ما يحب يسافر معاي

السلام عليكم

والله تعبت اخواتي وانا افكر
ليش ما يحب يسافر معاي

والله انا امنية حياتي اسافر معاه وهو ولا يهتم الى امري كل مرة اقول ليه وهو ولا يفتكر:44:
او بقول الله كريم ويعشمني وفي الاخير ما اشوف منه ولا شي
:06:
والله تعبت اخواتي
احس محتاجة اسافر
محتاجة اغير جو
مليت من قعدة البيت بين اربع جدران

الحين اهلنا كلهم بيسافرون بيروحون العمرة وقلت لة خلنا نروح معاهم نغير جو والسفرة ما بتكلفنا شي
:29:
طبعا كالمعتاد الله كريم وانا ادري معناها لا

ليش ليش اسأله يقول ما في سبب يخليني ما اسافر معاج

السنة اللي فاتت قلت له ابي اسافر معاه مع الاهل العمرة قال لا وبعد معاناه رضا ويوم اللي بسافر خبرني ان هو بعد بسافر بروح دبي مع اصدقائة

شنو اسوي يسافر معاهم وهو فرحان وانا ابدا
ولا يفكر يفرحني ويريحني

ولا حتى يتكلم وياي او يسمعني علشان يقنيعني وما افتح الموضوع مرة ثانية
او يقول لي تكلمي قولي اللي عندج وهو عاطني ضهره :44::44:
تخيلي من زود اهمية كلامي يعطيني ضهرة
او يقول وقت ثاني بنتكلم

هو ما يحس فيني
حتى لو اقولة بنسافر بروحنا يقول الله كريم وطبعا معناها لا

شسوي والله تعبت
انا اموت على الاسفار
وخاطري موت اسافر معاه
شلون اقنعة
شلون اخلية يحس اني صج اتكلم جد اني بحاجة اني اغير جو واسافر

بليز ساعدوني اخواتي

:(