السلام عليكم ورحمة الله وبركاته
أولا شكراً لصديقتي دانه على منحي معرفها للكتاب به
عمري 29 سنه أو باقي كم شهر وأكملها ...
يقولون إني مزيونه طويله وملامحي حلوة
كنت طفله جميله أسبق أقراني بكل شئ تكلمت قبل أن أكمل الثانيه من عمري ...
كنت أطول من هم في عمري بل أطول من أختي التي تكبرني كنت أملك مواصفات لا يملكها غيري ( جسمانيه وعقليه )
كنت طيبه جداً جداً لابعد حد لدرجه انني عندما كنت في الصف الاول الابتدائي رأيت فتاة
تبكي خائفه من المدرسه << اول أيام الدراسه
فما كان مني إلا أن أقوم بمنحها مقعدي الامامي لعل ذلك يخفف من روعها ..
وجلست بمقعدها الخلفي
ولكن المعلمه رأت مني ذلك فأبت إلا أن أعود الى مقعدي لانني كنت متفوقه جداً << الأولى على فصول أول إبتدائي
في حفل المدرسه لتكريم المتفوقين وأنا طبعاً منهم حضر جميع أولياء المتفوقين إلا أنا ...أ
مي رفضت الحضور ولا أذكر حجتها ..إلا أنها قالت بعدها انها لم تكن تستطيع الحضور وترك إخوتي الصغااار وفعلاً عذرتها
ولكني مازلت أذكر أنني كنت حزينه ذلك اليوم الذي كان من المفترض أن يكون أسعد يوم وهو أول فرح لي مازلت أتذكر أنني كنت عائدة من المدرسه وأنا أترنح وغير سعيده بهذة الهديه وهي بين يدي ....
وبعدها لم أكن من المتفوقين ..لا أعلم هل هي ردة فعل طفله صدمت أو أن شيئاً ما حدث ...!!
كنت طيبه جداً لدرجة أن أخي يقول ’’ إنتي خبله بس متفوقه ’’
هالجمله بقت ببالي سنوات وعيت تفارقني سببت لي حاله نفسيه أثرت علي بعد كذا
إبوي كان يحب إختي اللي أكبر مني وخواتي اللي أصغر مني كان يلاعبهم ويغنجهم ..
أما أنا فكنت في زاويه أجاملهم لما يلاعبهم عشان ما يبين فيني كسرة الخاطر كان لما يشوفني آكل كثير من الفاكهه والخضروات يقول لإختي وإنتي ليش ما تاكلين
أذكر هالموقف ..’’ مره كنا نتغدا وكنت آكل جرجير وخس وكانت إختي أكلها ضعيف المهم قام وضربب على إيدي خفيف وقاال خلاص خلي إختي تآكل وقتها كان عمري 5 سنوات إنجرحت وقمت أبكي وطحت على وجهي وماصحيت إلا المغرب وكانت خدي حمرا صارت عليها علامه من كثر ماني ضاغطه عليها وأنا نايمه
كانت أختي التي تكبرني أكثر تفضيل مني اما أنا فكنت دائماً ’’ يجعموني ’’ بالكويتي ..أو ’’ يكسحوني ’’ بالسعودي
ما أعرف كيف أجيبها باللغه الفصحى بس بمعنى إنهم كانوا يقللون من قدراتي بكل شئ والسبب إني كنت طيبه جداً
وبريئه جداً ما عندي سوالف الحش والتطنز على خلق الله زيهم
اللي يحبني الوحيد جدتي لاني كنت معاها على طول إذا سافرنا الديره ....
مره تحرش فيني خالي بس ما عرفت إنه تحرش إلا لما كبرت وقتها كان عمري 7 سنوات والى الآن ما قلت لاحد وأول مره اكتبها هنا ,, تحرش فيني عن طريق إنه كان يبي يصعدني على الجدرا عشان أشوف السطح وسوا إحتكاك فيني من ورى الملابس ولما خلص قال لا تقولين لامي إنك كنتي معاي مافهمت عليه إلا لما كبرت
خالي الآن لما يشوفني ما يحبني كأني انا المذنبه !! أكرهه وأقول اللي يوريني في بناتك بس أقول حرام وش ذنبهم
... المهم إختي كانت كسوله جداً بالمدرسه وتنجح بالدز وترسب كثير ..لدرجة صرنا بصف وااحد ..بس كانت
مراقب لي بالمدرسه وأضعفت من شخصيتي كثير بسبب مراقبتها طبعاً بمباركة الجميع تنقل لامي وللبيت كل شئ عني
...كانت تتطنز على صديقاتي وعلى صفاتهم ...لانهم زيي طيبات ومتواضعاات ..مره وحده من البنات قالت إنتي
أحسن من إختك ...إختك زعول وإنتي طيبه ومع هذا كانت إختي هذي هي غاليه عندي لكن تصرفاتها كانت تقهرني
أول ما بلغت ما كنت اعرف اعتني بنفسي وكنت أقعد 9 أيام وما أستحم ما أعرف وشو الإغتسال وما عرفته إلا
بوقت متأخر ...للأسف الشديد بس الآن أعلمه خواتي من يوم يبلغن ..!! ما أعرف إستخدام مزيل الرائحه ولا مزيل
الشعر كانت مراهقتي وفترة بلوغي مرحله حرجه ومالقيت اللي يساعدني عليها كل شئ جديد مخيف بالنسبه لي أول
ما نزلت علي الإفرازات الطبيعيه حسبته مرض وقمت أصلي وادعي ربي إنها تروح ..لاني أستحي أقول لاحد الآن
أقول لخواتي على كل شئ وأعلمهم وأرشدهم كانت دورتي تتأخر كثير
وكنت أسوي أي شئ عشان تنزل << مره شلت أسطوانة الغاز عشان تنزل
أثاريها كانت تتأخر بسبب حالتي النفسيه في البيت برضوا كانوا يحسسوني إني فعلاً
’’ خبيله ’’ ما أفهم شئ كنت أعاني من إمساك مزمن وقولون عصبي تخيلو في مراهقتي كنت احس هالإحساس وش
تتخيلون شخصيتي بتكون .. المشكله أمي الغاليه الله يهداها كانت مع القوي وتصدقه ... يعني أنا لو أطلب منها شئ
وهي مالها خلق كانت ترفض وتتحجج باي شئ لكن إذا أحد طلب منها شئ وبإصراره تسويه بسرعه طيب أنا اللي
طيبه معااك جداً ليش ترفضين طلباتي مع إنها طلبات أساسيه وطلبات الباقين عاااديه بالغالب والله إني أكثر وحده من
جميع أولادها البار بها وبشهادتها هي لما تذكرنا وهي راائقه كنت على طول ناجحه بعد ما كنت متفوقه ...لكن لما
شفت إنهم يفضلون إختي علي بكل شئ (( قصدي التصرفات اللي يغلبها القسوة وشوفة النفس )) حااولت أصير زيها
خاااصه بعد ما تزوجت وبقيت أنا الكبيره صرت أهمل دراستي وأسهر واحاول أصادق بنات من النوع اللي مسوي
جو بالفصل وأسوي نفسي شوي مغروره ومتعصبه لاي شئ احبه عشان يكون لي جو وفعلاً بعد ما كنت طيبه جداً
ومتواضعه جداً واخااف من البنات اللي يشكلون عصاابات ولا أحب التعصب ولا أحب السهر ولا نومة الظهر
للمغرب زي إخواني صرت أسهر وانام للظهر و شاايفه نفسي ..مغروره ..متعصيه لنادي معين ولاعب معين
..ومتعصبه لقبيلتي ..وصرت أصادق بنات يختلفون عني بس عشان اكون غير .. كنت أحاول أصير قااسيه
وصرت أطنش بإخوي اللي كان يستهزأ فيني وأحاااول أكون رسميه جداً معااه ... ’’ اكره أخوي لمواقف كثيره بدون
ذكرها ’’ بس خسرت دراستي وصار مستواي هاابط جداً قلت عاادي بكره أتزوج زي اختي وأنسى هم الدراسه لانها
كانت دائماً تقول إن الدراسه ممله ومتعبه وكانت أمي توافقها على ذا الراي ,,, فكنت أعتقد أنه هذا الراي السديد
...كل الامور صارت معي وأنا عمري 15 سنه يعني بعز التغيرات بالشخصيه للأسف ما لقيت موجهه لي يعني كنت
فتاة مريحه بالنسبه لاي أم ’’ مهذبه أنام بدري وشاطره بدارستي وفيني تدين لكن ما لقيت أي توجه وإهتمام انا من يوم
كنت صغيره وأنا فيني نسبة تدين كبيره لكن ما كنت القى توجيه لا في الصلاة ولا فيها غيرها كنت أصلي يوم وأقعد
أيااام ... كنت أحس إني ضاايعه بس ما أدري وين الطريق ...المشكله لما كانوا يسألوني عن سبب تدهوري أقول
لهم المناهج صعبه ويصدقون ..طيب واللي معاااي ليش الى الآن متفوقين زميلاتي اللي معاي كانو يقولون بالمتوسطه
كنت شاااطره ليشت تغيرتي ..كنت أقول المناهج صعبه وأنا مستانسه على بالي إني بكذا تغيرت للأحسن ’’ كان
بداخلي صرخه قويه تقول إنتي مو إنتي ’’ بس كنت أكابر وفعلاً يا بنات تغيرت نظرت أخوي وامي لي وكانوا
يشوفوني أفضل من زمااان ..لانهم يبوني شخصيه قاسيه بس للأسف قسيت عليم خاصة إخوي اكرهه والله أكرهه
تصرفاته معي كانت تقهرني كان يحتقرني ويشوفني ولاشئ لاني كنت طيبه ومتفوقه ..أثاريه كان غيران مني لاني
كنت متفوقه بس ما كنت أدري وفي هالعمر كنت متعلقه بوااحد من اولاد عم إمي وكان يبادلني الشعور على الأغلب
لانه كان يتصرف تصرف غريب معاي بدون ما ادخل بالتفاصيل لكنه كان يبيني وكان وسيم جداً وكان من أصدقاء
أخوي بس على مصلحه يعني هو كان مصادق أخوي على شاني وعشان يقدر يشوفني بالمناسبات ...ومواقف كثيره
تدل على ذلك المهم في ذي السنه كان عمري فيها 15 وكانت إختي حزتها عروس ..فكنا نسولف مره وقلت من بين
السوالف ...إنو فلان أقصد الشاب اللي أحبه فقالت اختي إنتي ..!!! فلان يآخذك إنتي قالتها بإحتقار وإستصغار لي
والله حسيت إن الدنيا تدور فيني الى الآن أتذكر هالشعور أة بس قلت ليش أنا وش فيني ..قالت لا لا مافيك شئ
خلاص وكل شئ نصيب ...كانت وقتها زواجها تقدم وخطبني خطبه مو رسميه لكن أمه عيت عليه وخطبته لبنت
إخوها ..اما أنا فكان من المفروض إني لولد عمي ... اللي كنت أكرهه كره العما وكان كل يقولون إنتي لفلان كنت
أناظر السما وأقول ’’ يارب إذا هذا قدري ونصيبي عندك فأنا راضيه به لكني أنا ما أبيه ’’ كنت أقول حراام هو
والزمن علي .. المهم بعد زواج إختي رجعت لحياتي المشتته الضايعه بين السهر واهمال الدراسه بس صديقاتي
غيرتهم الى صديقات يشبهوني انخطبت كثير لكن ابوي كان يردهم لانه يقول البنت لولد عمها ومشى فيني العمر
وإستسلمت للامر الواقع وقلت بتزوج ولد عمي خاصة إني خلاص أهملت دراستي ورسبت مرتين وتركت الدراسه
كان عمري وقتها 17 وتوقعت إني بتزوج بالصيف ...بس كانت المفاجئه إنو صارت مشكله كبيره بين إبوي وعمي
وتفركشت كل أمور الزواج ..قلت خير إن شاء الله الحمدلله على كل حااال ....الحمدلله اللي جت منهم مو مني أما
الشاب اللي كنت إبيه فتزوج بعدها ببنت خاله والله يوفقه
أكمل بعدين لانو هذا اللي حاضرني الأن كتبته من جهاز
صديقتي دانه << أنا ما عندي جهاز والله موقصدي إثارة وتشويق لكن جد أبي أكتب الصحيح اللي صار معي اللي
يقولون طيب أكتبيه وبعدين نزيلهم سوا أنا ما عندي جهاز عشان كذا ما أقدر أحفظه بجهاز صديقتي
~ دانة عبس ~ @dan_aabs
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
الله يفرجلك يآرب ويـثبتك وويسعدك بالدآرين ويعوضك خير
أللهم أمين ,
كملي يآبعدي فضفضي كل قلوبنآ مفتوووحه لـك ,