خواتي سلام عليكم ورحمة الله وبركاته
انا عندي طفل عمره اربع سنين معه خوف شديد وقليل التداخل مع الاطفال ولا يتكلم وفكرة اعمل له في حوش المنزل قسم اغطيه واضع فيه العاب زحاليق ومراجيح و سياكل ومطبخ وانادي عيال خواتي ويلعبون معاه لأني جربتها في بيتي ولقيت انه اصبح اجتماعي ويحب الاطفال ويقلدهم وتطور ولله الحمد بس المشكلة بيتي خربوه لي الاطفال وفكرة في هذي الفكرة في الحوش كبير بس ما ادري وش رايكم اجيب العاب من فناتير ولا العاب التعليم المبكر وانا ما اعرف غيرها وتتحمل الاطفال وبس غالية راح اعمل جمعية واشتري لوليدي المهم يتعلم ويختلط لأنه يقلدهم
يلزم عليك تسجيل الدخول أولًا لكتابة تعليق.
صلصة الصويا
•
والله فكرة حتى لو كانت الألعاب غالية اهم شي ولدك
اشتري العاب اغلى ماعندنا واللي عندنا لعيالنا ,,
خذي له بيت بلاستيك بتلاقينه بمحلات الالعاب ارخص من المحلات الكبيره
وخذي مرجوحه وزحليقه بعد بلاستيك الملون بتلاقينها بمحل الالعاب
مثل شارع السويلم
وجيبي سياكل والا قولي لهم كلن يجيب سيل ولده معاه
وحطي فولي بول اللي هي كرة الطائره
حطي لهم شي مدور وركبه على الجدار ويكون هو المرمى وجيبي كوره
وش بعد اممم؟
ولو تدخلينه رووضه احسن شي
لانك منت باتله للناس تستقبلين عيالهم وغير انه بالروضه يتعرف على عدد اكبر من الاطفال ويتعلم بعد شي مفيد من المعلمات
الصفحة الأخيرة