ما عنده مانع يطلقني

السلام عليكم ورحمة الله وبركاته

كتب الموضوع طويل وطار تهئ بكتبه باختصار الحين

بنات امس صارت بيني وبين زوجي نقاش كتابيا في الواتس اب المهم كل ما اتكلم معاه يذكرني بالآخرة وان من سعادة المرء ان يكون همه آخرته
طبعا هو يقول هالكلام مو من زود الالتزام لا بس هو كذا اذا ابي منه يسوي لي شي يكرر هالمواعظ عشان عشان انطم

المهم انا عصبت عليه بس ما سبيته لا حد يفهمني غلط
فقال انا زعلان ولا تكلميني وهذا فراق بيني وبينك الا اذا اعتذرتي يمكن اغير رايي
وانا قمت وعميتها وقلت له اصلا انا ابيك تسوي لي جواز >>> حلمها تهرب
وتعطيني فلوسي >>>> اخذ ارثي عشان يشتري ارض
وتاخذ عيالك وتطلقني ما راح تشوفني في هالديرة ابد
المهم كتب لي
خلال يومين راح توصلك ورقتك وحقك بعد وافتك من لسانك
انا لما شفت اللي كتبه قمت ارجف انصدمت ما اتوقعت الموضوع يوصل لهالحد
انا مالي بعد الله احد ابدا ولا وظيفة ولا مكان اروح له وعيالي ما اقدر استغني عنهم عايشة عشانهم
ومن امس ما يكلمني وانا متوترة وخايفة ومحتارة اعتذر له او اطنش واشوف وش يسوي
كرامتي مب راضية تسمح ليي اعتذر له حتى لو بمسج وخايفة ينقلب عليي العكس مستقبلا
شوروا علي مب عارفة شسوي
المفروض بعد بكرة ننقل البيت الجديد بس بعد اللي صار الموضوع شكله تنكسل دعواتكم خواتي