أنا في ضيق لا يعلم فيه إلا رب العالمين ....
استخدمت معرف بنت عمي"عيوني البحرين"
متزوجة من سنتين وطول هالسنتين متجرعة المر والمرار وريحة الدم صارت بخشمي ماتطلع ذبح ودم وصراخ كل يوم من الصبح على الساعة 6 لازم بيت عمي يذبحوا ذبيح...
كل القصة بان عندي مكان صغير في بيت عمي"أهل زوجي" وصاير مثل الملحق ..
غرفة نوم كبيرة وحمام ومكان صغير للطبخ والأكل...
والملحق يبعد امتار عن البيت "ملحق ضيوف" بس حنا ساكنين فيه
المكان حلو وراقي ما كأنه ملحق المهم مالكم بالطويلة
من أول ما تزوجت وانا أشوف عمي "أبو زوجي كل يوم يذبح دجاجة عند دريشة غرفتي
وراس الدجاجة والدم يسيل وراء غرفتي والمكان مو مبلط يعني حجر مرصوف بس ويقط وراه راس الدجاجة والدم بعدها تجي الشغالة الساعة 10 الصبح وتقط عليه رمل وتكنسه
كل يوم يذبحون دجاجة وانا كل يوم اتصل على امي واقول لها يحليلهم بيت عمي كل يوم يذبحون على شان زواجنا
كل يوم الدجاجة وبعدها جابوا غنمة وذبحوها والدم والراس مقطوطين
اليما تجي الشغالة تنظف
وانا اقعد على اعصابي من ريحة الدم والقرف لان عند دريشة غرفة نومي!!!!!!!!!!!!!!!
رحت إلى "عمتي" وقلت لها شسالفة كل يوم ذابحين كل هذا عشاني:35: والله يا عمة ما ابي شي لاتكلفون على روحكم
الا تقول لي: ومن قال هذا لج ........ هذا احنا دجاج الغذا نذبح لنا طازج نحب الدجاج البلدي وجيرانا ام أحمد وام فراس وأم عيسى يجيبون نذبح لهم دجاج واحيانا غنم عمج خووووووووووش ذباح وشي مضمون
انا انفجعتتتتتتتتتتت:44::icon33: قلت بقلبي يعني كل يوم على هالحالة !
قلت لها بس الشغالة ماتنظف زين واليوم مانظفت قالت لي
خلالالالالالاص من اليوم ورايح انتي تنظفي ورا غرفتج بمعرفتج قلت لها اقرف ماحب قالت الشغالة مشاغيل وايد عليها واذا تبين نظفي !
طلعت غرفتي اصيح وتقبلت الموضوع شهر وشهر وثلاثة لحد ما جانا شهر رمضاااااااااان قلت افتكيت من الدجاج لان عادتهم ياكلون لحم
ظل عمي يذبح غنم لهم وللجيران وراء غرفتي وانا خلاص قرفت وقلت لزوجي قال تحملي وشوف لج شغالة تجي ساعة باليوم تنظف
حصلت شغالة بس الشغالة هجت من الروايح والقرف والمصران
تعبت يا بنات من هذا الشي وزوجي سلبي جدااااااااااا
أبي حل لهالشي لان الريحة ماقدر عليها اطلع انظف وانا اصيح بس الريحة دايما
واذا نظفت اذا ماذبحوا دجاجة كل يوم يمكن بالاسبوع 3 مرااااااااااات
تعبت أعصابي من الحشرات والذباب والدم صرت نباتية من كثر الروايح
واحس بالعناد يسون لي جذي
طلبت من زوجي يبلط لي وراء غرفتي ويحط لي تصريفه مجاري عشان التنظيف أسهل
أمه رفضت وقالت لااااااااااا لالالالالالالالالالا تلعبون بالبيت على حياة عيني
طلبت اطلع ماوافق زوجي مع ان على مقدرة
هذا قليل من كثير
:09:عندي طفل واحد شاسوي يا بنات تعععععععبت
طيب زوجك ليش رافض؟؟
المهم ليش ماتقترحي علية انكم ادورون غرفة مع الحمام تكرمين جو بيت عمك نفسة
على اقل تبعدي من ريحة القرف
والله ان يالله اتحمل هالريحة في العيد الاضحى وشلون انتي
والله يصبرك
خخخخ جاء ابالي فكرة وان اكتب لك
ليش ماتقولي الزوجك اخاف ان والدي ينضررر المسكين من ريحة والحشرات الي ماتدري وش تحمل من فيروساااات
والله يسهلك