ما كل نفس تمنى تلحق مناها!!!!!!!!

بعد تخرج أخي أبا محمد(رحمه الله) تم تعيينه بمنطقه غير منطقتنا00000وهذا طبيعي عند غيره أما هو(رحمه الله ) فقد كان يعده مصابا جلل حيث أنه إبتعد عن الحضن الدافي والصدر الحنون 00 عن أمه000كان متيم بها 0ومن أبياته التي كتبها بهذا الشأن 0أي في فراق أمه0000000ومن خلال أبياته يتضح ألمه لفراق أمه(أطال الله عمرها على طاعته وعافاها) وغفر الله لأخي ورحمه وأسكنه جنته000000

يامل قلب(ن) به جروح(ن) يقاسيها**** ويامل عين(ن) بكت لين إنتهى ماها

ويامل روح(ن) كثيرات(ن) شكاويها**** ويامل نفس(ن) ظلام الحزن غطاها

الناس تشقى وترتاح ابتواليها**** وتحزن وتفرح وهذي حال دنياها

وأنا الشقا والحزن روحي امخاويها**** خيم على الروح مااظنه يتعداها

وأسباب مازوَد لنفسي بلاويها**** وأشعل بكبدي لهيب النار يصلاها

فارقت دار(ن) لعل الله يسقيها**** فارقتها غصب ماودي بفرقاها00يقصد منطقته

ياحيلة الله بنفسي من يسليها**** عن اللي ياأخوي مااقدر انا أسلاها000بدأ بأمه

لولا الرجا ياعرب والله مااخليها**** فرقاها لولا الأمل والله ماارضاها

أدلِه النفس وأخفف مكاويها**** بالتليفون أتصل وأطلب امحاكاها

وآخذ علومه وكل اعلومي أعطيها**** أشرح لها الحال من أقصاها إلى أدناها

ترتاح نفسي الى من صرت أحاكيها**** ويخف هم(ن) بوسط الروح عنَاها

وأدعي لها الله من قلبي يخليها**** اللي رعتنا طلبت الله يرعاها

بالروح والمال أنا والله لأفديها**** وأمشي على كيفها والله مااعصاها00وعد وصدق

وصاني الله وبيِن لي معانيها**** يغضب إذا أغضبتها0وأرضيه برضاها

الوالده ياعرب مااحد(ن) يساويها**** الوالده ياإخواني لا عدمناها

إسواتها مستحيل أحد(ن) يسويها**** والنار ماتحرق إلا شخص ياطاها

أنا أشهد إني بصغري كنت مشقيها**** يالله برجواك أنا تلحقني إرضاها

مادامني عايش(ن) والله لأهنيها**** والله مااخيب لها ياأخوي مسعاها000رحمك الله

أبعدت عنها وقلبي بين أياديها**** وأرجي عسى الله يلم الشمل وياها

ذي قسمة الله ولالي حيلة(ن) فيها**** وماكل نفس تمنى تلحق مناها

وماقل يكفي وانا ماودي ابديها**** واللي زرع يحصد زروعه ويجناها

أزكى صلاتي على الشفيع نهديها**** بالختم ويالله حياتي تحسن أتلاها00له الحمد ربي أحسن خاتمته أحسبه والله حسيبه000000

رحلت00 وبقيت كلماتك مدرسه لي00 ونعم المدرسه 00 جمعني بك ربي بجنته

لاتنسون أخي من دعواتكم

محبتكم شعوووووووور