كوسةوبط1
•
لا يمكنك مشاهدة هذا التعليق لانتهاكه شروط الاستخدام.
السلام عليكم
موضوعكم فعلا راااائع أسأل الله أن ينفع بنا المسلمين
بداية : أنا بمدينة دنفر ولاية كولورادو الأمريكية
تشتهر الولاية بسلسة جبال الروكى
الجو: متقلب جدا يعنى ممكن تشوفى الأربع فصول بيوم واحد بالذات فى فترة الإنتقال بين فصلى الشتاء والصيف... والشتاء هنا بررررررررررررررررد جدا ثلوج كثيرة وأحيانا عواصف تغلق على أثرها المدارس والأشغال
أهل البلد: مثقفين جدا وغير متحيزين ومحترمين أحيانا طبعا ممكن تصادفى حد وحش لكن هم بالأغلب متحضرين ومبتسمين فى وجه بعضهم البعض
الحياة هنا هاااادئة وعائلية جدا جدا وهى بلد صحى جدا فى تربية الأولاد وأقصد بصحى العادات والتقاليد والمناظر الغريبة فهى أعتقد من أقل الولايات إنحلالا بالنسبة لنا كعرب وهذا ما يجعل تربية الأولاد بها سهلة
المدارس: تختلف على حسب المنطقة لو المنطقة مليانه زنوج ومكسيكان ( كلامنطقة التى أعيش بها حاليا بها مكسيكان كتييير ) تكون المدارس مستواها وحش
الإيجار: منطقتى الحالية إيجارها رخيص نتيجة لأنها غير راقية وللأسف عرفنا كده متأخر إحنا هنا من حوالى سنة ونصف فقط ... ال‘يجار 700 دولار غرفتين وحمام واحد حتى 1100 فى منطقتنا وننوى الإنتقال لمنطقة أرقى إن شاء الله تسمى دوجلاس كاونتى الإيجار بها يبدا من 1000 دولار أو 1200 كمان غالية لكن مثل ما نقول الغالى تمنه فيه
إبنى ذهب إلى المدرسة العربى السنة الماضية لكن للأسف مش حلوة فى مستواها التعليمى ومهرجلة ومفيش نظام خالص... لهذا نقلته إلى المدرسة الأمريكية التابعة للسكن هذه السنة ومن هنا عرفت إن السكن بتاعنا مش حلو المنطقة يعنى مش راقية
المحلات العربى : حتى الآن أعرف محلين الإنترناشيونا صاحبه فلسطينى وآراش صاحبه إيرانى ويوجد محل هندى
المولات : متوفرة
تتميز الولاية بالمناظر الطبيعية وبالذات فى فصل الخريف تشوفوا الشجر بجميع الألوان ولا يسع لسانكم إلا أن يقول سبحان الله... أيضا مناظر الجبال راااائعة والخضرة والطبيعة فعلا مناظر خلابة لكن ما إن يأتى الشتاء إلا ةتتغطى أغلب هذه المناطق بالثلوج البيضاء ومفيش فسح بقى وخروج كتير... على العموم أنا لسه مشفتش كتير هنا
المساجد: مسجد أبو بكر وده المسجد اللى أسكن بجواره وهناك مسجد بوسط البلد وأسمع إن فيه واحد فى منطقة بولدر
الجالية العربية : أسمع إن الجالية السعودية كبيرة هنا لا أعلم... العرب هنا مش كتير لكن تقابليهم فى المسجد ومحلات البقالة العربية :) لكن ليس لهم أنشطة كتير
الجامعات : لا أعلم والله فأنا مغتربة منذ فترة قصيرة وليس لى إحتكاك بموضوع الجامعات ده لأن زوجى يعمل هنا وأنا قاعدة فى البيت لكن أمى تشجعنى على الإستفادة من وقتى هنا والدراسة فى أى شيئ لكن أنا خايفة على أولادى وحاسة إنى لازم أقعد لهم وآخد بالى كويس منهم لتصحيح أى معلومة خاطئة ومراقبتهم لملاحظة أى تغيير يطرأ عليهم ومعرفة الأسباب ... إنتم عارفين الخوف المسيطر على الأمهات فىالغربة بالذات فى الدول غير الإسلامية
ده كل اللى عندى فى الوقت الحالى وأى سؤال أنا جاهزة
لا انا بأوستن بس ناويه اقدم على جامعتكم ويارب تقبلني انا وزوجي شكرا لك :26:لا انا بأوستن بس ناويه اقدم على جامعتكم ويارب تقبلني انا وزوجي شكرا لك :26:
حياكٍ ربي
الله يدبر لك ماكان فيه الخير
الله يدبر لك ماكان فيه الخير
الصفحة الأخيرة
ويارب تقبلني انا وزوجي
شكرا لك :26: