أنيسة1980 @anys1980
عضوة جديدة
ما ودي أكون نسخة من أمي
بسم الله الرحمن الرحيم
في البداية أشكر المنتدى على كل ما يقومون به من خير
وبالأخص خواتي في قسم الحياة الإجتماعية ومحاولتهم التخفيف عن خواتهم
فربي يجازكم كل خير ..
حبيت أفضفض إلكم اشوي وآخذ رايكم ويارب ما أكون ثقيلة عليكم
أنا بنت مو متزوجة وعمري شارف الثلاثين
ما أشتغل و لا من أصحاب الروحات والجيات بيتوتيه
لكن قريب بتبدأ الدراسة في دار التحفيظ
أعيش في بيت أحمد ربي وأشكره عليه .. ما بطول لكن بجيكم من الأخير
أمي وأبوي سافروا لعلاج أخوي قالوا العلاج يبيله ست شهور ، حاليا أنا المسؤولة عن البيت
وعن اخواني ، عارفة إنو لو شو ما عملت ما بكون بمكان " أمي" لكن أحاول أسدد وأقارب
ما أخفيكم قدام اخواني أضحك وأفرفش ومن أدخل غرفتي أبكي لأن يا خواتي المسؤولية جد كبيـــرة
لدرجة صلاتي ما أدري كيف صرت أصليها من يوم ما سافروا ،
فكري مشتت ، آلام بجسمي ، الحمد لله على كل حال
اليوم خبروني إن الدكتور قالهم إن العلاج يبيله سنة !:(
وأمي وأبوي أمنوني على اخواني الخمسة وهم للعلم في مرحلة مراهقة ما عدا أصغرهم بابتدائي
ولي أخت في الجامعة لكنها ،نفسي نفسي إتكالية ، ربي يصلحها
والله إني خايفة ما أكون قد المسؤولية في البداية كنت فرحانه إني بكون مسؤولة عن بيت
لكن اليوم خايفة من جد خايفة :( ،
وبذات الوقت أفكر هل أبدأ أنتظم مع حلقات التحفيظ ولا أركز على اخواني والبيت ودراستهم
لأن البيت كبييييير ونحن ما عندنا خدامة والشغل تقريبا علي محد يساعد
وللأسف لي أخت ثانية قريبة من عمري وكنت حاطتنها الأمل لكن منشغلة بدراستها وألاحظ إنها تحاول تبعد نفسها عن أي مسؤولية :( ، عندي اخوان موظفين تقريبا نهاية الإسبوع نشوفهم لكن المسؤولية علي
وجودهم وعدم وجودهم تقريبا واحد ،
أنا ودي أكون نسخة من أمي من ناحية تضحيتها وبذلها للبيت وأبوي واخواني والخير
لكن
ما ودي أكون نسخة من أمي من ناحية إنها نست نفسها من أجلنا
ما كملت تعليم ، حتى أبسط الأشياء وهو نفسها والاهتمام بشكلها
وتبدي نفسها علينا
مب قصدي إني أكون أنانية ياريت تفهموني لا والله
اللي أقصده إني أهتم في نفسي واخواني بدون ما أهملهم
حتى إذا رجعوا من السفر يقولون نعم البنت كانت قد المسؤولية آه
عقب كم يوم بيبدأ مركز التحفيظ وودي أروح لكن
اللي حولي يقولون لي لا تروحين مركز التحفيظ لأنك ما بتقدرين توفقين ، وأنا في داخلي
ودي أروح ،
ما أدري شوروا علي محتاااااااارة في أمري ؟:(
ولا تنسوني من الدعاء بظهر الغيب ... وسامحوني إذا ثقلت عليكم
أختكم
16
1K
يلزم عليك تسجيل الدخول أولًا لكتابة تعليق.
الله يعيييييييييينك يارب ويسهل علييييك ويشفي اخوك يارب
انا والله ماودي احبطك لكن اشوووووف صعببببببببببببه انك تروحي التحفيظ وانتي مثل ماقلتي المسؤلييه كلها عليك
انا ماودي انوا اخوانك يحسوا ان البيت فاضي يوم تكوني بالتحفيظ وراح يشوفوا انوا عادي نصلح اي شئ دام مافيه احد
مابي اصعب عليك المهمه لكن انا من واقع تجربه اقولك هالشئ رغم انوا احنا 4 بنات ومتعاونات الله لايغير علينا لكن اذاغابت امي لو يوم احس المسؤوليه جدا كبيره
ان شاءالله انك قدها
انا والله ماودي احبطك لكن اشوووووف صعببببببببببببه انك تروحي التحفيظ وانتي مثل ماقلتي المسؤلييه كلها عليك
انا ماودي انوا اخوانك يحسوا ان البيت فاضي يوم تكوني بالتحفيظ وراح يشوفوا انوا عادي نصلح اي شئ دام مافيه احد
مابي اصعب عليك المهمه لكن انا من واقع تجربه اقولك هالشئ رغم انوا احنا 4 بنات ومتعاونات الله لايغير علينا لكن اذاغابت امي لو يوم احس المسؤوليه جدا كبيره
ان شاءالله انك قدها
ياعمري الله يشفي آخوك ويرجعون بالسلامه وتقر عيونكم بشوفتهم اللهم آمين
ياحبيبتي قسمي وقتك ونظميه وبيضيع وقتك اصلاً مابين الشغل والتحفيظ ادخلي تحفيظ واذا فيه الصباح وقت الدوامات اطلبيه هالوقت يكون احسن واريح من العصر
والله يوفقك ويسهل امورك
ياحبيبتي قسمي وقتك ونظميه وبيضيع وقتك اصلاً مابين الشغل والتحفيظ ادخلي تحفيظ واذا فيه الصباح وقت الدوامات اطلبيه هالوقت يكون احسن واريح من العصر
والله يوفقك ويسهل امورك
المفروض كل واحد يعرف مسؤؤلياته من اخوانك خاصه ماشاء الله عليهم كبار ونبهي امك وابوك يقولولهم هالكلام الله يعينك ياقلبي
حاولي اتكوني مع اخوانك لانهم امانه واتحفيظ احفضي في البيت
ولو تقدرون تجيبون شغاله تساعدك في شغل البيت وتتفرغين لرعاية
اخوانك وان شاءالله كل شي بأجره
ولو تقدرون تجيبون شغاله تساعدك في شغل البيت وتتفرغين لرعاية
اخوانك وان شاءالله كل شي بأجره
الصفحة الأخيرة
وامسكى خواتك وقسمي الشغل انت الحين فى ازمه ولازم توقفون مع بعض