رجعتو لي أيام العذاب .. الله لا يسامح كل من كانت سبب لي في تعاستي الدراسيه..
حسبي الله عليهم.. الله ينصرني فيهم.. إلى الآن وأنا أعاني نفسياً منهن....
حسبي الله هو حسبي فوضت أمري إليه..

شوفوا يا اخواتنا المعلمات
المعلمة تاثيرها كبييييييير على الطالبة
فوق ما نتصور
انا قابلت معلمات اكثر من رائعات
ودعائي لهم يلازم ذكري لهؤلاء المعلمات
مجرد ما اتذكرهم ادعي لهم واحن اني اشوفهم


وبالعكس
فيه معلمات قابلتهم
الى الان ادعي عليهم كلما تذكرتهم
واذا تذكرت فعايلهم فيني ابكي واتوتر ولو ما انسي نفسي كان ما انام الليل
ليييييييييش
هل حل الواجب اهم من نفسياتنا وشخصياتنا؟؟
وش بنستفيد من كلمتين نكتبها في الدفتر لا تدمرت شخصياتنا
مرة نسيت الواجب وقامت مربية الاجيال قالت ياالله على صف اول
وانا كنت في رابع
بالله وش تتوقعون شعورنا وقتها
ما اراح اكمل واقول لكم وش صار
لان مجرد تذكر هالموقف يذبحني
وكل ما تذكرته دعيت على البطلة اللي سوته فيني
كان وقتها عمري عشر سنوات
والان عمري ثلاثين سنة!!
والموقف وش يمحيه من ذاكرتي

غير موقف شفته بس ما صار لي
صار لبعض بنات فصلي وانا في ثاني ابتدائي
الابلة طلعت البنات "الكسلانات" حطت في ظهر كل بنت ورقة مكتوب فيها
(انا حمارة وانا كسلانة"
اقسم بربي مع اني كنت صغيرة
لكن حسيت بمدى الفشيلة
وخلت البنات يروحون الحوش في الفسحة والاوراق معلقة في ظهورهم
بربكم هذا عقاب؟؟

واول يوم في اولى ابتدائي اهلي اشتروا لي جزمة بيضاء وانتم بكرامة
ويوم شافتني المديرة تناديني وانا طالعة الدرج في زحمة البنات وانا اطالعها ما ادري من تقصد تنادي
قامت جت لين عندي وصفقتني كف على وجهي وقالت لي مرة ثانية لمن اناديك تجي على طول
الجزمة هذي ماعد تلبسيها تلبسي جزمة سودا
شفتكم كيف الحنان ما شاء الله
هي انا طفلة عمري ست سنوات واهلي مشترين لي جزمة وانا ما ادري عن شي ولا عن نظام ولا اهلي بعد
لانه كان اول يوم وانا اول بنت لهم
تعطيني كف لييييش

معليش طولت بس من قهري
ووالله ثم والله اني لو اقعد اكتب لكم اللي شفته بنفسي ليطير النوم من عيونكم
تعذيب وترويع وارهاب للطالبات
الله لا يكثر هالاشكال

طبعا الاخوات المعلمات لا يفهمون من الموضوع انه تحامل عليهم
صحيح انا ربة بيت لكني تربوية مثلكم ومامنعني من التدريس الا زوجي
والا انا التحقت بكلية التربية
واخواتي مدرسات واغلب البيوت مليانة مدرسات
فياليت لا يفهم الموضوع انه تحامل

رجعتو لي أيام العذاب .. الله لا يسامح كل من كانت سبب لي في تعاستي الدراسيه..
حسبي الله عليهم.. الله ينصرني فيهم.. إلى الآن وأنا أعاني نفسياً منهن....
حسبي الله هو حسبي فوضت أمري إليه..

ههههههههههههههههههههه

ذكرتوني بمواقف الابتدائيه الله المستعان بس انا بقول لكل معلمه اذتني جسديا او نفسيا الله يحللك ويبيحك دنيا واخره مو طمعا بحبهم لانهم مايدرون من انا ولكن طمعا بربح الاخره الله يجعلنا فيه من الفائزين

ابذكر احد هالمواقف لمجرد تبادلها
في صف سادس وفي حصة التفصيل
ماعملت الغرزه صح وكنت اعترافا مني فاشله في الخياطه واكرها كره العمى
فايش كان عقاب المعلمه الله يسامحها دنيا واخره
رمت علكتها على البلاط الوصخ وداسته برجلها وطلبت مني اكله:44:
واكلته تحت تهديدها بالنظرات والمصطره واستفرغت بعدها بشوي وماانسى هالموقف ماحييت
مع العلم ان هالمدرسه عمرها كان مايزيد عن 33 بس الله يهديها
هذا غير الكفوف والكلام البذئ من معلمات اخريات ومربيات اجيال للاسف
امثله من الكلام الحلو الي استسقيناه من منهل علومهم
(ياحيوانات -ياحثاله-انتي حقيره وترص عليها بقوه-واحد المعلمات الفاضلات كانت توكلنا ......؟؟؟؟في رابع ابتدائي ولاحول ولاقوة الا بالله
:09:
اخيرا اخواتي حللوهم لمجرد التسامح فستجدين بديلا عنهم مايرضيك عند رب العباد
واسال الله العظيم رب العرش الكريم ان يسخر معلمات ابنتي لها ويجعلها من المحبوبين والمقبولين يارب العالمين
آآآآآآآمين:26: