

وهلا عزيزتي بعد ما زبط بدي اسألك ""يعني ما رح تخلصي مني""":27:

هذا اللبن بينفع بالطبخ يعني الشاكرية مثلا ؟؟؟
وهلأ هو بالطنجرة بأدر عادي انقله على علبة بلاستك...... او بينتزع ؟؟؟
واخر شي اشقد بطول قبل لا يحمض؟؟؟؟

ومرة تاني بقول لك الف الف شكر

تحياتي

معلش على تدخلي شو حياتي فتاة سورية

لما اتغطي الحليب بعد ما تعمليه اتأكدي انه مغطى بحرام و اتركيه 4ساعات بالزبط بيطلع لا هو حلو و لا هو حامض بين و بين(فهمتي عليّ كيف؟) و اذا بدك يكون اللبن حامض شوي زيدي بمدة التغطاية يعني 6 ساعات متلا

و اذا بدك يكون اللبن حلو شوي في نوع من اللبن بيكون حلو بنباع بالمحلات و بيسموه القشطة الحامضة بيكون احلى من اللبن العادي بأمكانك اتضيفي شوي منه مع اللبن العادي الي بتستعمليه بالروبة

و على فكرة فيكي تعملي من اللبن الي من صنع ايدك لبنة و كمان لبنة المكورة ب زيت الزيتون رووووووعة

صدقيني انا شخصيا بعمل اللبن و البنة عندي بالبيت لان عمل البيت ازكى اكتير


و الف صحة على قلب الكل

سؤال
سؤال
سؤال
سؤال



الخل الابيض للجبنة لازم يكون مخفف (يعني الخل الي بيستعمل للسلطة احيانا بدل اليمون؟؟؟)
او الخل المركز الي بيستعمل للمخللات؟؟؟؟؟


بليز جاوبوني؟؟؟؟؟؟؟؟؟