ما هو فطوركم اول ايام العيد ؟

احنا نفطر نواشف جبن زيتون حلويات منها حلوى مشهورة اسمها الدبيازه عبارة عن مكسرات مع قمر الدين وتطبخ على النار والبعض يفطر الزلابية واللقيمات و....غيره
كل عام وانتم بخير

احنا نفطر بيض جبن زيتون وخبز إيراني

السلام عليكم
اختى الغالية اول شى عيدكم مبارك مقدما وبعدين خلى الفطور يكون خفيف اول يوم لان المعدة مومتعودة وانا من طرفى بعد انتهاء صلاة العيد مع اعيالى نمر على المطعم واشترى الفلافل والخبز الحار والمتبل والحمص والمسبحة ادرى راح تضحكين راح تقولين عفية راحة حق المعدة
وهناك بعض الاسر يطبخون الذبيحة ويسمونها عيدية الصايم :26:

اختي زهرة النوير

عيدج مبارك مقدما...وكل عام والجميع بخير

بالنسبه لفطور العيد...حسب ما نسمع من جداتنا وامهاتنا ان ايام قبل كانوا يطبخون عيش من الصبح وكل عايله تحط غداها برا بالفريج وكل من يمر وياكل

لكن الحين الحال اختلف......(صرت ابلة تاريخ)

احنا قبل كنا نطبخ عيش ..والعايله والاهل يفطرون فيه من الصبح


بالنسبه لسؤالج: اتكلم عن نفسي....بما ان احنا مركز العايله:) والكل يجي يعايد عندنا...ف قبل العيد بيومين نكون مشتطين حدنا
نزهب بعض خلطات السندويشات ونخليها بالثلاجه....وليلة العيد نحشي السندويشات...عشان صبحيه العيد اللي يبارك ويخلص..يروح يتريق...

راح اقول لج بعض الخلطات:

بيض محموس مع ملح وفلفل اسود

بيض وبصل

خلطه الجتني بجوز الهند

خلطات جبن ابيض وجبن اصفر(مع زيتون).......
(الابيض:طمام وهوت سوس...او فلفل بارد ملون ونعنع مجفف.....الخ)

سندويشات مرتديلا....

سندويشات فول

سندويشات كبدة(محموسه)

سندويشات بزاليا...

سندويشات فلافل(نسويها ليله العيد عشان لا تخمر)


(ماشاءالله لا قوة الا بالله)...

هذا غير بعض صحون الحمص والنواشف للي يحب يحشي حسب الرغبه

المشروبات:

حليب شاي وهيل وملحقاته(درابيل..لسان الثور....بسكوت)

حليب كاكاو بارد(لليهال)

شاي/قهوة(تمر....رهش...حلوى)

سفن آب/ببسي

عصير برتقال طازج(هذا بس للنخبه....اول ناس تبارك)

عصير تانك


يعني ,....هالطريقه......شغلات خفيفه وسريعه

وبس
وعساكم من عايده

احنا عندنا في البيت امي تطبخ عيش ولحم .. اما يكون مجبوس لحم او برياني..

غير البسكوت والمكسرات ووالفواكه والحلوى والكاكاو :27:


العيد الي طاف سويت بثيثه بس سويتها ع شكل كور... وكيك... استانسو عليها في البيت .. ف هالعيد ان شاء الله بسوي كذا شي مب بس هالشيئين وان شاء الله خير :)


طبعا كل الي ذكرته يكون موجود ع السفره طول الثلاثة ايام ... من غير العيش واللحم طبعا :cook: