ما عرفت بحياتي شنو الحسد والعين والسحر بس تعرفت عليهم

مرااااحب للجميع

تزوجت ب 30 / 11 / 2006 بس ما سويت عرس حجزت بالفندق اسبوع علشان شهر العسل على ما تخلص شقتي
وبعدها قعدت في بيت اهلي جم يوم على ما تكمل الشقه واسوي استقبال بس ما كتب ربي اني اسوي استقبال لاني حملت باخر شهر 12 يعني بعد زواجي بشهر ونساتي كانت كله نوم في نوم والتعب هاد حيلي قلت لهم مابي اسوي شي
بعدها ماهملت زوجي وما ادري عنه خير شر وبدت المشاكل معاه وكل يوم كنت افز من نومي مخترعه من هالكوابيس اللي اشوفها
زوجي من النوع اللي يعرف حق امور الحسد والعين والسحر لانه مجرب من اول هالامور بس انا كنت اقوله لا انت تتوهم ما فيه شي من هالسوالف تصير بس بالقصص
كان يقول لي لا تتكلمين حق احد شنو يصير او ريلي سوا لي بس انا كنت عادي اسولف واقول لانه من النوع الحنون واللي يحب يدلعني
لقينا اشياء غريبه عجيبه في شقتي وبعدها صرت اكره اكثر واكثر واي هوشه معاه اقوله طلقني طلعت من الشقه وسكنت عند اهلي
وبعدها رحت بيت اخوه
ويااااااااااااااااااااارييييييييييييييييتني مارحت
اول شي اوه ومرت اخوه حيييييل احبهم واحترمهم واقدرهم مرت اخوه ما تخليني اسوي شي بس تطبخ وتناديني على الغدا والعشا
بس بعدها عرفت شنو اصلها مرت اخوه
انسانه حقوده وتحسد كانوا يحذروني منها بس انا ما كنت اصدق لاني ما احب احكم على الناس لما اشوف منهم شي
وصار لي موقف خلاني اتاكد من الكلام اللي قالوه لي

اول شي كاانت كله تشتكي من بيت اهل ريلي واهم سواا معاي جذيه وكانوا يطقوني ويتجسسون علي بس انتي غير ما سواا معاج شي قلت لها انا ما شفت منهم الا كل خير

ككانت نساتي قويه قررت انتي اقعد عند اهلي من الشهر الرابع وقعدت صج عنهم شهرين وكنت ايي عند ريلي يوم الخميس اللي تصير فيها جمعه اهله في بيت اخوهم ومرات انام عند ريلي ومرات لا يرجعني البيت

نمت عند ريلي يوم الاربعا بالليل وما كان احد موجود بالبيت كلهم نايمين قال لي ريلي علشان اوديج الصبح السووق بس ما قدرت انام من الساعه 12 ل 3 ونص كنت قاعده بس احس ان في احد يلعب فيني يسحب ريولي اقوم افز من نومي ريلي يقول لي شنو هالاحلام اللي تييلج اقوله انا قاعده مو نايمه اخر شي حسيت بسحبه قويه بريولي قمت انفض ريولي حيل وابجي وبعدها نمت ما حسيت بنفسي الا الصبح
قعدته الصبح علشان نروح السووق قلت له ان في احد يلعب ويسحب ريولي قال لي احلام وان شاء الله خير ما اهتميت للسالفه بس طلعت ابي البس تكرمون نعالي ما لقيته دورته وما حصلته راح ريلي طق الباب على بيت اخوه اطلعت بنت اخوه قال لها ما شفتي نعال مرتي قالت لنا امبلا قمت الصبح لقيت النعال داخل بس مادري مال منو
انا ما حطيت في بالي شنو صار معاي امس وشنو صار بريولي قلت اكيد الخدامه لبسته وادخلت فيه داخل البيت اخذته وعلى طوول لبسته
ريلي عصب قال لي انتي اشلون تلبسينه وما شفتي حالتج امس اكيد مسوين لج شي فيه
قلت له لا ماكو الا كل خير ان شاء الله وكاني قاعده امشي فيه مافيني شي

صار الليل موعد العشا رحنا العشا بس اول ما دخلت البيت صرت تعبانه حديييي وقاعده اشوفهم بس مادري شنو صار فيني مثل الهبله بس اطالع وطول الوقت ساكته
قعدت يم مرت اخو ريلي
قالت لي انتي كنتي موجوده هاليوم الفلاني قلت لها لا اسكتت حسيت ان في الموضوع شي بديت اوسوس الغرفه اللي ماخذينها صايره مثل الديوانيه برا البيت ومحد يدري عنها منو يدخل ومنو يطلع
قلت اكيد ريلي مدخل حرمه داخل البيت واللي زاد شكوكي اني كنت حلمانه ان زوجي قاعد يعدل احذيه عند باب الغرفه اختي قالت لي ان الاحذيه معاهم حريم
انا سكت وقلت راح اعرف بس ماراح اقوله بعرف بطريقتي
مع العلم ان ريلي صار له فتره يروح الديوانيه عند ربعه وكان يقول لي انا كاره المكان وما احب انام فيه متى تخلصين نساتج وترجعين لاني ما احب اقعد بروحي حتى نوم ينام بالديوانيه بس يرجع البيت يغير ملابسه

بعد العشا رحت غرفتي قلت حق ريلي ابي انام ماني قادره اتحمل قال لي على الاقل قعدي اشوي لما يروح ابوي وامي بيتهم قلت له مابي وغيرت ملابسي ونمت قال لي انتي اليوم مو طبيعيه بخلي اختي تقرا عليج اهي تعرف هالسوالف وكانت معاها رفيجتها
مع اني احب اخت زوجي الا اني خفت ادخلت اخته تقرا وترش ماي وملح على زوايا الغرفه وانا اطالعها خايفه حدي اسال ريلي شنو تسوي يقول لي لا تخافين ما في شي
لما رشت الماي على الزوايا اللي يمي رجفت رجفه مو طبيعيه ريلي قال لي شنو فيج ما قلت له بس قلت له ان ريولي تعورني يت وصبت على ريولي ماي وبدت تقرا وتسمي صديقتها قريبه من العايله حيل طلعت سحر محفور يم غرفتي
بعدها بيومين قلت له لما رشت اختك الماي على الزاويا اللي يمي كانها رشت الماي علي انا
كلم اخته وقالت له الحمدلله مافيه الا كل عافيه

ريلي ما رضى نقعد قال خلاص برجع بيت اهلي على ما اولد وان شاء الله بعدها ابدا ادور لي على شقه


والحمدلله انا الحين مرتاحه واقدر انام

واللي خايفه منه واقوله حق ريلي اذا انا يسوون فيني جذيه لا قريبه ولا بعيده مرتاحه اشلون اذا يبت البيبي شنو راح يسوون فيه
والله امووت بمكاني اذا شفت صار له شي لا سمح الله