بنات بدخل عالموضوع
انا بصراحه ايام المدرسه كان عندي صديقه وكنا متفاهمات ونفس الطبع بس لما تزوجت تغيرت علي.. وصديقه ثانيه من ايام الكليه وكنا متفاهمات ولما تزوجت تغيرت علي قليل تواصلها معي.. والحين فالدوام ابدا ما عندي صديقات الا وحده ظنيت اني ارتحت لها ولكنها طلعت فتانه وتنقل كلامي للي يكرهوني ويغثوني بحركاتهم.. واذا بغيت اتداخل معهن عشان احب الدوام ينظرن لي باحتقار.. والاقسام الثانيه من فتره طووويله ما رحت لهن بسبب مراقبه زميلتي لي وفتنها للمسؤوله.. احس نفسي وحيده يابنات ولا صديقه طيبه ومثل طبعي وكلهن ينفرن مني وحسودات وغيورات ويصدقن اي كلام ينقال عني ويتغيرن.. واذا بغيت اتداخل مع اي وحده فيهن ينظرو لي بنظره احتقار وما يردو على الكلام اصلا..
ليش كذي ما عندي ولا صديقه مثل كل الناس😭
علما باني من كنت صغيره كنت مب اجتماعيه وما اطلع من البيت وايد ومن المدرسه لي البيت ومن البيت الى الكليه ومن البيت لي الدوام مرت على كل هالفترات وانا نفسي فصديقات ولكنهن ما يحبوني.. لكن لما اكون كاشخه الكل نظراتهن علي ويكلموني.. بس انا محب اكشخ واتمكيج وايد فالدوام لان عندنا رجال وحرام هذا الشي عشان بس اجذب صديقات.. المهم صرت بس من دوام لي البيت وفالبيت التهي مع عيالي وانسى الدنيا. ولكن فالدوام يجي الغم والهم والحزن وللاسف اجلس فدوام من الساعه8 الى3عصرا😭😭😭😭😭😭😭😭😭😭😭😭 واذا صار عندي موقف افضفض لكم لانكن الوحيدات الي تريحوني بالكلام اما اختي وامي فما اقدر افضفض لهن لاني ما اريدهن يفكرن بروحهم الي فيهن كافي😭

الركن الفضي @alrkn_alfdy
عضوة فعالة
يلزم عليك تسجيل الدخول أولًا لكتابة تعليق.

الله يعينك
انا بعد ماعندي صديقات
انقطعن من تزوجت بس عادي مو مهم عندي خواتي مثل صديقاتي
انا بعد ماعندي صديقات
انقطعن من تزوجت بس عادي مو مهم عندي خواتي مثل صديقاتي

لكن ليش الي حوالينا فرحانين وعندهم صديقات وعلاقتهم تقوى يوم بعد يوم وانا ما يحبوني صحيح انا اتسرع فالكلام بس مو معناته يتغيرو علي ويفهموني خطأ ويخبرو البنات الي معي فالمحيط عشان يكرهوني والله صرت احاول اتهرب من الي يكرهوني والي حركاتهم تستفز بس وين اروح..فالدوام جدام وجهيي24 ساعه ومتحمله واااااايد😭تحملت واااايد فالدوام وفنهايه الدوام يصير التجمع..
وهذي زميلتي فجاه حبت مسوولتنا وحطتها مثل الخاتم فالاصبع وكلمت صديقتها وصارو يحبو المسؤوله ويروحو ويطلعو مع بعض
وانا وحدي ادخل واروح واطلع.. حتى نظرات بعض الموظفين فيها تعجب ليش انا الوحيده بعيده عنهم.. كانه فيني شي غلط مع اني يابنات ماراح امدح نفسي بس شكلي احسن عنهن بالف مره وصوتي وطبعبي هادي واحب المساعده اكثر عنهم.. وفحالي بعيده عن المشاكل وبعدهم يكرهوني..
وهذي زميلتي فجاه حبت مسوولتنا وحطتها مثل الخاتم فالاصبع وكلمت صديقتها وصارو يحبو المسؤوله ويروحو ويطلعو مع بعض
وانا وحدي ادخل واروح واطلع.. حتى نظرات بعض الموظفين فيها تعجب ليش انا الوحيده بعيده عنهم.. كانه فيني شي غلط مع اني يابنات ماراح امدح نفسي بس شكلي احسن عنهن بالف مره وصوتي وطبعبي هادي واحب المساعده اكثر عنهم.. وفحالي بعيده عن المشاكل وبعدهم يكرهوني..


الصفحة الأخيرة
اختي ما كان عندها صديقات وكانت تلح بدعاء لين ربي رزقها صديقات ما بعدهن صديقات،
اناقة وضحك و رزانه و قوة شخصية
انتي ادعي ولا تتحسسي بهالموضوع
وممنوع تفضفين لحد بحياتك و تفاصيل بحياتك او همومك
اذا كنتي تبحثين لصديقه عشان تفضفين همومك اها اقولك من لحين بتهرب منك
صديقني انا مجربه هالشي