ما سجلت بالمنتدى الا لطلب المشوره ارجو مساعدتكم يا الحكيماات

الأسرة والمجتمع


السلام عليكم ورحمه الله و بركاته
انا عضوه جديده بالمنتدى لكن كنت اقرا مواضيع و ادعي للكل بظهر الغيب
انا عندي مشكله عويصه و لها فروع عده و اتمنا اني الاقي حل وابغا حلول حكيمه لان الموضوع حساس و دخل الشيطان بقوه و خرب حاجات كثيره
انا متزوجه و عندي طفله لما كنت حامل بالشهر السادس قدر الله ان والدي يتوفى الله يرحمه و يرحم اموات المسلمين تاثرت بشكل فظيع و لليوم وانا ابكيه عسا الله يجمعني فيه في جنات النعيم
و بعد وفاه والدي بسته اشهر توفت ام زوجي ومن هنا بدات المشاكل
اهل زوجي في شقه خاصه فيهم لكن بعد وفاه الام اتغير الحال و جات بدايه سنه و زوجي بدون سابق انذار بلغني يبغا يسكن ف بيت واحد انا رفضت لاني ماابغا مشاكل و خصوصا عنده اخوات و لاوحده توفقت بزواج و زوجه اخ و عندها ولدين و اخ مو متزوج فقلت ماابغا و لا راح اوافق
انا طالبه انتساب اختبرت و نجحت و بعد اختباراتي قال انا بطلع من الشقه انصدمت قلت انا موافقه بس عطني يومين ارتاح واستخير لاني كنت معذوره وقتها و من حقي اعيش لوحدي مالي دخل اعيش مع عايله كامله هالكلمه خلته يجمع اغراضي و يحطني عند اهلي شهرين و نص بدون سوال عني او عن بنته او حتا مصروف
تدخل خالي بالخير و رجعت لكن على مضض ما حبيت اشتت بنتي و لا انا اتفارق مع زوجي لاني جربت الفراق صعب جدا صعب ف رجعت و الله العظيم ماارتحت منه هو مو اهله مااظلم الناس
هو كل حياته اجبار و اكراه غصب تروحين تكلمين ابوي غصب كل شي الكل بغرفته يرتاح الا انا
اخته و تدخلت بالخيرو كلمت خطابه عشان تتزوج ملكت و خلعت الرجال و قريب 30 و ميته ع الزواج و قال لي مين بيجيهم و امي ماهي موجوده وووو قلت الرزق بيجيها ليش لا قال كلمي خطابه عشان اختي و ربي يجزاك خير قلت طيب
كلمت خطابه و اكثر من رجال يتقدم و جا النصيب مع واحد و الحين سمعت انها تزوجت
ماهمني تزوجت او لا انا اقصد اني سعيت بالخير ولله الحمد لكن ما بين بعينه
اهله علاقتي فيهم كويسه من صغيرهم لكبيرهم و ع الرغم اني عشت ببيت مشترك لكن الحمدلله ما سببت مشكله او اختك قالت او ابوك اووو اسمع واطنش اهم شي بنتي و زوجي و بس
جاته فتره يبي يطلق ع اتفه سبب و فعلا قال انتي طالق لو طلعتي مع اخوك او رحتي معه اي مكان
اختي تملكت و لا خلاني اروح معاها سوق و عشت كم شهر تحت ضغط نفسي ما يعلم فيه الا الله اختي. و تو متخرجه من الثانوي و يكفي مصدومه من وفاه الوالد و لا خلاني اوقف معها حسبي الله عليه
جا رمضان و سوا لي موقف ما اقدر انساه فعلا كسر كل شي بقلبي و خلاني افكر جديا اني اهرب من حياتي معااه اكلمه ي حبيبي لاتجيني 11 اتاخر نص ساعه برا رطوبه ماابيك تتحمل الحر و انا بتسحر مع اهلي و من قلت هالكلمه قال احنا ما اتفقنا وووو يا انك تطلعين الحين او اكلم الشرطه واسوي لك فضيحه عند باب البيت هنا انا انصدمت و قلت انا لابسه عبايتي و انتظر الشرطه جيبهم
كلمت ابوه و قلت له وش صار قالي تعالي ي بنتي البيت و يصير خير قلت انا جايه و بتفاهم ف الموضوع تفاهم الاب مع ولده بس والله في قلبي شرخ كبيير و جرح كبير ما احد يعلم فيه الا الله
جا العيد و بعدها زواج اختي حضر زواج الرجال و انتهينا من الزواج و زحمته الحمدلله
جو الخطاب لاخته و لبسوها الشبكه و صارت خطبه رسميه و انا ماكنت موجوده بحكم زواج اختي في جده وهم بالخبر كلموني اخواته و قلت له جوالي معلق مرا و كلمتها و باركت لها
بعد زواج اختي كلمني بجيب اخواتي معي يعتمررن من يوم ما توفت امه ما راحو مكه قلت طيب وش دخلني حنا متشاركين بيت جات ع العمره بيت الله للكل و جو فعلا و اخذو عمره و بعدها اخذني معهم ف الشقه الي استاجرها و كان عنده شغل و يجي يودينا للسوق
طبعا اخذني مو حبا فيا اخذني عشان اجهز اخته بطريقه دبلوماسيه جدا
انا سكتت و ماحبيت اسوي شوشوه و رحت للاسواق و جهزتها من افضل شي مكياج و ملابس و رحمتها لان امها متوفيه مو عشانه و رجعنا الخبر
من يوم رجعت الخبر وانا بس تعبانه صداع و خمول و كارهته اكثر من اول بس اتذكر سلبياته و اتمنا ما يرجع من الدوام و هو من يوم يشوف وجهي يطردني من الغرفه
جا يوم واتخاصمنا ع كرت زواج و الله الموضوع تافه لكن الشيطان لعب فيني دور و خصوصا كنت معذوره شرعا و هو زادها عليا اخذ جوالي عشان ما اكلم اهلي و قفل باب الغرفه عشان ما اتفاهم مع ابوه نزلت و صيحت من اقوا ما فيني و اخذت بنتي و قفلت بابي و لميت اغراضي و اغراض بنتي و كلمت امي و قلت تعالي خذيني انا ما اتحمل
ابوه كلم امي و قال خذيها ترتاح و هو يقول لاتاخذ حاجات كثيره وانا قلت انا بروح
جيت لامي و وضحت لها امور كثيره و قلت هذا ما يتفاهم و جلست خمس ايام ولا اتصل و لا ارسل ولا شي ع الرغم ان الضغط كله منه
جا لبيت اهلي و كلم امي قال اباخذ فلانه قالت امي ماهي راضيه قال لها يا تجي معي يا بطلق
قالت اناديها لك و اتفاهم معها
جيت و كنت صايمه و تو افطرت و صلينا المغرب و سلمت عليه و اناظره عادي و قلت ايوا ي فلان قال انا جيت ما اتذكرت بنتي جيت و سالت عنك وابغا اخذك قلت طيب نتفاهم قال اتفضلي و هو كاره يسمع مني شي و جلست اناقشه و احتد النقاش فحبيت اضيفه واجيب مويه و اروح معاه اخزي ابليس و قبلها قاعده اقول له نتفاهم يا فلان بس قمت من مكاني قال لامي و لاخوي اشهدوا ترا فلانه طالق و اوراقها تجيكم بعد العيد عيد الاضحى انا ما قلت شي وامي قالت حسبي الله ونعم الوكيل
كلمت خال و قلت له القصه و قلت خليه يجيب اوراقي زي ما قال و خالي كلمه و ارتفع ضغطه و احتد معاه
بعد فتره اكلم خالي يقولي بجي للخبر و نتفاهم قلت طيب
كل مره اكلم خالي يلا وش تبين انا مشغول و انا اذا جيت بتفاهم معك
و اتصل خالي ع امي و قال لها تراه يكلمني بالساعه و انا اذا جيت بتفاهم
اتصلت ع خالي و قلت له شوف خليه يجيب ورقتي والا انا بتصرف خالي سكت و بعدين قال لاتسوين شي انا بجي و بتصرف و نتفاهم اثاري مكالمات خالي و زوجي اثمرت انه ياخر ورقه طلاقي و انا اخر من يعلم قال له لاتجيبها و انتظر الين نتفاهم
انا ما سمعت كلام احد و في وحده الله يستر عليها حنت ع راسي اني ارفع قضيه لانه مناطل بورقتي و فعلا رفعت قضيه طلاق
اتصل زوجي ع خالي بعد ما جاه الاستدعاء و قال وين كلامنا و وعدنا خالي انحرج من التصرف وانا انقهرت من تصرفه ليه تمنعه يجيب ورقتي
الحين الامور متعلقه انا رافعه قضيه و خالي سحب يده من الموضوع لاني تمشكلت معه كنت حابه يبلغني وش يصير معه و كنت اسبوعيا اتصل عليه و يسفهني ومااحب احد يسفهني خصوصا في موضوع يخصني عطني وش قلت له وش قال لك نتواصل عشان نوصل لحل لكن فضل انه يسكت و انا سكتت و اتصرفت بطريقه المحاكم
الان انا محتاره اتنازل عن القضيه او لا لان زوجي حقير ولا فكر برجوع و لا انا ابغا ارجع و من حقي اعرف لي وضع اما متزوجه او مطلقه
و الش الثاني ما يهمه متعود لما يزعل يرميني انا و بنتي عند اهلي بالشهرين او ثلاث شهور بعدين يتذكر ان له زوجه و بنت انا تعبت شعور صعب لما تحس انك طيب مع الكل و خصوصا زوجك و هو الي ودك يكون معك و يساندك يصير العكس اول شخص ينبذك و يتخلا عنك
هذا الشي الي خلاني اتخذ قرار المحكمه
ابغا ارائكم و ردودكم و حلول مقترحه يمكن في شي غاب عني و عن تفكيري
اسفه علي التطويل وجزاكم الله كل خير
21
2K

يلزم عليك تسجيل الدخول أولًا لكتابة تعليق.

تسجيل دخول

سوآليتآ
سوآليتآ
الطيبه مع بعض الناس مذله
ولكن استخيري
ام سمو الحلوه
ام سمو الحلوه
لو سمحتو ي اخواتي انا طالبه مشورتكم جزاكم الله كل خير
لااحد يرسل ع الخاص و انا ماطلبت فضفضه و ترقيم لاحول ولا قوه الا بالله
مي الصيعري
مي الصيعري
الطيبه مع بعض الناس مذله ولكن استخيري
الطيبه مع بعض الناس مذله ولكن استخيري
بالبدايه اللوم عليك
معليش لاتزعاينن مني
اولا كان لما قالكبنسكن معهم قلتي ابشر وسكتي
وثانياً كل ماتهاوشتي وياه لميتي اغراضك ورحتي لهلك لااا غلط كذذا
هو تعوود ع كذا انك بتزعلين وبيزين له الجوو ولما يحتاجك بيجيبك غصب
حبيبتي الطيبه بالاخير تلقينها لاتزعلين
بس حاليا استخيري الله بالتنازل
والله يكتتب لكك الخييير
والله يفررج همك وهمي وهم كل مسلم ومسلمه ياارب
الله يبدل حالنا من حال لحال افضل يارب انك ع كل شي قدديرر
رماد وذكرى
رماد وذكرى
ربي يفرج همك ياااارب واستخيري يا اختي انا شايفه اللي عملتيه صح عشان يعرف طليقك وخالك انو انتي تقدري تاخدي حقك بيدك واذا ربنا كاتبلك الرجعه وارجعتي له لازم يحسبلك الف حساب قبل مايطلق عكيفه ربي ينصرك ويكون بعونك ويختار اللي فيه خير لك
دمعة غلآ
دمعة غلآ
حاولي تخففي من التفكير كثيير كم يوم حتى تفكري زين
وكلي امرك لله واستغفري طوال الوقت وخلي اغلب وقتك دكر وقران
لماتهدي شوي استخيري
بعدها قرري
فكري بكل شي كل النواحي
الله ييسر امورك ويرزقك السعادة وراحة البال ويكتبلك الخير وين مايكون