ما هو علاج البلغم

السلام عليكم
عندي مشكله ثانيه بعد
مسامحة ازعجتكم بس من لي غيركم:21:
انه الحين أعاني من البلغم المشكلة البلغم مايطلع بسهولة هوه تحت الحنجرة
وبالزور أطلعه
صادني قبل سنة ونص, , شربت أعشاب منقوعة بعد مافي فايدة وعسل بعد مامنه فايدة
عقب رحت حق طبيب متخصص عطاني مضادات بس مامنهه فايده وعقب طلب مني اسوي اشعه حق بلاعيمي سويت الأشعة ورحت حق طبيب ثاني متخصص ذاك بعد عطاني مضادات وقال لي اذا ماصرتي زينة عقب شهر تعالي, قا بيعطيني إبر لانه احتمال فيني التهاب في المريء وآنه اخاف من الإبر اصلا ماقدر استحملهه
والحين كملت الحبوب:29: ومامنهه فايده
الحين شاسوي ياعالم :29: مليت والله, هلي ماينصحوني أضرب ابر يقولون يمكن لهه سلبيات

فبشنو تنصحوني ؟؟؟؟؟

أختي أقترح عليك مايلي:
لاتتناولي السكر باي شكل من الاشكال..ولا الفواكه..
لا تتناولي منتجات الطحين الابيض..
لاتتناولي العسل..
تناولي حبيتين من الرشاد مرتين يوميا..عن طريق الاستحلاب..اي ضعيها في فمك وحاولي بلعها بدون ماء..وان شاء الله في وقت قصير ستتخلصين من البلغم..
دعواتي لك بالشفاء ولجميع مرضى المسلمين..

نعم اختي الرشاد (الحسو)

وزيت السمسم على الريق

والله يشفيك

تسلمون والله
ماعرف اشلون أشكركم
بس أدعو لي
كرهت دنيتي
يعطيكم العافية

عندي سؤال اذا ماعليكم أمر
حبة الرشاد هاذي اللي جنهه سمسم:21:
عدل؟؟؟؟
انزين انه ابلع قفشه وحده
انزين ابي أعرف جم مرة في اليوم ابلع
وشكرا خواتي