ما فكرت انها اكزيما

السلام عليكم عزيزاتي
مثل ماهو باين في العنوان انا ام لأول مره وبعد سنين من الحرمان والحمد لله والشكر لأنعمه التي لا تعد ولا تحصى الحين بعد ولادتي بايام لا حظت ان وجه بنتي متحسس وبعدين اختفى التحسس وصار يظهر ويختفي سألت قريبها طبيب قال عادي ولا تفكرين فيه تحسس يجي لبعض الرضع !
المهم من كام يوم ظهر من جديد وصار اشد والبنت رغم صغرها الى انها صارت تبكي وتحاول تحك بإيدها وبأي شي حول وجهها 😢
تخيلو بيبي تسوي كذا والله عورت قلبي
المهم بحثت عن دكتور جلدية اطفال في مدينتي ما لكيت (انا مو موجودة في السعودية ) رحنا طبيب اطفال ثاني قال هذي اكزيما وغيرلها الحليب وكال ادهني وجهها والمناطق الي تظهر فيها الحساسية بفازلين الطبيعية ، الحين انا مرتبكه وزوجي ماهو بمرن معايا ابغاكم تقولولي ايش اسوي والأمهات الي معاهم اطفال يعانون من الأكزيما ابغى تعطوني تجاربكم وتنصحوني ، او انكم تدعولي ربي يشفيلي بنتي وبرد قلبي عليها ، والله يجزاكم الجنة ونعيمها والدنيا وساعدتها