ما عندك وقت تسوي لقيمات ولا جبنيه تعا لي شوفي وش عندي

السلام عليكم ورحمه الله وبركاته
كل عام وانتم بخير وينعاد عليكم با ليمن والمسرات والشهر مبا رك
حبيبتي واختي ما عندك وقت تسوي لقيمات ولا جبنيه شوفي اللي عندي ان شاء الله تعجبك هي سريعه ولذيذه:23: بنفس الوقت كنت اسويها حتي بالايام العاديه للقهوه بعد المغرب حتي لو جاك ضيوف فجاءه ممكن تسويها طولتها عليكم معليش :time::27:

المقادير بسيطه جدا :
علبه واحده قشطه اي نوع تحبين يعني التاج او بوك اللي متوفر لك توضع في اناء اللي تخلطون فيه العجين وعقب ما تفرغي العلبه لاترميها استني عبيها دقيق وحطيها فوق القشطه وارجعي عبيها سمسم وحطيها فوق الدقيق واعجني راح تتكون عجينه مره حلوه وتنفرد افرديها وقطعيها بالفنجال حق القهوه لدوائر (ممكن تستخدمي اي اداه تقطيع علي راحتك بس انا استعمل فنجان)وبس اقليها بالزيت لد ما تتشقر ثم صبي عليها شيره او ما يسمي قطراو عسل زي ما تحبي وتقدم رشيها بفستق او قرفه مثل ما تحبي شفتو كيف سهله اتمني تعجبكم


ملاحظه
لايستخدم لعجنها اي سوائل من اي نوع القشطه نفسها راح تلين العجينه

ملاحظه اخري الكميه جيده ل7 اشخاص يعني حسب شهيتهم اذا ودك تكثرين ادبلي المقادير


اتمني تعجبكم وتحيا تي لكم :21::27: