ما في فايده

شنو تفجرين نفسج حبوبة .. ماكو شي ماله حل
انتي من مشكلتج يبين عليج انج تواضبين على الريجيم وما تنزلين ..
بس بقولج مو كل جسم يمشي معاه الريجيم
وشكله جسمج رافض كل الريجيمات
انا اقولج نصيحة بطلي ريجيم وبس خففي اكلج .. الدهون شيليها .. النشويات لا تكثرين منها يعني شوي مثلا 5 ولا 3 ملاعق في اليوم .. دايم خلي اكلج قليل الدسم .. الدياي يفضل انج تاكلينه مشوي ولا مسلوق هذا اذا تقدرين على اكل المسلووق واقولج عشان شي يفيدج اكلي سمج معظم الاسبوع وطبعا سمج مشوي والدياي اكتفي بمرتين في الاسبوع
الحليب والابان كلهم قليل الدسم . حااولي كثر ما تقدرين تاكلين فواكه عشان اشراقه ويهج ونضارة بشرتج وعشان تشبعج .. والماي لا تنسينه قبل كل وجبه شربي 3 اكواب ماي عشان تشبعين ..
يعني بالمختصر المفيد خففي اكلج ..
واذا عندج مشكله مع مقاومه الاكل انج ما تقدرين قريت نصيحة اخت في المنتدى مو ذاكره اسمها جزاها الله الف خير تقول اذا كلش ما قدرتي تقاومين قولي لنفسج عسى تنكسر ايدي اذا مديت يدي واكلت وتعوذي من ابليس و روحي فتحي هالقنوات وشوفي هالاجسام بتشوفين راح تنسد نفسج عن الاكل ..

الجزء الثاني من حل مشكلتج .. لا تقصرين بالرياضه كل ما فضيتي نطي حبل وامشي ولعبي على السيكل وكل انواع الرياضه تراها صج تنفع ..

فمان الله