الحمدلله والصلاة والسلام على اشرف الانبياءوالمرسلين سيدنا محمد وعلى آله وصحبه ومن تبعه بإحسان الى يوم الدين
يا اخوات بقص عليكم قصتي هذه واتمنى قراءتها الى الاخير وان شاءالله ما اطيل عليكن وأسأل الله ان ينفع بها
بيوم كنت تعبانه تعب شديد على اثره قال الطبيب لابد من دخولي المستشفى للاطمئنان على الحالة
المهم دخلت وحسوا انه الحاله صعبة شوي ومشتبهين بشيء
قالوا ندخلها العناية المركزه لمدة 24 ساعه للاطمئنان فقط
انا كنت واعية لكل ما يحصل لي
إلا ان قواي ضعيفه جدا
دخلوني غرفة العناية
(اسأل الله ان لايريها مسلم )
شالوني عالسرير (الحمدلله عالعافية )
ركبوا تخطيط القلب والمغذي مسبقا
شوي دخل الطبيب
قال لي شوو خاايفه ؟
انا :لا الحمدلله
الطبيب :متأكده الغرفه ما بتخوّف؟
انا :الحمدلله (كان ودكم تخوفوني !)
قال لالا انتِ شجاعه ويضحك
قال لي ليش ما تسلين نفسك واخذ الريموت
وقعد يفرفر القنوات
قلت خلاص خله عالاخبار
قال لا شو هالحكي حالتك ما بتصلح بنوب لهالاخبار
وحطه على قناة كان فيها برنامج مدري وشو
ما اتذكره
قال لي : اوكي؟
قلت طيب (ودي يطلع )
اخذت القران ودي اقرا بس بصراحه ما قدرت
فـ أخذت لي غفوة
صحيت ولقيت الممرضه تتفرج على مسلسل
وتسألني كيفك ؟
قلت الحمدلله
واحسها مندمجه مع التلفزيون
شوي جت لقطه رومنسيه
انا كنت منصدمه من اللي اشوفه
واتلفّت اشوف ويني انا ؟
لاوالله بالمستشفى
وبغرفة كلها اجهزة
كلمتها قلت وش هذا ؟!
قالت تركي وتضحك كل السعوديون يتابعونه
انتِ ما تتابعينه ؟
قلت ولا عمري عرفته
لا تستغربون ممرضه فلبينيه وتتفرج مسلسل مدبلج للعربي
وكان معها ممرضه من جنسية عربية
طبعا انا متعود ان الممرضات لازم يوقفون عند التلفزيون شوي كفضول
وهو كان مفتوح من الاول على هالقناة فلازم يتابعون
قلت معليش انا تعبانه ومابي تلفزيون
قالت حاضر
شوي تقيس الضغط
قالت انادي الطبيب
قلت لا
بس ابي انام
ما جاني نوم كالعادة بالمستشفى ما فيه شيء اسمه نوم الا غفوة
وقعدت افكر لو اني جاملتهم
وتفرجت معهم وانا بحال المفروض يستغفر
ويطلب الله الرحمه والشفاء وحسن الخاتمه
ومت على هالحال
كيف موقفي من الله ؟
صحيج يابنات الموت ما يجي بس بالعناية
ولا بغرفة العمليات
ولا بالسفر
بيجي حتى لو انتِ نايمه
لو انتِ جالسه
لو انتِ على منكر
لو انتِ على سجاده
محد يتمنى يموت وهو على سجادته ؟
رمضان عالأبواب كيف نتعبد الله
وبنفس الوقت نشوف هالمنكرات!!
مانستحي من الله !!
اذا الممثلين والمخرجين مااستحوا من الله وفي الشهرالفضيل
وفي شهر أنزل فيه القران
وليلة القدر
يتنافسون عالمنكرات
وكأنهم يتنافسون على مقاعد جهنم
اعاذنا الله واياكم شرها
وهدانا الله واياهم
نصيرمثلهم ؟
نجاريهم ؟
شياطين الجن تصفدت
لكن شياطين الانس قامت بالمهمه
فنتعوذ كلنا منهم
ونذكرالله
ونجعل هالشهرالكريم هو بداية الخير
لا للافلام
لاللمسلسلات
لاللملهيات عن ذكر الله
وبهالمناسبة كتبت هالأبيات المتواضعه
واتمنى توصل الغرض
أتعبهم الإسلام بمنهجه المتين
............وحاربهم بالشّرَف وصَقْل الحُسام
تبرّأ من البشر أنجاس واطين
..............فاعلين العارمصوّرين الأفلام
ودّهم ينزعوا الحياء منّا جاهدين
...........ودّهم البنت تفعل مع الشاب الحرام
ودّهم الأب مايسأل عن ضناه وين !
.............ودّهم يلغون من قاموسنا الإحترام
دمّرونا وكن من الأصل ناقصين !
...............شتتونا ولايهم.. العمر أيام
أم وأب و عن اكبادهم ملتهين
............الدش يربي على حسن الإجرام
يعلّم الولد كيف يحارب الدين
............بإن الغنا فن والعشق يا سلام
وللبنات جرّبوا ليش مستحين ؟
............شوفوا تطوّر الغرب صار قدّام
وانتوا بالعباة مدسّسين... ملفّفين
............ والبشره غدت من الحر غمام
ممثلات عاريات مع عفن ممثلين
........عشيقها سايق ومرة من العمام
فهّمونا الفن " رسالة" ...مفسدين
..........والرسالة عاريه مافيها احتشام
في وقت المسلمين بالمساجد راكعين
.............المسلسل يعيش قصة حب وهيام
كيف عرفنا التبرّج مكانه منين ؟
...........وكيف عرفنا الشّعَرتسْرِيحِه سنام !
وكيف دام الزنا بس طيش عيّلين!
...........وكيف تقليد الغرب للعرب وسام !
وكيف تحوّل هوية الشين زين!
...............وكيف صار الملتزم عليه كلام !
ألّفوا للرذيله .. مثّلوها ملتحين
...........حَارَبوا الفضيلة ..ورموها للحطام
و دامنا عرفنا غرضهم المشين
................ننهض الهمم ولاهمّنا ملام
ونقسم بالله
يا عدوين
محاربين
ورافعين
لراية الجهاد
أعلام
.
طايحين بالمسلسلات التركيه
لاحول ولاقوة الا بالله
وماتشوفي شر يالغالية