كوبونات الراقية تسجيل الدخول

** المحترمة**

**××(& ما يأست لكني.... في حالة ماساة...&)××**

الأسرة والمجتمع •

بسم الله الرحمن الرحيم
الصلاة والسلام على اشرف النبياء والمرسلين محمد واله وصحبه اجمعين
والحمدلله على كل حال
نحمده ونشكره على ما اعطانا
السلام عليكم ورحمة الله وبركاته
شخباركم خواتي
وشلونكم
اليوم اول مرة اشكي لكم معاناتي مع خطيبي
والله يعلم اني ما خبرت احد بس طفشت ونا اكتم بقلبي
كذا مرة ادخل المنتدى ابي اكتب لكم مشكلتي لعلي اجد حل
لكني اقول انه خطيبي ومهما صار مابي انشر اسرارنا جدام الكل
بس كل شي له حد
الله يسلمكن احنا في البحرين عندنا الخطوبة يكون في عقد الزواج كامل يعني في عقد نكاح يكون زوجي واكون زوجته قانونيا ومع انه يكون زوجي ونا زوجته الا اني ارقد بيت ابوي وهو في بيتهم ويصير اي وقت اروح ارقد في بيتهم وعقب ما نحس روحنا عرفنا بعض وكل واحد اخذ على الثاني نجهز للزواج وتتم ترتيبات الزواج الظاهري للناس ونسوي عزومة والبس الفستان الابيض واكون لحين ما دخل علي ويدخل علي بليلة الزواج الضاهري للناس مع انه في الاصل لو دخل علي يوم العقد يكون حلال بس عشان نضمن ما يحصل بفترة الخطوبة نسوي عقد النكاح وبعد هالزواج خلاص اشي روحي باغراضي بكللللللللل شي واروح بيت زوجي وهني تنتهي فترة الخطوبة وعشان افهمكم زود فترة الخطوبة يكون طول يومي وياه اللهم الا اذا جيت بنام اجي بيت ابوي لكني انا مصختها وقمت ارقد ساعات معاه في بيتهم

انشالله فهمتو علي لان نضامنا غير عن اهل اسعودية وباجي دول الخليج
اللي صار خواتي
ان خطيبي خوووووش رجال والحمدلله من الناحية العاطفية فهو مغرقني في حبه والحمدلله
بس خطيبي فيه شوية عيارة مو شوية لا وايد احسها
يعني في بداية خطوبتنا كنت اعذره وقلت مع الوقت يتعدل وكنت اقرا المواضيع في المنتدى واطبق
والحمدلله بعضها جاب نتايج
فمثلا خطيبي شغله شفتات يعني يومين نهار ويومين اول ليل ويومين اخر ليل
ويجي تعباااااااااااااان وكله راقد
انا بالعكس اعذره
واول ما يرد اسوي لكه كل شي يحبه من اول ما يدخل افصخه ثيابه واعلقهم واحب راسه وازهب الاكل واقول له الله يعطيك العافية وووو الخ من هالحركات الحلوة
ومابي امدح نفسي بس ما شاء الله انا مو مقصرة بحقه في شي
ولا احاول ارفع صوتي اذا تهاوشنا او تزاعلنا بالعكس اكلمه بهدوء
واي شي يطلبه مني اسويه ولا اقول لا
وحتى انه لما يروح اخر ليل اسهر طول اليل ادعي له بصلاة اليل واسهر روحي عشان لما يرد اقدر ارقد يمه مثل ما يحب
واقدم راحته على راحتي
ولو راح اقول مابخلص وبعور راسكم
بس........
لما اقول له نبي ننظم حياتنا ..بحكم ان حياتنا كلهاااااا خربطة بخربطة
يعني سهر بالليل ونوم بالنهار
وانا وحدة مرحة محبة للتفاؤل احب اقعد الصبح واشوف الشمس
وصار لي مدة ما عشت هاللحضات
صلاتنا صارت كلها متاخرة
اهلنا ما نشوفهم
اغراضنا ومشاويرنا الاساسية ما نقدر نروحهم
وطلعاته بلليل عشان يسهر مع ربعه لا يمكن يخليها حتى لو فيه النوودة عدل
ساعات ارقد معاه بشقتنا يتركني ويروح مع ربعه
ويخليني بروحي اخاف
ولما اقول له ودني المكان الفلاني يقول اوكي بوديج
ويطنشني ويرقد
ويخليني اصيح ولا يوديني



طبعا انا ما سكت عن هالموضوع
عن موضوع الصلاة فحاولت قدر الامكان اني اعالجها وغيرت من نفسي وبعدين حاولت اقنع خطيبي وكان رده: اوكي حبيبتي ما يصير خاطرج الا طيب جم((((( عندي انا؟ ومن هالكلام الحلو ويقول لي انه وعد
واصدقه
ولكني اشوفه يرجع ويسوي مثل الغلط
سواء بالنسبة للصلاة او للنوم او لطلعاتنا
او السهر للفجر مع ربعه
لدجة اني ما اشوفه الا ساعة او ساعة ونص
وهالساعة شلون؟؟؟ يقعد معاي اذا شاف فلم حلو يقعد يمي يطالع التلفزيون وخلني اتحجى يقلب الدنيا
او انه يقعد معاي ياكل يخلص من اكله يروح ينام ونومه غير طبيعي ينام حاولي 12 او 13 ساعة وتخيلو انا ساعات ارقد معاه ساعات اطفش واقوم واقعد بروحي جدام التلفزيون لا شغل ولا مشغلة اصيح واسكت
وكل مرة افاتحه بموضوع معين يوعدني لكن يطنش
واخر مرة امس
كنت قايلة له ابيه يوديني اشتري لي اغرااض ضرررررررووووووووية عدل اني بروح لوحدة وبودي لها هدية وقايلة له قبل شهر بحكم اني اعرف حركاته
وقلت له الصبح وقال الليلة انشالله اوديج
وخذاني من بيت ابوي العصر وقال الليل راح يوديني بكل تاكيد وانا استانست
يات الساعة تسع وهو راقد
اقول له حبي قووووم
بسته مني
بسته مناك
دلعته بكلمتين ماكو فايدة راسه حجر
قلته ما يتوديني الا يقول ما تحاسبين لي ولا تقدرين ضروفي تعبااااان
قلته بس حبي انا قلت لك ارقد من يوم ترد من الشغل انت ما رضيت مابي ارقد اخاف ما اقعد
بعدين رقد ونا غافلة عنه
وتميت اترجاه ساعة ولا رضى يقوم بعدين ما شفته الا قايم بطوله
خذ اللحاف وراح الغرفة الثانية وبيكمل رقاده للصبح
قلت له وموعدي؟
والهدية؟
وكرامتي
ووووو وهو ساكت
راح تلحف رقد
رحت له ونا معصبببببببببببببببببببببة
قلت له ليش تسوي فيني جذي؟
قال اشسويت قلت له جي ما تدري؟
عندك احساس؟
عندك مشاعر؟
لا انت ولا اهلي كلكم متبرين مني( طبعا سالفة اهلي شغلة ثانية بعد مغربلتني)
صحت ومشيت تخيلوا تميت اصيح ساعة الا ربع يسمع صياحي و لايجي يهديني او يراضيني
طفشت رحت له قلت له قوم ودني بيت ابوي
ما لي قعدة اهني
يسوي روحه ما يسمع
قلته له قوم بعد مشاعر وما عندك بعد ما تسمع؟
قام وهو ساكت راح شغل السيارة ونا اصيح ودموعي اربع اربع
طول الدرب اصيح وهو ساكت
طلعت من السيارة ولا قلت له مع السلامة
ومن امس ولا اتصلت فيه ولا اتصل هو بعد
بلله عليكم قولو لي شسوي وياه

وما اخفي عنكم اني صرت اعامله بخشونة كرد فعل لا شعوري وصرت من يقول لي سوي ذي اقعد اتحلطم بحيث اني افكر اني اذا اطلب منه شي ما يلبيه شلون يقعد يتطلب مني......
اخاف ما اتصل فيه ويقلب السالفة علي ويقول اني ما اهتم فيه لان سواها مرة ما اتصلت له يوم وكنا متزاعلين هاوشني
واخاف اتصل ويتهاون بي مرة ثانية ويضل يمارس حياته كانه واحد عزوبي
سهر بليل ونوم بالنهار واذا اقول له شي يوعدني بلا شي
خبروني شالحل
وهاذي اول مرة لي اسويها
واخبر احد عن مشاكلي وخايفة انه يكتشف اني حاطة موضوع بالمنتدى
ويسوي لي مصايب
ادري اني طولت بس شسوي احس روحي انفجرت والله
سامحوني وابرو ذمتي
وانتظر الحل
تحياتي
17
2K

يلزم عليك تسجيل الدخول أولًا لكتابة تعليق.

تسجيل دخول

فديت بناتي
فديت بناتي •
لاحول ولاقوة الا بالله
انتي حساسه ازياده عن اللزوم
حبيبتي معليه طوفيها صدقيني بخيل على ويهه
اذا ماوداج اليوم بيوديج بكره
بس لازم تصبرين شكلج عروس جديده:26:
نــور الـلـيـل
نــور الـلـيـل •
انا مافهمت عليك تقولين انك لسى انت في بيت اهلك وهو في بيت اهلة
طيب كيف ؟؟الي فهمت انك انت وهو عايشين في بيت واح

الحل اتوقع طنشية ولاتسئلين عنة وحاولي اتصبرين روحك ولو كلمك خليك ثقيلة بكلامك علشان يحس فيك
ولو تاسف منك وتعذر اقبلي اسفة واثقلي كم يوم علية ازين
مخلصه لزوجها
مخلصه لزوجها •
حبيبتى الله يساعدك


لكن هم انا ما فهمت عليك تقولين خطبه وملجه

وبعدين تطلعين متزوجه

المهم انا تخربطت وياج

بس اهم شئ حبيبتى انك اذا تزاعلتوا مره ثانيه والله لا يجيب زعل لا تطلعين من بيتك او حتى لو كانت غرفه عند اهله الحرمه ما تطلع من بيتها لاي سبب من الاسباب

لان البعد جفا يا عيونى ومن بعد عن عينك بعد عن قلبك

المهم

اللحين انتى في بيت اهلك

خلى نفسك هاديه وناقشيه او حتى ردى على تلفونه اذا اتصل ولكن بهدوء
وحاولى تبينين له وجهة نظرك

المهم تعدي السالفه

لانك خربتيها بطلعتك من البيت

الله يصلح خواطركم

ولا تنسين تبيني له انك انتى حزينه وزعلانه على مواقفه وياج ولا كنتى تنتظرين يسوى معاكى كذا

انفخي فيه علشان يشوف نفسه كيف انتى تصورينه وهو كيف عاملك

والله يصلح قلوبكم يا رب

لا تنسين الهدوووووووووووووووووووء :26:
*أم مروة*
*أم مروة* •
نسيم الود
نسيم الود •

الله يصلحه المفروض مايفرط فيك
وانتي ماشالله مومقصره معاه
لكن اهم شيء انك ماتكبرين الموضوع حاولي تتناقشين معه بهدوءعن اللي تبينه وانه الرجال لازم يكون عندكلمته
وحاولي ثقلين عليه ولاتكلمينه خليه هواللي يكلمك

وبالتوفيق