ما فهمت هاالانسان

من امبارح ما نمت من القهر لي فيا لين الحين ما ساويت شي انا راح اقولكم وانت عطوني حل ماني عارف ايش أساوي معاه انا يا بنات متزوجة من واحد مطلق وعندوا بنات وأولاد وانا يا ربي اذا ما حملتهم الارض انا حملتهم فوق راسي انا بغيت بس اعطيكم نبذة عّن حياتي معاه المهم البارح في الصباح جيت للمجلس الساعه 7الصبح الرجال لِسَّه صاحي وماسك جوالوا يلعب انا فكيت الباب وشفتو ورجعت قفلتها ورحت لمن رحت غرفتي انام ومعايا بناتوا لأنهم ما يبغوا يناموا الا معايا ولمن أشوفهم نايمين ما ابغى اصحيهم واخدهم على غرفهم بخليهم نايمين المهم رجعت نمت ولا كلمني ولا جا عندي وراح على شغلوا ورجع وباليل باعتلي رساله يقولي انا ما ني طايقة حركاتك هيا لا تكلميني اسبوع كامل عجبك عجبك ما عجبك بكيفك انا جلست اضحك في مكاني ليش انا ايش ساويتلك ما حكيتوا ولا جيت جنبك يا ولد الناس انا قلتلوا طيب وما بغيت أظل احكي معاه بالرسائل قلت خليني أقوم عندوا ونحكي رحت لعندًوا انا جالسه احكي وهوا مو شايف حتى لجهتي ولا معبرني اصلا وخلاص انا شفت المعاملة وانفجرت عليه قلتوا آيش جالس تحسب في نفسك عليا انا مأسويت شي واذا انت تبي ترتاح تعال قولها في الوجه لا تتخبًى في الرسايل قلتلوا انا صابرة معاك وجالس افرشلك الارض فرش وانت ولا همك وانا معصبه ومانيً عارف ايش جالسه اقول قلتلوا انت واحد ما تقدر النعمة لي عطاك ربي الا لمن تجيبلك وحدة تعيششك انت وبَنَاتِك اولادك في الهم والغم اما انا لي ساكته وما احكي تبغى تصيير فوق راسي المهم هوا ولا رد عليا وفي الأخير قلتلوا اسمع ترى انا وياك ذالحين لي يجمعنا أمك اول ما تقوم بالسلامة انت من طريق وانا من طريق خلاص ورحت لغرفتي الا عمتي لي هيا اموا تقولي ايش فيكي صوتك عالي قلتها ما في شي بس مع نفسي وهيا تقولي عارفه الوساخة لي عندي وعارفه أولادي حتى لو تفرشي نفسك في الارض ما يملى عينهم الا التراب صارت تهديني المسكينه وهيا مريضة وحالتها حالة قلتلها لا انا كنت احكي بس في الجوال مع اهلي عشان كذا سمعتي الصوت عالي قالتلي لا لا تكدبي وترى كان صوتك مرةة عالي عشان كذا انا سمعتك المهم هدتني شوي ورحت نمت الا شوي وتجيني رساله يقولي فيها افتكري كلامك زين واذا ما ساويتوا انا ماني رجال اه ه ه ه إنتوا عارفين بكيت بكيت بكيت موًعليه على نفسي بشوف نفسي بشتغل لعيالوا وحاملة اموا فوق راسي وانا لِسَّه صغيرة وهوا واحد عايش حياتوا ومطلق وعمروا 41 سنه وانا اصغر منوا كتيررر في اول العشرينات اه يا ربي ليش كذا يحصل معايا هذا جزاتي كذا لازم تراضيني كذا لازم تحملني فوق رأسك قالتها اموا قالتلوا لي عندو متل زوجتك لازم هوا يحطها فوق راسوا عشان تحط أمك وبَنَاتِك فوق رأسها انا لِسَّه ما عندي اولاد ولا بفكر فيهم الحين لأَنِّي ابغى اعرف طريقي كيف مع هذا ذالحين هوا يقولي لا تكلميني ولا تجيني ابغى البنات يقولولي ايش أساوي اطنش ولا اكبر الموضوع ولا ايش أساوي