ابي الكل يتخيل اننا جالسين مع بعض بهذا الجو الحلو ونُنقاش هذا الموضوع :)
واذا انتهينا بولع النار واسويلكم احلى قهوه ..
يالغاليات مواضيع المجلس صارت كلها تخويف وتحذير :(
اذا نزل موضوع عن السيول مثلا خلاص بنجلس بهم هذا الموضوع الى ان يشاء الله ..
جت فتره بس نقرأ جده مهدده بسيول ؛؛ جده بيجيها زلزال ؛
آخر شي والطامه يوم قريت موضوع انه في حديث للرسول عن مدينه بيخفس بها
بين مكه والمدينه وهي جده ؟؟ يعني جده بتختفي :icon33: والله ياجاني رعب وجلست ابحث ؟؟
بالله حنا امطار وسيول وخوف ؟؟ وفيه اللي يقول ماجاكم شي بينخفس فيكم مره وحده .
اي تذكير يكون بالطريقه هذي ؟؟؟
لو الواحد فكر شوي ،، ليش ينزل مواضيع تثير الرعب بين الناس ؟؟
بعضهم يقول عشان الناس ترجع الى الله..؟؟
الله يسعدكم ويرضى عليكم انتم تخوفون وتقلقون وممكن تسببون حالات نفسيه بأسلوبكم ..
الرسول كان يعظ بالموت ،، تكلمي وذكري بالموت والقبر والحساب بأسلوب طيب صدقيني بتأثرين ..
لاتقولين مواضيع التوقعات والتحذيرات بتأثر اكثر ..؟؟
جده جانا سيول وبغينا نهلك ،، و المويه حقت السيول مابعد جفت من الارض ،
(وللاسف الاسواق وغيرها فيها مناظر تشكى الى الله ..)
الحمد الله الذي عافانا مما ابتلاهم به وفضلنا على كثير ممن خلق تفضيلا ..
اللي مو مأثر فيها موت الفجاءه اللي كاثر ،، صدقوني مايأثر فيها التخويف بالزلازل وغيرها ..
اللي مو مؤثر فيها ان نهايتها حفره اما تكون منعمه او في شقاء ،، تأكدي ماراح يأثر عليها تهويل الامور ..
منكر ونكير ،، جنه ونار ،، حساب وعقاب ،، مافي اشد خوف من كذا ؟؟
الزلازل والبراكين و السيول ،، هذي الامور المفروض نتعظ ونخاف اذا وقعت من حولنا
وسمعنا بها ،، وربي يرسلها حتى نتوب وندعي ،،
بس المواضيع كثرت عنها وصاروا يتوقعون ويحذرون بزياده ،، صرنا عايشين بقلق وخوف ؟؟
ولد اخوي يقول باليل احس الارض فيها حركه :( <<< الخوف يخلينا نسمع ونحس بأشياء
والله تعبنا ،، خلاص التحذير مره وحده بس ،، مو عشرات المواضيع ؟؟
ولو فيه قسم خاص للحوادث افضل من وضعها هنا :44:
قتل ،، وقصاص ،، وشغالات وسواطير ،، خطف واغتصابات ،، حوادث ،، وانتحار
وامور اسأل الله ان يفرج على المسلمين في كل مكان ..
الان المغتصب اللي بجده ،، مسكوه وانتهى الموضوع وحنا مازلنا بسيرته ..
الامر هذا متعب ،، لازم نتعود شفنا موضوع عن حادثه معينه خلاص ماله داعي انزل نسخه ثانيه ...
مايجيب الاشاعات الا ترديد و كثرة الكلام بشي معين ..
صرنا مجتمع يتكلم عن الجانب السلبي اكثر ...
الاسريه ( طلاق وخيانه وضرب وتعدد )
الاجتماعيه ( ام زوجي ،، سلفتي ،، حماتي ، اخو زوجي ، اهلي ،، مشاكل في مشاكل )
قسم التنظيف ( كله تشكوي ماعندي شغاله ،، البيت والتنظيف اهلكني ،، الحقوني كرهة المسؤليه )
وقسمنا زي ماتشوفون ،،:icon33:
قال تعالى ( ولئن شكرتم لازيدنكم )
متى نشكر الله على نعمه ،، نجلس ننتظر المشاكل تنتهي ،، ؟؟
قال تعالى ( لقد خلقنا الانسان في كبد )
لازم نتأقلم مع ظروف الحياة ومشاكلها ..
و نتعود عشان نعيش مرتاحين نفسيا مهما ضغطتنا الدنيا .
اذا قمتي تشتغلين ،، لاتذمرين انك بتكنسين وبتمسحين
(احمدي الله انك بصحه وعافيه وقادره تقومين بسؤليتك )
اذا كنت طفشانه وماله من الروتين اليومي وضغوط الحياة
( اشكريه لان غيرك فجع بموت حبيب وقريب ،، او فجع بحادث ومصيبه )
كل مشكله تواجهنا مهما كانت صعبه ،، الا ان فيه من يعاني اكثر ..
فخوذيها قاعده دائما تذكري مشاكل الغير عشان تهون مشكلتك ..
والله البارح ضايقه فيني الوسيعه ..
بس تعوذت من الشيطان وجلست اتذكر مشاكل العالم
حروب وقتل وووو ،،
وانا عند وعدي تفضلوا القهوه :)
واعذروني ماستعديت بحلا وعشاء ،، لان نفسيتي تعبانه من المواضيع :44:
