ما هي درجة عبوديتك ... لـ المظاهر ؟

أكرها من قلبي ...
ماني ضد إني الإنسان يشتري الشيء الحديث والغالي
إذا كانت عنده القدرة 'مش بالدين أو على حساب الأهل'
لكن يكون فعلا بحاجة إليه ... وبدون إسراف ..
.
.
وقد يكون ذلك بسبب الأهل ودلالهم الزائد
أو عدم شعور الشاب أو الفتاة بقيمة النعمة
اللي بين أيديه .. ويرميها ويسرف فيها بدون شكر لها .
لكن تبقى مشكلة بدون حل !!!
إلا بوجود الوعي الفردي والجماعي فعلا وعمليا مو كلام بس .

ما هي وجهة نظرك بخصوص هذه القضية ؟
لا للمظاهر
احس بالتثاؤب كثير من الأحيان لما وصل له حال مجتمعنا وبالذات المسلم وخاصة السعودي..
و كيف تجد انتشارها بين مختلف طبقات المجتمع ؟
سابقا كان هناك تفاوت على حسب الناحية المادية
والآن اصبح اغلب المجتمع يلهث خلف المظاهر
حتى لو يضطر( الكحيان )يتسلف يقترض يحمل نفسه مالا طاقة له
انتشرت كاالنار في الحطيم
ويجب أن نراجع انفسنا وأن نفهم بأن الحياة جميلة أن تعيشها ببساطة ونتواصل مع الآخرين
بجوهرنا وليس بمظهرنا
وأن لاننسى كل ذلك زائل

شكرا لك اخي
دمت بأفضل حال إن شاء الله

انا مب مع المظاهر الجذابه .. او مع الشخص إلي يكون بالعاميه خقاق ..
لكن فيه ناس عندهم مقدره واستطاعه على انهم ياخذون كل إلي يبونه ويكون من الغالي ..
ممكن ياخذونه من منطلق انه عنده واذا ما كافأ بها نفسه وخذ كل إلي يريده لمنوو بيتركهن ..يعني ممكن ناس يغيرون اغراضهم ويشترون الغالي مب عشان الناس لأ عشان نفسهم ممكن يستمتعون بالأشياء اليديده ويرضون نفسهم بهطريقه ..
أما اذا شخص بياخذ مثل المثل إلي يقول ادين وازين فلا ليش يبهدل نفسه ماله داعي ..
وأفضل ياخذ كل شي ع قده .... والتغييير والتنوع مطلوب بس مب ع فترات متقاربه لا بين فتره وفتره وعلى حسب الاستطاعه والمقدره الماليه للشخص ..
هذا رأيي الشخصي ..

للأسف الشديد .. أنا واحده من هؤلاء الناس....

الحمدالله ماعمري تسلفت أو تدينت حتى اشتري شي موجود عندي أو ما أحتاجه ..

لكني دائما أجمع مبلغ مالي .. وبالاخير يروح على شنطه أو جزمه أو لبس لي ولولدي...

أتمنى ومن كل قلبي أني أترك هذي العاده الي ما أقدر أسميها غير قبيحه ....

سرقت مننا كل فرحتنا ووناستنا ... للأسف كنا أول أي شي نشتريه نفرح فيه ...

الحين أي شي أشتريه ما أفرح ولا أنبسط مع انه غااااااااااااااالي ....

أنا اتكلم من ناحيه اللبس والشنط الجزم ,,,, لكن بالنسبه للجوالات السيارات الاشياء الثانيه الحمدالله عادي بالنسبه لي...

السبب في كل هذا ... وللأسف امي الحبيبه ... ليس لشيئ ولكن لحبها الزائد لنا .... دلالها لنا....

كانت دايم تبغانا نصير أكشخ وأرتب ناس... ولا تقولون الكشخه مو بالماركات الكشخه بالذوق ...

أمي ماشالله عليها ذووووووق وترتيييييب لا يوجد عند أحد .....

الحمدالله دائما انا وأخواتي المميزين في العائله باللبس والشكل .... ولا أدري أعتبرها نقمه أم نعمه

وها أنا اليوم تزوجت ... وجبت ولدي ....

وصار المجتمع كلللللللله ماركااااااااااات... والي ما يلبس هو أوعياله ماركه يعني قروي ..

ماعمري ضغطت على زوجي يشتري لي وهو ماعنده فلوس .. لكن دائما أمي تحرجني بكرمها وتشتري لي انا وولدي أغلى الملابس,,,

تعبت تعبت من المظاهر ..... والله اننا نروح العزيمه موب عشان نغير جو ,,, بس عشان نشوف فلانه وش لابسه والثانيه ايش مسويه ....

موضوعك جااا على الجرح :(

thnx for all who share with us, I will be back later to comment on ur replies