ما طلع لي شي ..وبعدها خط خفيف

خواتي تدرون لما تاخرت علي الدورة اربعة ايام سويت فحص اول شئ انتظرت 40 ثانية مثل ما قالوا ما ظهر لي الخط الثاني ..قلت
خلاص عاد مب حامل ورميت الاختبار على جنب يوم جاء زوجي اول ماشافه قال لي في خطييين ركضت على الاختبار إي والله في خط
ثاني خفيف .بس قلت له لا تصدقه يقولون لا تهتم للنتيجة بعد 10 دقائق وانا ماادري كم مر من الزمن قبل لايظهر هالخط . المهم
ظليت ثلاثة ايام اخرى بين الشك واليقين وبعدها سويته مرة ثانية وهالمرة طلع لي خطييييييييييين .......حاااااااااااامل قلت سبحان الله
يوم جاء زوجي قال لي ها بشري قلت له تعال نسجد شكر لله .......الحمد لله الذي عوضنا

تدرون انا سمعت مقولة لدكتور عمر عبد الكافي يقول ( اذا سلبك الله نعمة فاعلم ان العوض آتي وبأضعاف ما سلب منك)
وكنت ادعي يارب اني انتظر منك العوض يارب عوضني
يالله ما اكرمك ...ومن يوم اجهاضي ما جتني الدورة لليوم وحملت لله الحمد والمنة

نصيحة لاخواتي الي فقدوا حملهم والي ماحملت للحين : أحسني الظن بالله وتاكدي ان الله رازقك في يوم من الايام فهو لا ينسى عباده
ابدا وكل شئ عنده بمقدار..سبحانه هو الرزاق الوهاب
اسفه طولت عليكم بس أمانة ادعو لي ربي يثبت حملي ويسر لي