انا قبل ما ربي كنت امجهزة كل شي شنطة فيها :-
4 قمصان نوم كشخة للاستقبال مع MAKE UP (روج وقلم كحل) عطر (البخور غير محبذة في المستشفيات عشان البيبي) 2 قمصان نوم قطن لليل عند النوم وشيلة في حالة حد من الاهل جاء (رجال) وشبشب سشوار هاهاها لازم وكميرا فيديو ومعاها العادي طبعا الموبايل واشتريت 6 ملابس داخلية قطنية عالية وشادة على البطن مع سوتيانات رضاعة (اكبر عن اللي تلبسينهاوانتي حامل) جميع انواع ادوات النظافة حاطتها في شنطة صغيرة

اما البيبي :-
2 بدلة كشخة للاستقبال 6 OVERALLS الفلينات التحتية طبعا كلة قطني ،قبعات ،قماطات ،شال كشخة ، و طبعا الكيس اللي يحطون البيبي فيه جميع انواع ادوات النظافة البيبي حاطتها في شنطة صغيرة خاصة
و لا تنسو ن المناشف الخاصه بالبيبي ولك

طبعا غسلت اثياب البيبي و ثيابي و كويتهم و رتبتة في شنطة و اخذت صابونة ريحتها حلو وبشرتها و نثرتها في الشنطة وسكرتها لما بطلوها في المستشفي كلهم عجبتهم ريحة الثياب
هذا الكلام استوى من اول ما دخلت التاسع عشا ن حاطة في بالي في اي لحظة ممكن اربي

ما تجهيزات المستشفى:-
الفراش الخاص فيني ، الكاسات والصحون والملاعق .... كل هالاشياء لازم تتجهز و زوجي اتعاقد مع مطعم يجيب كل اليوم خفايف للتقديم مع عصاير
وسويت هدايا للتوزيع.........

والله يسهل عليكم يا رب
وادعولي بالولد الصالح

الدلاغات هي الجوارب (الشراب):26:

اختي لا تنسوا اسرانا اكيد الوضع مختلف بيننا في الامارات والكويت ..........نحن بالامارات نقدر نحجز اقسام كامله للولادة وممكن نحجز فلة كاملة بعد الولادة طبعا تكون متصلة بالمستشفى مثل مستشفى توام عندنا ...عشان هذا بيكون استقبال الضيوف في مكان وغرفة البيبي وغرفتي بمكاان وغرفه الاكل والمطبخ بعد منفصله عن باقي الغرف ونحن متعودين على هذي التجهيزات انا ما اتكلم عن نفسي لاني بكر بس انا اشوف اهلي واخواتي ...لازم نهتم بكل التفاصيل لان عدد الضيوف بيكون كبير ولازم نطلع قدامهم بصورة لائقه يعني كل شيء أطقم الفرش الصياني الكوبات تجهيز العطورات وغيره اشياء كثيره .....يعني نحن ما بننتظر الضيوف لين يجون ويجيبون معاهم الاغراض اللي لازم انا اجهزها...؟؟؟؟؟؟؟؟؟؟؟؟؟؟
....................................

أختي أمل اسمحيلي اذا تاخرت في الرد عن الحزام لكن بصراحه انا ما عندي خلفيه عن استخدام الحزام في حالة الولادة القيصريه ..........اتمنى تعذريني ......

مرحبا عزيزتي لا تنسوا اسرانا
بصراحه الي استغربت منه بكلامك عن الميك اب يعني الوحده فيها حيل للميك اب
ورب الكعبه عندنابالسعوديه يعطوها عين توديها القبر
خلينا على النظافه والترتيب والاناقه ومافي داعي من الميك اب
بالنسبة لتعطير الملابس قبل الولاده هذا ما فيه ضرر وعلى فكره هذا الشيء يمنع الشمم عنك يعني اذا زارك احد متعطر مايجيك شيء وهذا عن كلام اطباء
امي تولد قيصريه وولدت مره ببريطانيا والثانيه بامريكا وبكل الدولتي كان الدكتور يطلب منها انه تعطر الغرفه وملابسها قبل العمليه يمكن هم مايعرفون عن الشمم بس اكيد عارفين عن اضراره
واعتقد اغلب البنات يوافقوني الراي واكيد سمعوا عنه
وبالنسبه لمزيل العرق عزيزتي انا قصدت بولي مثل انتي ماكتبتي
وبالنسبة للباقي انا متفقه معاك فيه بس حبيت اوضح لك ليش انا كتبت عن تعطير الملابس قبل الولاده وعن مزيل العرق
تحياتي:26:

أنا مع الأخوات في اللوازم ، لكني أضيف عليه قارورة صغيرة عسل وتمرة لتحنيك الوليد كما ورد في السنة الشريفة عن رسولنا الحبيب، مسجل صغير مع شريط قرأن