oshsho @oshsho

عضوة نشيطة

ما قدرت أفهم زوجي خلال 3 سنين زواج .. ياليت تساعدوني

انا متزوجة من 3 سنوات...فاض فيني ومليت وقربت اعصابي تنهااار من كثر المشاكل تعبت والله تعبت ابي حل ارجوووووكم...يمكن بيكون كلامي طويل لكن تحملوني والله يجزاها كل خير ويسعدها دنيا واخرة اللي تلقالي حل؟؟

مشكلتي الأولى:

اني ما احس ان لي اهمية عند زوجي,,ما يحب يجلس معي ما يحب يسولف.. على طووول برا ,,مالي ولا نص ساعة من وقته ,,واذا جلس مع اهله شوفوا السوالف والحكي؟؟؟:( يعني هو يدور سعادته برا وانا مقابلة الجدران والمفروض اصير مبسوووطة ... ما احسه يشتااااق لي حتى لو سافر او ابعد...

= حتى العلاقة الزوجية ما يهتم فيها كل ااسبوع او 8 ايام...واحس لو ما يصير شي شهر عاااادي عنده,,,اذا طلبت انا نطلع مع بعض لو نشتري كوفي ونرجع احس اني طااالبة المستحيل ولو حاولت وحاولت وجا بعد شهر وطلعنا احسه على اعصابه وكأنه هم ويبي يخلص منه؟؟:09: ..احس سعادته وراحته بعيدة عني؟؟ مع اني الحمد لله مو مقصرة معه ابد قايمه بواجباته وحقوقه ومهتمة فيه و في ولدي وبيتي واهله اقدرهم واوجبهم وهو ما ينكر الشي هذا بالعكس,,يقول ما احب اهتمامك الزايد..يقول سوي اللي عليك وبس بكيفي عاد ارتاح ما ارتاح في الطقااااق يقول انبسط اذا شفتك لاهية ومطنشتني:icon33: و

= ومشكلتي اني حسااااااسة وهو جلف اي كلمة تهزني وتجرحني وهو ما يهتم..امس رجع البيت وقال اجلسوا للفجر عند اهلك انا عادي عندي مو غريبة لكن اللي قهرني انه يقول ابي ارتااااح...يحب يجلس احيانا لحاله في البيت بدوني...والصبح يقول لي ليه ما تنامين عند اهلك كن فيك حالة نفسيية نامي عند اهلك وانبسطي,,قلت انا طبيعية ارجع لبيتي آخر الليل واوقوم واجهز غداك وقهوتك وطلباتك وش اللي مو طبيعي في الموضوع؟؟ قهرني مرررررة يقول كل الحريم ينامون عند اهلهم..مع انا ما نعرف احد كذا ,,انا انام عند اهلي بس مو كل اسبووووع وبالعكس الشتا كله انام اربعا وخميس لأنه يروح البر؟؟ والمصيبة اذا قام يتكلم في العرس ويحاول يقنعني انه الانسان اذا تزوج على مرته مو معناته انه ما يحبها ووووو ...امووووت امووووت اذا قال كذا حاولت اطنش واصير عادي ما قدرت ,,احسه يستمتع بضيقتي ونرفزتي...والشي اللي هازني من دااااخل اني غيوووووورة غيوووورة

= والسبب عدم ثقتي في نفسي ما ادري ليه احسه ما يشوفني حلووووة وفاتنه ممكن لانه مرة في بداية زواجنا قال ان امي تشوفك عاديه ..تحطمت لانه هو يقتنع بأمه....مع اني حلووووة وبشهادة الجميع ,وممكن لانه مومثل ما اسمع ان الرجال العلاقة الحميمية مهمه عندهم هو با العكس ما تهمه واحس ممكن اني انا السبب؟؟؟, لدرجة اني ماصرت البس قمصان نوم علشان ما يفهمني خطأ,,والحين مهما مدح ما اقتنع ثقتي في نفسي انهزت..:( ونسيت اقول ان العاطفه عنده والمشاعر مو مهمه ابدا يعني انت تدرين اني احبك خلااااص لا تهتمين بالاشياء السخيفة..بس انا امرأة احتاج من فترة لفترة للحنان واحس اني مرغوووبة ...وعلى فكرة هو انسان يحب المدح بس انا ما احب امدحه..لاني ما اعرف يعني وش امدح فيه اخاف يشوف نفسه زيادة على اللي فيه:icon33:

ياليت تلقون لي احل وارتاح اعصابي تعبت ,,
وش الاشياء اللي المفروض اسويها علشان اعيش مرتاااحة ,,
كيف الطريقة اللي اتعامل معاه فيها؟؟,,
ما عاد ابي مشاكل ابي اعيش بهدوووء والله يجزاكم كل خير

55K

يلزم عليك تسجيل الدخول أولًا لكتابة تعليق.

تسجيل دخول

أم العيال وبس • 16 سنة

حبيبتي أنا بعد زوجي جلف لنا الحين 8 سنوات متزوجين ولا يعرف شي أسمه رومنسية ومرة تعبانه احس بفراغ عاطفي كبير بس الحمدلله صرت الحين أعوضها في عيالي

ام سعودي@ • 16 سنة

سبحان الله اقراا موضوعك واحس فيه شبه كبير بزوجي وتصرفاته معاي بس التطنيش جاب نتيجه معاي لانو ارتاحت نفسيتي مرررره وشلت التفكيرمن راسي والله يساعدك حبيبتي

لحظة تأمل • 16 سنة

آه ..جيتي على الجرح..تدرون بإيش أفكر ؟؟
إني أصحيه من النوم وأقول له وديني بيت أهلي خلالالالالالالالالالالالالالالاص كفايه برود وحياه مالها معنى

ام فوفو • 16 سنة

الله يكون بعونك يااختي وترى كثير رجاجيل مثل زوجك..وش يسوي الواحد..انت حاول تشغلين نفسك باي شئ غيرة..ادخلي تحفيظ..دورات ..انشغلي بائ شئ لاتخلينه محور اهتمامك..ترى الرجال مايحبون اللي يدقق عليهم ويخلهم كل اهتمامه..وسالفة الجمال..دام الناس تشوفك حلوة"وانتي قبل الناس لازم تشوفين نفسك حلوه وتقتنعين بهالشئ"..خليك واثقة من عمرك..والله يسهل امرك..

حرم فهد • 16 سنة

8
8
8
8
علبالي انا بس الي احس بها الشعووور...
لاوكل اسبوع موديني اهلي من الاربعاء للجمعه تخيلوو...