أم مصلح @am_mslh

عضوة فعالة

ما شاء الله عليها......(مـ ثـ قـ فـ ـة)..

*

..حياكم الله..

جلست في صدر المجلس وتجمعن حولها البنات..وبدت تتكلم..

أسلوب جذاب..وكلام منمق..

حركات اليدين على إيقاع الكلمات..

وملامح الوجه تتكلم قبل لا ينطق لسانها..

واللي حولها..راحن في عالم ثاني..

يميلن يمين إذا حركت يدها يمين...ويميلن شمال إذا اشارت للشمال..

أما عيونهن..مره تصغر ومره تكبر..

والحواجب..تشوف فيها كل العلامات..

تعجب..!!!

استفهام..؟؟؟

إعجااااب...

ويتخلل هذي المشاهد أنواع النغمات من الضحك...

كانت ملكة الجلسة في هذي الليلة..

لكن..أنا وأنتم حكمنا عليها من بعيد..خلونا نقرب شوي ونسمع كلامها الجذاب..

ونتابع أسلوبها الأخاذ..

تعالوا معي..

كان هذا جزء من كلامها...

( أحسن فديو كليب للسنه كان للفنانه***** )

(ما دريتوا عن آخر أخبار الفنان**** .........)

(الفنانه***** زواجها كان في أوروبا على الفنان***** )

( ما شفتوني وأنا أرقص مثل الفنانه******)

............................إلـخ.

اليوم الثاني جلسن ثنتين من اللي حضروا العزيمة البارح ودار بينهن هالكلام...

(س).. بالله وش رايتس في فلانه البارح..؟؟؟

(ص).. ما شاء الله عليها مثقفة..!!!

(س).. إي والله ما شاء الله عليها...!!

===============

صار هذا الكلام مقياس للثقافة في مجتمعنا..

والمصيبة إنهم يذكرون الله علشان ما يصيبونها بالعين وتبقى بدون ثقافة..!!!!!

أقول لكل من تحمل هذه الثقافة..

عذراً...

أنتِ مـ سـ قـ فـ ـة ولستِ مـ ثـ قـ فـ ـة..

شكريا..

يلزم عليك تسجيل الدخول أولًا لكتابة تعليق.

تسجيل دخول

سـتيلا • 17 سنة

مشكوره على الموضوع

هذا الي هامهم الناس
الا من رحم ربي
مالقولهم سالفه الا الفن والعفن وغيره لو يالفون كتب ماخلصوا
امحق ثقافه

عيـــ الكوون ـــون • 17 سنة

والله انك صادقه
شي يرفع الضغط:angry2:
واذا جيتي سالتيها عن اتفه شي في دينها تبلم ( يعني للي مايفهمون فاغره ) قدامك مو
داريه انت وش تحكين

الله يزيدنا بهالبلاوي جهل
والمشكله اللي دايم ترفع ضغطي من جد :boom:
اذا قلت لاحد اني ما احب هالحكي يعني اذا جيت الله لا يهينك لا تحكين في هالموضوع
تقول ابشري وان شاء الله

واذا جت الحقيقه ما عندك احد ولا كانك موجوده وتحكي وتكمل سالفتها

انا وجهي يقعد يتقلب اشكال والوان من القهر:icon8: :frown: :mad:
على الاقل احترمي ان في المجلس احد مايحب هالحكي

ادري اني طولتها وهي قصيره

بس وش اقول ووش اخلي

شي يرفع الضغط جد :angry2:

وشكوره اختي على الموضوع

أم مصلح • 17 سنة

سـتيلا :

مشكوره على الموضوع هذا الي هامهم الناس الا من رحم ربي مالقولهم سالفه الا الفن والعفن وغيره لو يالفون كتب ماخلصوا امحق ثقافه

مشكوره على الموضوع هذا الي هامهم الناس الا من رحم ربي مالقولهم سالفه الا الفن والعفن وغيره...

*

وعلى قولت الشيخ محمد العريفي لو تسألينها وش معنى الله الصمد ما جاوبت..

صدق من قال انهم معفنين ومعفنات..

شكريا لمرورتس...:26:

ام عدولى السنعه • 17 سنة

المصيبه يوم أوال متزوجت لين يجون يسألونك ؟؟
هاها ويش سوى معاك زوجك ليلة الدخله وكم مرة؟؟؟
والله العظيم اني بغيت ابكي من الخجل:icon33: دوبني عروسه جديدة وكل الحريم ساكتين ينتظرون الرد
والله اني سكت ودنقت .....ويش بالله أقوال
لهم؟؟؟
يعني المجلس عندنا يا الحريم مايخلو من الحش والنفاق وفضح الازواج والله يحريم تفصلك تفصيل
ويش يسوي معها زوجها بسرير والله العظيم.....:angry2:
وين الكلام الهادف وين الفائده والاجر وين جلسات الوناسه انا والله ماعد صار اروح لهم كلها بسبب الكلام التافه وقلة الادب:angry2:
لا وزيدك من الشعر بيت يوم والدت بوالدي مفروض يتحمدون للوحده بسلامه لا يغثونك بسواليف
الي تجيب الاستفراغ:09: وكل وحده تشرح كم أنفتح عندها من سنتمتر الي تقوال لك 3 والي 7 والي مردري كم:icon28: وتشرح لك يوم تدخل الممرضه يدها ........الخ
والله اني اتقرف من سواليف بعض الحريم بلمجلس ونص السوليف تفضح والي ماتعرف في الكلام الوسخ ماهي مثقفه امحق من ثقفه
الله يهدينا ويهم
راحو حريم قبل الي يستحون......؟؟؟؟

ام رنو • 17 سنة

هلا ام مصلح اصلح الله لنا ولكم الذرية

الحمدلله مامرت علينا هالاشكال من المسقفات وجعلها ماتمر

بس ام مصلح ابيك بكلمة راس (عطينا معنى مسقفة لغة واصطلاحا :) )