قبل فترة من الزمن كنت خلاص رسميا أعتبر عانس حسب معايير المجتمع الي أنا فيه ...وسبحان الله مافيه أي خطاب ..كل صديقاتي وقريباتي تزوجوا وأنا لا

لحد في يوم جات لي أمي وأنا في المطبخ وقالت لي فلانة الي هي جارتنا تبغاك لولدها ....ماتصدقون من الفرحة الي حسيت فيها إني سجدت شكر لله وقلت لأمي موااااااااااااااااافقة <--خبلة وبموت أتزوج ههههههههههه

الجارة من صديقات أمي ...الشاب المفروض معروف لنا ...ماعليه غبار

بعدها بدأت في نقاش عن موديل فستان الزواج والفرح وبيتي كيف بيكون شكله <--مو شايفة خير هههههههههههههه

وخلاص الكل موافق ....بعدها قررت أصلي صلاة الإستخارة(( وعلشان أكون صادقة كل الي كان في بالي انه اسمي اني صليتها ..استغفر الله )) ....والحمدلله صليتها ودعيت من قلبي

صليت من هنا وجاتني ال.... (( في غير وقتها أبدا...كان باقي عليها أيام كثيرة)) مع ألم وزهق وطفش على غير العادة

ثاني يوم أمي جاها اتصال من واحدة من قريباتنا وسبحان الله جابت سيرة الشاب وانه متزوج من وراء أهله وعنده طفل + راعي سفر(( سفره بداعي العمل غير حقيقي )) واشياء محرمة ثانية <---وترى تأكدنا من الموضوع وانه المرأة صادقة .... بعد ما افتضح أمر الشاب عن طريق الصدفة

الحمدلله

أشكرك على طرح موضوع الإستخاره لأنك بهذه الطريقه تشجعين اللي ما يصليها لأن فعلا ما خاب من استخار ففي الإستخاره احساس بأني لا أعلم وانت ياربي العالم وأنا فوضت أمري إليك.
استخرت قبل فتره هل خير لي أن أسافر عند أهلي أم لا فكانت النتيجه واضحه حتى قبل السفر ارتياح جميل للسفر حتى ان بنتي قالت نفس الكلام ولما سافرت كانت فرصه لأرى عمتي اللي كنت أحبها كثير في آخر أيامها سبحان الله كانت بخير وعافيه عمرها 42 أول ما وصلت مرضت وتوفت بعد أسبوعين من وصولي حتى ان جدتي كانت تبكي وتقولي الله كتبلك انك تين تشوفين وتدفنين عمتك اللي تحبينها وهذه من رحمة الله لأني كنت جدا بتعب لو كنت بعيده .

فعلا الإستخارة نعمة عظيمة من رب العالمين وياهم محرومين اللي مايلجئون لها كثير
انا بنفسي استخرت اول مادخلت الجامعة في القسم اللي ودي فيه والكل مو مقتنع فيه يقولون ان ماله مستقبل وبيضيعني , وظليت استخير حتى بعد أن تم قبولي فيه
والحمد لله انا حاليا اشغل وظيفة تعليمية افضل من اللي راحوا اقسام كان ظاهرها انها احسن من قسمي.

واستخرت وقت التدريب الميداني في مكان كان الكثير يهرب من التدريب فيه لأن المشرفة فيه شديدة وماتراعي وماتعطي درجات واستخرت والحمد لله أخذت ممتاز مرتفع هذيك السنة


واستخرت في كل خطبة يوكل امرها لي لأن طبعا امي اذا مو موافقة فلا يمكن يعرضون على الأمر حتىلو الشخص مايتفوت,,والحمدلله ماندمت لأنه لو كان رزقي ماراح ياخذونه مني

واللحين استخير بأشياء كثير, سفراتي, شغالاتي , وطبعا لاتنسون شي ثاني ممتاز دعاء المصيبة ولو كان الأمر عادي
اذكر مرة يوم شغالتي بتروح في توقيت سيء دوامي بدا والبيت شغله كثير فعلى طول كنت اناظرها واردد في نفسي (انا لله وانا اليه راجعون اللهم اجرني في مصيبتي واخلفلي خيرا منها)وماعت فترة بسيطة الا وجتني اللي بعدها

ماشالله لاقوة الا بالله

انا بعد الحمدلله الاستخاره لها دور كبير في حياتي وخاصة قبل اتزوج
تقدم لي اكثر من شخص وكلهم ماعليهم غبار اللي غني واللي حلو واللي مكانه اجتماعيه ومنصب واللي واللي
ووانا من انا صغيره باسم شخص قريبنا وكنت مبسوووووووووووطه فيه الين كبرت بالمتوسط ونصحوني بالاستخاره ومن بعد ماصرت استخير كرهته رغم كل مواصفاته وسبحان الله رفضته اخر شي رغم السنين كلها والحمدلله هو انسان جدا عصبي
وتقدموا بعدها الباقين
وكنت استخير بكل واحد وخاصة واحد مافيه ادنىىىىىىىى عيب
لكن اختكم مارتحت بعد الاستخاره
وخطب بنت عمي وصارت الملكه وكانت مبسوطه فيه وتقهرني فيه بعد الله يسامحهم بس
وبعد فتره اكتشفوا انه اساسا ماقاعد يدرس وعليه ديون وبلاوي كثيره وتطلقوا
وكل واحد من اللي رفضتهم طلع فيه عيب ماكنت راح استحمله انا
والحمدلله على كل حال

لي تجارب كثيررررره مع صلاة الاستخاره .. وهذه نعمه كبيره ..

ومن تجاربي :

قبل لا ادخل الجامعه استخرت ربي في الدراسه .. وحسيت بانشراح قوي واراده

وعزم للدراسه ..

والحمدالله تخرجت وانهيت الدراسه بكل يسر ..

واستخرت في خطيبي تقريبا فوق الخمس مرات وتوفقت .. وما سمعت عنه الا كل خير ..

الكل يمدح في خلقه واخلاقه ودينه وشخصيته .. يمدحهه الكبير والصغير ويقولون

توفقتوا خذتوا خير الشباب ..

وبعد يمدحون اهله كثيرررر ..

وقلبي منشرح له كثيرررررررر واحس اني احبه في الله من مدح الناس فيه ..

والحمدالله رب العالمين ..

كنت دايما استخير في كل خطيب يجيني ولا ندمت يوم من الايام مع انه خطبوني

مقارب الـــ 50 خاطب الا اني لم ايأس ولم اندم وكنت اقول دام استخرت ربي وما

تم الموضوع فهذا مو من نصيبي ..

الدعاء وصلاة الاستخاره من افضل النعم .. اعتبرها كنوز ..

الحمدالله حمداً كثيراُ على نعمة الاسلام ..