موضوع جاء بوقته
جزاك الله خير

حبيت طريقة سردج وتتابع افكارج متابعة وياج

يا محلاكم والله ردودكم يسعد قلبي

ودعواتكم ما في احلى منها

ربي يسعدكم و يوفقكم ويسدد خطاكم

..............


ما شي يا بنات يلا نكمل ..

نجي للهم الكبير بالنسبه لكثير من السيدات

السيراميك اشي خلطات واشي توصيات هههههه انصحكم تشوفون

بالقوقل على بحث كلمة سيراميك راح تلاقين ان اكثر المواضيع عن السيراميك

من الحريم يبون على احلى واحسن ملمع له واكثر نظافه وبياض

ما بقت ممسحه وله فانيله رجاليه الا وجربناها لعل وعسى ينفع للتلميع


بنهاية المطاف ابي اقول لكم السر

سيراميك لمعه من غير تعب ماكوا

خطوتين الخطوه الاولى مسح والثانيه تجفيف


يا إنك تشترين الممسحه الي حطيتها بموضوع ركن الغسيل تبع السيراميك الممسحه السحريه

تمسك وتجفف بنفس الوقت

اما السر يالغاليات

ممنوع منعا باتا خلط خلطات مع بعض

مو عشان صدرك والله في بعض الحريم عادي عندهم اكمام بس اهم شي

السيراميك يلق ليوم واحد

يالغاليه مو عشان الصحه ولكن فعلا فعلا وعن تجربه ما ينفع

بيطلع مغبر ضبابي فيه تعرجات من المويه الجاف على الارض

ما فيه لمعه وياريت لمعه ابد

تعبك يضيع وخساير على الفاضي بالكلوركس والديتول ومدري ملح الليمون

لا خلينا كيماويات ولا نعمه الا جربناها

اول شي اشتري ديتول الخاص بالسيراميك مهو العادي للتعقيم

لا حق السيراميك الاخضر الفلاش الفاقع عرفتوه ان شاء الله

او الاصفر وفيه منه الوردي

لو ودك تمسحي كل يوم والله ما تحتاجين الا دلو واحد بس من غير تغيير

مويه للشقه او الدور الواحد لو ساكنه دورين

هاتي الغطاء للعلبه تبع الديتول ولا تحطين الا كبر الغطاء بس

كل ما يقل المحلول بالماء كل ما يعطيك نتيجه

وكل ما يكثر يعطيك بهتان باللون ويصير لك مبقع وكذا

ولا تحطين كلوركس الارضيه تصير زي الي مكبوب عليها عصير كذا تلصق بالرجل اول ثلاث ساعات

وكمان من قال ريحة الكلوركس حلوه بالبيت لا تخلون الرجال يدخل البيت يحس انه داخل مستشفى لا سمح الله

نعنشيه بديتول الفراوله وله الليمون خليك فرش ببيتك

وابتعدي عن شطف البيت بالداوني عن جد ما نفعت معي احسها كسفت لي السيراميك لمدة اربع ايام وانا اعيد لها لمعتها من جديد

نرجع لطريقة المسح بعد المكنسه وبلاش تتبعين اسلوب بعض الحريم بدون المكنسه لأن مستحيل ينظف البيت من الغبره على طول ودك تمسحين هذي مجزره عن جد :mad:

حطي ببالك يالغاليه قاعده تنظفين بيتك الي لامك انتي وعيالك وزوجك بيتك مملكتك واحة ذكرياتك بحلوها بمرها لازم تنظفين بذمه لو يوم ايوه ويوم لأ مثلا يوم اهتمي بالزوايا كمان مو بس الارضيه والسلام

ويوم مرري المكنسه بالشكل العادي

ويوم خليك وسواسيه ومرري الفوهه تبع المكنسه بكل الزوايا

لمي السجاجيد انفضيهم او اكنسيهم وبعدين لفيهم زي ورق العنب

حطيهم بمكان واحد ما يحتاج له مسح وله تنظيف

مثلا على الدرج وهاتي المكنسه وفكي عمرك جيبي اطول توصيله عندك

بلاش كل اشوي توصليها بالكهرباء من غرفه الى غرفه كثر ما تسهلين الامور على نفسك تخلصين عملك بسرعه بسرعه

حطي التوصيله تقريبا بوسط البيت عشان توصلين لكل مكان من غير ما
يتعبك يلا الي ما عندها توصيله طويله مره تحاول انها تجيب لها عشان تسهل على نفسها ..


خلصتي يلا هاتي الدلو وانصحك لو ما عندك الممسحه السحريه عندك العاديه أم الشعر ههههه الابيض العجوزه :hahaha: ما لك الا انك تسكرين المكيف والمراوح واول ما تخلصين من غرفه على طول امسحي بفانيلا تبع ابو الشباب او فوطه خاصه الي تشفط المويه بسرعه امسحي بشكل سريع سريع قبل ما يجف ويصير شكله مو حلو وشوفي كيف اللمعه

لما اسويها بالطريقه هذي اتم ثلاث ايام ما احتاج اني المع السيراميك مجرد اني اكنس بالمكنسه اما السيراميك للغرفه عن جد تتم اللمعه فيها فوق الثلاث ايام على حسب استخدام الاشخاص ومدى نظافتهم

اما الصاله والممر والقاعه وارضيه المطبخ وغرفة الطعام انصحك بشكل يومي يكون انظف واحسن واحلى لكم كمان ..

ما في مانع انك يالغاليه تخلصين غرفتين وتقعدين اشوي عشر دقايق راحه ..

يعني وشو الدنيا بتطير لا تضغطين على نفسك ولكن عاهدي نفسك انك راح تخلصين الي بديتيه ولكن تهتمي بنفسك كمان

روحي اشربي ماء بارد

روحي اكلي بسكويت نشطي نفسك اشوي

روحي لبي طلب عيالك وسكري الغرف الي نظفتيها الين موعد استخدامك لهم ..

سوي شي على السريع يرضيك خلال عشر دقايق

عن نفسي اقعد على الكنب وبيدي اكبر كاسة ماء بارد واشرب واقوم واتوكل على الله واخلص باقي البيت وكل ما اخلص غرفتين او موقعين بالبيت ارجع لكنبتي الحبيبه ولاب توب احيانا مفتوح اشوف وش فيه اخبار

ما احسس نفسي ان خلاص مالي لا شغله ولا مشغله الا بالمنفضه والمكنسه والمرش

لا ابدا احسس نفسي اني سويت شي استحق عليه الراحه ولو بشكل متقطع ..

خلصت البيت كله يلا هاتي السجاجيد وافرشيهم وتنفسي الصعداء بإنتهاء اخر مهمه بالبيت

أنا دايما اسوي المكنسه والمسح والتجفيف وتعديل السجاجيد بنهاية اموري كلها بالبيت يعني قريب اذان الظهر بعد ما اخلص من المطبخ والطبخ وكمان الحمامات كرمكم الله و الغبار وكذا بعض الامور الصغيره للترتيبات اليوميه

وبعدها اتوجه الى مصلاي اتجهز لصلاة الظهر و انا على اتممت واجباتي الصباحيه ان شاء الله على اكمل وجه ..


ابتكلم عن غسيل الحمامات كرمكم الله بالإضافه القادمه ان شاء الله :39:

الله يجزاك الجنه يارب على جهودك
وطريقتك بمسح السيراميك نفس طريقتي بالضبط مافيه أي إختلاف

الله يخليك لزوجك واولادك ويحفظك من كل مكروه..
وننتظر البقيه.

ما شاء الله مبدعة بصراحة

الله يسعدك في الدارين