ما عمرنا فرحنا

اولاً يااختي العنوان غلط استغفري ربك عمرك مافرحتي !!!!!!ليه عاد هالجحود متزوجة وعايشة حياتك ليه تقولين هالكلام ايش خليتي لنا !!!
ثانياً برايي ابو البنت علمكم اللحين لما مابغى الا ايام على الملكة المفروض يقولوا هالكلام من اول الخطبة لما كانت بين الحريم ليه خبوا هالشيء ومايبون يقولونه الا اللحين وهل صحيح اللي قالوه ولا ممكن في شيء اكبر بكثير من هالشيء ! ! !
يعني ممكن قالوا لكم بس نص الحقيقة ويبغى الباقي مخبىء للقدر لما يتزوجها راح يعرف الباقي وبالتفاصيل كذا برايي هونوا الموقف علشان ماينصدم!!!!
البنت الله يشفيها ويشفينا ويشفي جميع المسلمين يارب
ثالثاً امامكم خيار لسه مابعد يتم شيء اما القبول او الرفض مو مجبورين تتمسكون فيها كل شخص يشوف مصلحته والزواج مافيها مراعاة لمشاعر احد او علشان فلان او فلانة باخذ البنت ياااختي ذا زواج وعشرة عمر واولاد لازم يتأكد من البنت اللي مقدم على الزواج عليها مقتنع فيها ولا الله يوفق الجميع هي مو حلاوة مااعجبتني برميها وبطلقها وبوديها بيت اهلها لاتنظلم البنت ولاهو ينظلم لازم الزواج بالاقتناع والموافقة مو يكون مشتت ولايدري يوافق اولا يبيها اولا بس يلا اهم شيء زواج اسمحي لي هالتفكير خطأ
رابعاً برايي خالتك ماسوت شيء غلط انتي متحاملة عليها الله يهديك تبي لاختها الزين وقلبها عليها ماتبي بكره تحاتي ولدها مو قصور ببنت الناس بس ذا زواج مو لعبه وانتي قلتي بنفسك اخوك وجهه متغير ومتكدر يعني مو مقتنع ويحس نفسه مجبور بس علشان خاطر امك مايبي يزعلها بيكمل وبيملك خطا كذا يواجه ويقول بستخير وبشوف لو ارتحت بملك لو لا الله يوفقه حتى لو ملكته الثلاثاء برايي من البداية ينفصل قبل لايصير شيء ولابعدين يندم ويطلق البنت ! ترى هي لها مشاعر والمرض من رب العالمين بس اهم شيء ياخذها عن قناعة!
خامساً شوفي لاتقولين عمرنا مافرحنا لابزواجات خالاتي ولا بزواجي غلط كذا زواجك وزواج خالاتك نعمة من رب العالمين مو الكل عنده هالشيء وهو بحد ذاته فرح لك انتي !
يعني اي شخص مثلاً يتقدم للبنت لو فيه عيوب الدنيا توافق عليه او الولد اي بنت يتقدم لها يوافق عليها بس علشان اقول فرحت حطي نفسك انك ام الولد وحطي اخوك بمكانة ولدك ترضين تزوجينه اي بنت علشان تقولين فرحنا حتى لو قالوا لك هالبنت كذا او كذا لاطبعاً لانلعب على بعضنا كل حرمه تدور لولدها الزين واصعب المواصفات علشان كذا نص البنات ماتزوجوا وجالسين بالبيت !
خلوه يختار ايش يبقى لاتضغطون عليه هذي حياته هو وهو اللي يقررها لاتكونون انانيين ممكن علشان البنت او الام اعجبتك خلاص ياخذها اخوك غصب وتاثرون عليه لا خلوه هو يحدد ايش يبي اللحين قبل الخساير بعدين للطرفين
آخيراً الله يوفق الجميع ويرزق الجميع بااحسن الازواج يارب عاجلاً غير آجلاً
تقبلي كلامي كااخت لكي واسال الله لي وللفتاة الشفاء من كل مرض

• الله يفرج همكم.