مشكوين اخواتي على الكلام الطيب اختي شجره الدر من تجربتي في غسل الملابس بصراحه جربت الغسل الاسبوعي مره متعب والحين انا اغسل يومي واكوي اريح كثير لان الملابس تكون قليله وتكوينها في نفس اللحظه من ناحيه الجهد بصراحه الغساله والنشاف الي عندي مره مريحتني بس اقط الملابس والصابون وبعد نص ساعه احطهم في النشاف وبعد نص ساعه اطلعهم واكويهم كلها وكل يوم على كذا ومن الناحيه الاقتصاديه والله اشتري اريال الكبير في الشهر كرتونين والحمدالله

السلام عليكم
كيفكم بنات ؟ ان شالله بخير
انا ما عندي شغاله والحمدلله بيتي نظيف وبرنامجي كل يوم هو الصبح اول ما اصحى احط الغسيل في الغساله وبعدين الطبخ وتنظيف البيت وعيالي اه من عيالي بنتين وولد غرفتهم تاخد مني ساعات من كثر الي فيها وبعدين بعد الغدا و تنظيف المطبخ ادرس شوي لاني مع كل هدا طالبه بالجامعه وارجع لترتيب البيت والحمدلله زوجي ما يتعشى وللاخت الس سالت عن الغسيل اقولها الغسيل اليومي افضل بكثير والحمدلله ماني مقصره في بيتي ولا زوجي ولا لادي بس مرات لما يكون عندي امتحان شوي اتغاضا عن شوية تنظيفات:26:

عندي يابنات مفاجأه
للي مسوي لهم الكوي
زحمه !!!!!!!!!!!!!!












الحل هو :::::
انك تجيبين لك
مجفف كهربائي
يعني بعد ماتغسلين
الملابس وتنشفينهم
حطيهم في المجفف
وبعدين صفطيهم
وعلى الدولاب
على طوووووووووووول
بس انتبهي مو كل الملابس
يصلح لها المجفف
تصدقون حتى الثياب تطلع مكويه
بس ماهي محدده
الي زوجها مايدقق بتمشي معها
والله كثير الي ارتاحوا لها
حتى في الشتاء مايشلوا هم الملابس
صراحه
انا ناويه اجيبها
الله يسهل
شكلي طولت عليكم
مع السلامه :17:

شكرا لكن أخواتي الحبيبات على تفاعلكن مع الموضوع وعلى اقتراحاتكن ..وبالنسبه لاقتراح العزيزة مووف ...المجفف الكهربائي فقد أشارت به علي إحدى معارفي وقالت لي إنه يطلع الملابس الداخلية والقطنيات عموما كالبيجامات وملابس الأولاد كأنها مكوية..فأتمنى ممن جربته أن تنقل لنا تجربتها وتخبرنا عن أفضل الأنواع لمن تريد الشراء.
وسامحوني مصختها بس الموضوع فعلا مهم لأن المنزل جنة الأسرة ولا بد من الموازنة بين العناية به وبين بقية الالتزامات
:26: :26: :26: تحياتي

أنا بعد ماعندي خادمة وما أقدر أجيب وحدة لان البيت ضيق واخاف على خصوصياتنا وما خذ راحتي مع الخادمة أحس اني مقيدة ...وبرنامجي اليومي هو اني ما نام الا والبيت نظيف اقعد من النوم افطر أطفالي (بنت وولد ) وبعدها ارتب غرفتي وغرفتهم وأغسل الثياب يوم وترك ..وبعدها أبدأ في الطبخ ..طبعا في أوقات راحة تتخلل بعض الاعمال مثل الطبخ وغسل الملابس اقعد خلالها أقرأ او اقعد على النت أو أطالع التلفزيون:32: ..اما في فترة بعد الغذاء بعد ما اخلص من التنظيف ومن الغسيل وترتيب الاطفال والاستحمام تكون فترة راحة في الغالب يعني قهوة وشاي وقعدة ..اما عن الكواي أكوي كل 3 أيام مرة في الفترة اللي يكون فيها زوجي طالع.....وعلى فكرة شغل البيت بسرعة يخلص ومايبا اليه وقت بس الاطفال وسوالفهم الي ماتخلص يا خذون كل والوقت :30:..يعني تشتغلين بالنهار واول الليل واخر الليل:( ..بس الحمد لله ماشي الحال ..واللي ماعندها وقت تجي تتسلف من لاني على طول فاضية ..:27: