ما لاحظتوا الي لاحظتة

الملتقى العام

السلام عليكم ورحمة الله وبركاتة




بنات عندي فكرة تنطط براسي لها كم يوم
بصراحة انا اشوف المدارس الحكومية ما شاء الله واسعة وساحة داخلية
وكبيرة واكثر امان
ولكن يوجد القليل من المدارس الي بعمارة مستاجرة وغير المدارس الخاصة
الي اشوفها ضيقة اقصد من ناحية الساحة
والمدارس الحكومية من خلال دراستي قديما وبناتي حاليا
كلها تتوفر فيها خراطيم المياة وطفاية الحريق
بالرغم انة ماعمرههم قامو بتدريب للمعلمات والطالبات لمواجهة الحريق
لا سمح الله
الا بعض المدارس مثل مدرسة بناتي ماشاء الله المديرة امرت المعلمات
بتدريب البنات على مواجهة الحريق وتطبيقة في المدرسة
وهذا قبل تقريبا سنة
صراحة اهنئ المديرة واتمنى لها التوفيق وفعلا مديرة تستحق كرسيها
اما موضوعي الي ابغى اقولة
ليش المدارس والمحلات التجارية ينقصها سلم الطواري
مثل هذا







صح والا لا ما لاحظتوا ان مدارسنا ناقصتها
سلم الطواري

حتى الكثير من المحلات التجارية اذا مو اغلبها ينقصها
تخيلوا معاي بنات بغض النظر عن كبر مسا حة المدرسة
لكن لو حدث حريق مثل مدرسة البراعم لا قدر الله او حريق بسيط
يمكن يصير اضرار بسبب التزاحم والتدافع
مدرسة كبيرة او محل كبير
مافي منفذ الا باب واحدفقط
با الله وشلون يمديهم يطلعون الي بالدور الثالث او الثاني
والعدد بالمئات وباب واحد
صراحة استغرب من المسؤلين ما فكرو بهذا الشي
اتمنى من الحكومة ان يكون وضع سلم الطواري
اجباري في جميع المحلات وجميع الدوائر الحكومية
ووضعة في جميع المدارس بدون استثناء حتى الخاصة
لأن الأماكن هذة يتواجد فيها نسبة كثيرة من الناس
وش رايكم بنات من تؤيدني
ونعلم ان كل شي قضاء وقدر لكن ناخذ بالاسباب
ونحقق الأمان للمواطنين

اللهم انا نعوذ بك من نار الدنيا والاخرة
واحفظنا بقدرتك من كل شر ياحي ياقيوم
والحمد لله رب العالمين




39
2K

يلزم عليك تسجيل الدخول أولًا لكتابة تعليق.

تسجيل دخول

ام طيف المطيري
صح فكرت السلم حلوه,,, يعطيك العافيه
عزف الياسمين
عزف الياسمين
ايه صحيح
معكي حق
وقبل ماتنزلين موضوعج
كنا نتحكي انا واخوي عن هالشيء

يعطيج الف عافية
من جابها من بحرها؟
الله المستعااان
روتانه2009
روتانه2009
المدارس في المدينه المنوره كلها فيها سلم طوارئ خارج المدرسه
سواء اللي مبناها حكومي او عماره او مدرسه خاصه كلها فيها يعني موجوده الفكره
بس ماطبقت في كل المدن ولا ايش السالفه
اميرة الفر ح2010
اي معك حق
وفيه مدرسه وحده اتوقع عندنا فيها سلم طوارئ من الدور الثاني وصار له زمااااااان ايام كنت ادرس فيها وبالرغم ان المدرسه اجار لكن يوجد فيها
واما المدارس الحكوميه فيه مدرسه وجنبها الجامعه مبنى حكومي فيها ابواب طوارئ بس الدور الارضي بس اما الثاني والثالث مافي
اتمنى يتطور التنظيم وإعاده النظر في جميع المدارس واي مكان تجمعات بعمل مخارج طوارئ