ما عندي احد؟؟

السلام عليكم


ماني عارفه شلون ابدي موضوعي ؟

بنات انا عندي مشكله و ما عارفه شلون احلها . المشكله اني انسانه جدا اجتماعيه و متحدثه لبقه ( بشهاده الكل) بس هذا كان قبل الزواج لان زوجي الله يهديه بعد ما تزوجنا لغالي كل حياتي الاجتماعيه ما كان يسمحلي اني اتواصل مع صديقاتي الى ان انقطعت عنهم و خلى حياتي كلها دائره في محيط اهله و اهلي بس و ما كان يرضى ان اروح العزايم و المواجيب و المشكله الحين ان اهل زوجي سببولي وايد مشاكل (خاصه حماتي و مرت حماي) علشان جذيه علاقتي فيهم صارت شبه رسميه عاد انا الحين ما عندي علاقات اجتماعيه و الله ساعات اقعد افكر ابي اكلم احد ما الاقي احد ادق عليه ( طبعا انا زوجي دايما يطلع و يروح الديوانيه يوميا ) و الحين احس ان نفسيتي كل مالها تصير اسوأ لدرجه ان اخاف يصير فيني اكتئاب لان هذي مو طبيعتي لاني احب الناس و الزيارات و احب الحياة الاجتماعيه
و ما ادري شنو اسوي وشنو الحل ؟؟ الحين حتى صديقاتي كل وحده صار لها اسلوب ثاني في حياتها يعني كل وحده لاهيه في حياتها و احس ان موحلو الوحده تحس بعد كل هالعمر ان ما لها صديقه ترتاح لها و تعدها حسبه الاخت لها يعني احس اني وحيده بروحي .:(