ما لي إلا أنتم بعد الله مشكلة ولدي

هلا أختي نفس حالة ولدي يتكلم وهو نايم

ويطلب أشياء مني ودايماً يصارخ بأعلى صوتة

الله يكون في العون

الله يعين يا رب
المشكلة أنه يمشي وهو نايم أخاف عنده ما يسمى الوسنة يمكنكم سمعتم عنها وهل هي مشكلة نفسية وهل لها علاج طولتها معكم بس ما لي إلا أنتم بعد الله استشيركم وابي منكم الحل

اذكر اخوي ايام المراهقة كان يدخل غرفتي و انا نايمة (بس اختي سهرانة تذاكر) و يروح يفتش تحت سريري ! و اختي تكلمه ما اذكر شو كان يقوللها كان يتكلم و هو نايم
و يعمل حركات ما اذكرها بس اغلبها يفتش باغراضي هههه
و ظل مدة على هالحال لحد ما راحت عنه هالحالة
اظنها حالة و تعدي ان شاء الله

تصدقي زوجي من شهر صحى بالليل شاف نفسه جالس بالصالة على الكنبة
يقللي مدري متى قمت و متى طلعت و جلست بالصالة حتى هو خاف يقول شو اللي جابني بالصالة
اقوله اشوى جت على الصالة ولا انك طلعت برا البيت الله يستر بس والله حالة تخوف

وبنتي لما كان عمرها سنتين و شوي سوت فيني حركة كانت بتقتلني من الخوف

واحنا نايمين بامان الله والغرفة ظلاااااااااااااااام ما يبان شي،، صحيت بالليل و انااسمع صوت حد يمشي بالغرفة ،، يمشي خطوة و يوقف،، وبعد شوي خطوةو يوقف ،، اناقلت اكيد هي بس لالالا كيف تشوف بالظلام مستحيل ما تتخيلين شكثر الغرفة مظلمة ما تشوفين شي ،، و ضل قلبي يدق يدق من الخوف،، و كل شوي احس الصوت يقرب مني ،، و انا طول هالمدة متغطية باللحاف و ما تجرأت اشيله،، بالنهاية تجرأت و شلت اللحاف و دققت و بحلقت زين ما زين بعيوني الا واشوف شي اسود يتحرك و فزيت و قمت اصارخ و زوجي صحى مفزوع يقللي شو فيكي اقلله بنتي (يعني اقول اسمها) و هو مايشوفها من كثر الظلام ههههه بالنهاية شغل الاضاءة و شافها واقفة قريب منا و فاتحة عينها بس مو بوعيهاو يكلمها بس ما ترد خخخخ

والله كان كابوس

الله يسمع منكم تكون فترة وتروح
والله مشكلة لو طولت أنا ما أنام لين اشيل من عنده كل شيء فيه خطورة مثل الدفاية واي شيء حاد الله يستر