جزاكي الله خير

يا حبيلك

يعطيك العافية
جزاك الله خيرا والله يكثر من امثالك

نحن فى الانتظار افكار جميله
جزاك الله خيرا

يا حياتي والله كلبوكم فديتكم يالغاليات عن جد تشجعون الوحده على الاستمرار

يا حبي لكم .. يا بنات عالم حواء ..

..........

طيب قبل ما ابدأ بوضح فكرة القصدير ليلي ما عرفت للفكره او ما كانت واضحه لها ..

القصدير يا اخواتي نفس القصدير الي بتسوينه تغطين فيه الفرن كيف تقصينه بس اللهم يكون دبل مرتين او ثلاث

مو مهم عينين وله اربع على هواك انتي ايش الي تبين

لكن المهم انه يكون قاسي مو رقيق كالعاده احنا نسويه طبقه وحده صح

احنا نبيه قاسي وكل ما نخلص من المطبخ نشيله

الفكره مثلا لو جاك احد من الضيوف فجأه بيكون فرنك نظيف لأنك طبختي على الطبقات القصدير وخبيتيه تحت الفرن

احلى شي لو جه عليه رز او معكرونه او اي قطعة اكل

راح تشيلي القصدير وبالفوطه عند الزباله كرمكم الله تزيلي القطع لكن ما تمسحي الاوساخ مثل الدهون الي عليه

وتخبينه بعيد عن نظر حتى زوجك

يعني الرجال دايما يدخل المطبخ يلاقي فرنك يفتح النفس

ممكن انك تغطين الفرن لكن كمان تسوين الفكره وبنفس الوقت تحافظين على نظافة التغطيه التحتيه من القصدير من غير

ما يتوسخ مع كل وجبه تعدينها ...

..................


ان شاء الله قدرت اني اوضح بشكل افضل من قبل ..

...........

الكوي :hahaha: كل الحريم يكرهون هالمهمه بشكل مو طبيعي

البعض يشتكي من الكوي اكثر من عياله

والبعض من الحريم عندهم اكوام من الكوي حق اسبوع كامل تنتظر بس الوقت الي تسويه

يعني غسلت يوم السبت والاثنين والاربعاء وحطت الملابس تبع الي يحتاج للكوي

بسله خاصه عشان تجيه بعدين وعندها امل انها تنسى عادتها وتحب الكوي ويصير حبها الوحيد :D

يالغاليه فكي عمرك

يا انك تسوين نفسي تغسلين كل يوم وتكوين كل يوم وبما انك تغسلين كل يوم فما بيكون عندك الا كم قطعه والسلام

او انك :time: تقتصدين الوقت

يعني كل واحد من العائله تخصصين له لبسين للخروج جاهز ومكوي والباقي ما ينكوي تخلينه بالدولاب

لكن خليك جاهزه بعد ما ينتهي مثلا طفلك من استهلاك لبسين الي جهزتيهم له المكوي والجاهز بدولابه

ابتدي كوي له اثنين كمان جاهزين

مثلا جتكم طلعه مفاجأه

جاك ضيوف ودك تبدلين طفلك على السريع ويكون مرتب قدام ضيوفك

فيكون جاهز عندك اللبس مكوي ومعلق

زوجك وانتي كمان نفس الشي

بالنسبه لملابس البيت الي يعتفس مع الغسيل او تنكمش ويبي له كوي ضروري

استخدمي مكواة البخار افضل طريقه واسرع طريقه ما يحتاج تقعدين تعورين راسك

اكثر الملابس البيتيه او التي شيرتات تحتاج لمكواة البخار من النوع الي زي المكنسه

وانصحكم بجهاز اسمه جيباس الصوره حطيتها بموضوعي بركن الغسيل

روعه عن جد ما شاء الله درجة البخار جدا ساخنه ومروها على القطعه ما ياخذ له وقت طويل

وجربت مكواه من النوع البخار الغالي الثمن وما عطاني نفس النتيجه

...........

طيب بالنسبه للكوايه العاديه

بالنسبه للمكواه العاديه بالبخار اليدوي الي نستخدمه للكوي على الطاوله

طيب ان كان من النوع الي تكونين دايما تحرقين ملابسك او شغالتك تحرق ملابسك

فأكون انا متأكده ان مكواتك من النوع الي مو بالبخار يعني النوع القديم

اساسا سعر المكواه القديمه الطراز الي بدون تعبئة المويه فيه نفس سعر الجديد مثل

فيلبس الي لازم تعبينه ماء او جيباس العاديه الي حق الكوي

ودك ما تحرقين ملابسك وخصتا العبايات اشتري المكواه الي تتعبه ماء افضل من العاديه

القديمه بدون تعبئه ..

وان كان عندك من النوع الجديد ولكن يتعبك بالكوي كوني دائما معبيه الماء الى الدرجه القصوى عشان يعطيك نتائج سريعه للكوي

بالتأكيد لو كان الماء الي فيه نصه مو نفس لما يكون معبى كامل فدرجة حرارته بتقل بالتالي بتخسرين اكثر من وقتك بالكوي ..

..........

طيب نرجع لراحتك يا اميره

كل ما تكملين شغله بالبيت

مثلا رتبتي الترتيبات الي تكلمت عنها بالصفحات الي فاتت

غرفه غرفه ومريتي عليها بالريشه او الفوطه على حسب جدولك

معلش ارتاحي اشوي

حتى الغساله الاوتماتيك يا اخواتي تشتغل عشر ثواني وتوقف ثانيتين

بكل لفه :27:

يعني حنا بعد نحس و نتألم ونمل

طيب يلا هاتي تلفونك للمره الثانيه ووقتيه نص ساعه

بس هالمره لراحتك انتي واطفالك

وان ما عندك اطفال كلهم بالمدرسه او رضيعك غفى اشوي

فلك انتي يا هناك يا سعدك

نص ساعه روحي مثلا اهتمي ببشرتك

دهني رجليك ولبسي شراب مريح

استعملي التونك الصباحي والكريم الصباحي

عدلي اظافرك و رطبي اياديك نص ساعه

استغليها براحتك بس ابتعدي اشوي عن التلفزيون

والمنتدى لأنك قعدتي عليه مثلا بالفتره الصباحيه

فدورك الآن انك تهتمي بجسمك مثلا

بهدوء ولكن امنعي نفسك انك تفكري وش وراك من شغل

هذا الوقت لك لحالك

وان كان طفلك معك داعبيه اضحكي معه العبي معه

رجعي احساس الامومه الي فيك بدل المكينه الي شغاله براسك وراء الشغل

طول النهار ..

والله اني اقص على بنتي احيانا واخليها هي الي تداعبني

و تعطيني من حنانها :06: لأنها تخفف عني الكثير خصتا بالفتره العصريه

وهي تعيش الدور يدوب حضنها يكفي راسي احط راسي بحضنها وتلعب بشعري

وتقول لي قصه تافهه لكن اروق عليها عن جد

اخليها تحس اني طفلتها وتحن علي و تقول الي بخاطرها وانا ساكته بس اسمع اعطيها مجال

انها تتعلم كيف تدلع اغلى البشر على قلبها :04:

حتى ولدي احيانا بالفتره العصريه يكون عليه الدور يهمز راسي لكن هو عيار

اشوي يعني احيانا يشد شعري بالضحك

بس يموت ويمسك رجولي فنان الولد بالمساج وآخر افكاره يقول بصير دكتور علاج طبيعي

مو عيب ان العيال يسعون لراحة امهم وله ابوهم بالعكس هذا يعلمهم ان مثل ما احنا نسعى لراحتهم

كمان واجب عليهم يسعون لرضانا مو بالمساج وله بالحركات هذي

لا بالدلع عليهم نعلمهم ان نبي الحضن الدافي مثل ما يحتاجونه وقت الفرح ووقت الحزن ووقت الالم

والله ان الاطفال يتعلمون من الوالدين اشياء كثير حنا نغفل انهم مثل الطين اللين

نقدر نشكلهم نقدر نعلمهم الحب والحنان والعطاء بلا حدود نقدر نعلمهم الصبر ونقد نعلمهم

توفير الوقت للاحباء ومو كل شي بالدنيا انانيه ونفسي نفسي وودي وابي منك لكن ما عندي وقت لك ..


...........

أذن الظهر استودعكم الله

والى اللقاء بالصفحات القادمه ان شاء الله ..