ديره وفا @dyrh_ofa

عضوة فعالة

ما عاد باقي رياجيل"،،،،

هذي طبوعي كل ما عسعس الليل
________ أصلّـح الدلـة وأجـــر اللحونــــي

بريـةٍ موزونـة البـنّ والهـيـل
________ والماء بوزن وحيّ هاك الوزونـي

منهـا تكيّفنـي ثلاثـة فناجـيـل
________ وأرتاح ويطير السهر من عيونــي

وأراجع الذكرى وأجـرّ المواويـل
________ والذكريـات بكـلّ شكـلٍ ولونــي

البعض منها يشرح الصدر بالحيل
________ والبعض لا والله يجـدد طعونـي

وأرجع وأفكّر في الليال المقابيـل
________ لعل وقتـي مـا يخيّـب ظنونـــي

وأدخل على الله من حياة الغرابيـل
________ حيث إن همّي ما تشيلـه متونـي

كنّك مفصّل فوقي الهـمّ تفصيـل
________ لين إلتبسني مثل لبـس الجنونـي

حالي كما حال القلوب المشاغيـل
________ اللي من أطرف شـيء يتـأثّرونـي

لو يشتكون الغبن والجور والميـل
________ للغيظ وسط صدورهـم يكتمونـي

فكّرت الا الموضوع يحتاج تحليـل
________ وفنّ الدراسة واحـدٍ مـن فنونـــي

عرفت وش عكّر مزاج المشاكيـل
________ يوم إنهم مـن وقتهـم يشتكونـي

أول سبب: نقالـة القـال والقيـل
________ الطغمة اللـي جعلهـم يذهبونـي

قلوبهـم بالحقـد سـودٍ مغاليـل
________ ومن طبعهم بالمشكلة يفرحونـي

وثاني سبب: ناسٍ على مثل ما قيل
________ لا يقطعـون الشّـر ولا ينفعونـــــي

والله ما يرفع ضغطك إلا المهابيـل
________ العالم اللي في النحـر ينشبونـي

وثالث سبب: ناسٍ سوات المخاييل
________ على سلوم الطّيب ما يحرصونـي

خلّو سلوم أجدادهم رغو مع سيـل
________ وفي عالم التقليد جو يركضونـي

طشّوا عمايمهم ولبسـوا بناطيـل
________ والموس فال أشنابهـم والدقونـي

وأرقابهم ما سلمت من السلاسيـل
________ تطبّعوا بطبـوع هيـم البطونــــي

في ذمتي ماعـاد باقـي رياجيـل
________ إلا القليـل وجعلهـم يثــــبتـونـي

صفّة بعد صفّة وجيلٍ بعـد جيـل
________ كلٍ من اللي قبله أنقص وأدونـي

هذي هي الأسباب من دون تفصيل
________ شرحت روس أقلام بس أعذرونـي

يلزم عليك تسجيل الدخول أولًا لكتابة تعليق.

تسجيل دخول

haney • 18 سنة

رووووووووووووووعه

*درة البحر* • 18 سنة

ماااا أرررررروووع قصيدتك....
ومااااا أجمل ما خطته أناملك .........
كلمااااات راااااائعة...رغم ما تحتوييييه على حقائق مريره...
ديره وفااااا
كعادتك ....
كتبتى...فتميزتى .....بل ابدعتتتتتتتتى
تستحقين التحيييييية اعجاابا..
انتظر جدييييييدك.......بشوق جم
ودمتى لنا ولمن تحبيييييييييييين

ُEnGagINg GirL • 18 سنة

قصيدتك تحكي عن واقعنا المرير
اللهم أصلح شباب المسلمين واجعلهم يقتدون بنبي العالمين..
أبدعتي والله يا مبدعتنا..

~¤§الآآآآســـره§¤~ • 18 سنة

ما شاء الله لا قوة الا بالله
اقل شي عليها رووووووووعه

ديره وفا • 18 سنة

hane يسعدني مرورك..
ُEnGagINg GirL صادقه حبيبتي هذا الواقع المرير الله يهدي شباب المسلمين اجمعين00
~¤§الآآآآســـره§¤~ شكرا على مرورك000