السلام عليكم و رحمة الله و بركاته
صراحه انا مو متزوجه بس صديقتي المقربه تزوجت قبل سنتين و حملت و توها قبل ثلاث شهور انجبت بنوته الله يخليها لها يارب قبل اسبوع تجمعنا مع صديقاتي ببارتي وحده من صديقاتي بمناسبة ان ابوها رقووه بالشغل ما شاء الله المهم ان صديقتي المتزوجه كانت من المدعوين و مع الحوسه و السهره و الرقص و كذا تعبت خاصة ان توها والد حست بتعب و طلبت من صديقتي تعطيها ملابس بيت مريحه يعني ما قدرت تتحمل الجينز الضيق وكذا و راحت الغرفه تغير ملابسها طبعا انا كنت بالغرفه اعدل مكياجي و بما انها اختي اللي ما جابتها امي عادي تغير ملابسها بوجودي طبعا بدون ظهوور العورة لفت على ورى و غيرت و لما خلصت رفعت التيشيرت بتعدله و باان بطنها و ربي يا بنات صافي و يجنن لاااصق بظهرها يعني مثل ماهو قبل ما تولد طبعا هي والده طبيعي مو قيصريه بس بشرة البطن نفسهااا صاااافيه و بيضاا و زادها جمال بطنها املس مرره ما شاء الله ماالها بطن مثل قبل ما تحمل المهم سألتها قلت يا فلانه وش مسويه مستحيل وحده تحمل و ما يطلع لها تشققات !! إذا نحفنا او سمننا طلعت اجل وشلوون الحمل و توسع البطن !! قالت انا مثلك كنت خايفه بس قريت بالنت وحده وصت بنتها تدهن بطنها يوميا قبل النوم بزيت زيتون مع مساج خفيف يووووميا يعني ما تتركينه طول فترة الحمل و تقول فعلا مشيت عليها و ما خليت هالحركه ابدا يوميا قبل النوم حتى عودت زوجي على ريحة زيت الزيتون صار عاادي عنده خخخ تقول والله ما لاحظت وجود اي تشقق البطن يكبر لحاله عااادي بدون ما يصير شيء و ليومك هذا ما شفت شيء :)
طبعا انا مو متزوجه بس استفدت منها و حبيت افيدكم خصوصا اللي باقي ما حملوا و الحوامل الحقي و سويها لأن اكثر مشكله نسمعها هي التشققات بعد الحمل بالبطن و على فكره حتى الرياضيين يدهنون المناطق المعرضه للتشققات بزيت الزيتون او اي زيت قبل ممارسة الرياضة معروفه هالمعلومة عشان لما يتوسع الجلد يكون طري مو جاف و يتشقق
اممممم و بس ادري طولت عليكم و ثرثرت بس من حبي لكم والله
الله يوفقني و يسعدني و صديقتي و وياااكم يارب :heart:
يلزم عليك تسجيل الدخول أولًا لكتابة تعليق.
بَـحّة غِـيآبْ ‘
•
شكرآ ع الفايده الله يعطيك العافيه
الصفحة الأخيرة