ما قدرت انام وكله كوابيس من خبرتني صديقتي الخبر

السلام عليكم ورحمة الله وبركاته

غالياتي بنات حواء البارحه وانا اكلم صديقه عزيزه علي ونحن صديقات من تقريبا 7 سنوات وطيبه وااااايد واحبها وتحبني المهم هي عرسه قريب جدا جدا يعني بعد كم يوم تخيلوا شو قالت لي قالت بقول لج شئ بس لا تخبرين اي مخلوق انا قلت قولي خوفتيني . تعرفون شو مسكينه والله تقول ان فيها جني عاشقنها وما طلع منها وتخاف في يوم العرس يستوي شئ والله اني استغربت وما صدقت الي سمعته قلت لها كيف عرفتي قالت تطلع في جسمها كدمات واحياننا ما تقدر تمشي تسمع القرآن في التلفزيون وتتضايق استغفر الله تجيها حالات اغماء بس تسمع الي يدور حولها وما تقدر تفتح عينها ولا تتكلم وضيق في صدرها لما يجي زوجها وهو عاقد قرانه عليها تحس مثل الي اذنها منسده وايدها متخدرة :( قلبي عورني عليها وقلت لها ليش ما عالجتي بالقرآن الكلريم تقول المطوع قال لها لازم تجيين عندي وانا بقرا عليج وانتي اقرأي سورة البقره يوميا وهي مسكينه تقرأ بس للأسف اخوانها الشباب اهملوا الموضوع ما ودوها للمطوع و عرسها بعد كم يوم تقول والله اخاف يستوي شئ في العرس . انا قلت لها لا لازم تخبريني من زمان عشان ادعي لج والدعاء في ظهر الغيب مستجاب بإذن الله وقلت لها ان شاء الله بيدعون لج البنات الطيبات .

ادعوا لها يا بنات والله انها تعور القلب تصدقون اني ما قدرت ارقد البارحه ابدا وكله كوابيس من كثر ما فكرت بكلامها .


يارب ان تشفيها يا ارحم الراحمين