وشد شعر :hahaha:
أنا ماكتبت الا من كثر المواضيع اللي كلها سب ودعاوي على اللي تتزوج رجال متزوج وكأنها سبت الرسول أو قتلت أحد من أهلها وحده مره قالت عندي زوجي يروح للحرام ولا يتزوج ووحده تقول لو فكر زوجي يتزوج بأسوي أي شي عشان أخرب الزواج حتى لو سحرتهم عجبي الحرمه تفكر بالحرام وحتى بالشرك ولا زوجها يتزوج عليها وكأن فيه شي بينقص منها ونست ان هذا شرع ربي يعني انتي أحسن من عائشة بنت ابي بكر و أم سلمة وغيرهم من زوجات النبي
يعني والله كل اللي اعرفهم وتزوجو متزوجين أكلو الظلم من الزوجه الأولى أو عيالها وأولهم أمي
شافت الويل من اخوني اللي من ابوي معنه كان مطلق أمهم والحد اليوم ماسلمنا منهم حتى أبوي يميلهم يدعي علينا احنا وامي والا عمره دعا عليهم وفوق هذ كله أكبر واحد فيهم مسويلنا سحر >> اللحين مين المظلوم مو الزوجه الثانيه
أختي تزوجة رجال متزوج وطبعاً هذا نصيبها ومافي غيره جا والله العالم انه ماتزوج الا مغلوب وشايف الويل من زوجته الأولى وكان طاير بأختي وهو طيب لإبعد الحدود وكان والله عادل بينهم وهي حتى البيت طردته منه ورمت عياله وسوتله سحر وخلته يطلق أختي من ثالث يوم وخلته مثل المجنون لحد ماجاه حادث ومات ( الله يرحمه ) >> اللحين مين المظلوم مو الزوجه الثانيه
قريب للي متزوج وعنده اربع عيال وامهم مهمله بشكل حتى انهم عندهم سوء تغذيه وتزوج وحده يتيمه بس الله يشهد ان مافي اطيب منها وخدومه بشكل خلتها الأولى مربيه لعيالها وإذا جت بتتطلع مع زوجها تشاركهم حتى لو ترمي عيالها مع انه كل الاسبوع الزوجه الثانيه عند ابوها وللأمانه زوجهم ملتزم ووالله عادل بينهم وهم بنفسهم يقولون بس المغلوب على أمرها الزوجه الثانيه وعمرها ماشكت >> اللحين مين المظلوم مو الزوجه الثانيه
جيرانا زوجها تزوج عليها لانها ماكن ترضى تحمل مع ان بنتها كبيره ولما تزوج وحملت زوجته الثانيه وجابت ولد الاخت سحبت الولد منها وحرمته من أمه مع انها غارت وحملت كذا مره بعد ماتزوج بس عناد >> اللحين مين المظلوم مو الزوجه الثانيه
تجيك وحده تقول الله لا يوفق وحده تتزوج واحد متزوج وتخرب بيت غيرها طيب هذا شرع ربي يعني ربي يخرب البيوت أرتقو بأفكاركم كل أنثى فيها من الغيره حتى زوجات الرسول بس ما كان توصل للأسحار وأدعاوي وخراب البيوت .. وحده أعرفها زوجها تزوج عليها وحده اقل منها بكل شي جمال مال والله صبرت وربت عيالها وعاشت مع ضرتها بسلام وكانت قويه اللحين اللي يشوفم يقول خوات واللحين عيالها مخلينها ملكه وحتى زوجها مع أنه متزوج وحده ثالثه بس ولا معبرينه راح ولا جا والله لوتشوفونهم ماشاء الله عليهم وجيهم منوره وضحكهم ماينقطع وهم على هذا الحال من سنين وعلى فكره ترا هو موعادل بينهم أبداً ..
الفتوى حكم الدعاء على الأخ المسلم بسوء السؤالس: ما حكم الدعاء على الأخ المسلم بسوء وهل يستجاب الدعاء ؟ مثلا يقول له: الله لا يوفقك ولا يرزقك الذرية، سواء كان الداعي مظلوما أو ظالما أو حاقدا؟ الاجابـــةنرى أنه لا يجوز ولو كان الداعي مظلومًا، فإن في دعائه على الظالم انتصارا وأخذا بحقه وتعجلا لظلامته، فعليه أن يصبر حتى يأخذ حقه في الآخرة كاملا إذا صدق أنه مظلوم، وهكذا أيضًا ورد النهي أن يدعو الإنسان إذا غضب على ماله أو على أولاده، فقال صلى الله عليه وسلم:
لا تدعوا على أنفسكم ولا على أولادكم ولا على أموالكم، لا توافقون ساعة لا يُسأل الله فيها شيئًا إلا أعطاه 
.عبد الله بن عبد الرحمن الجبرين
حكم دعاء بعض الناس على بعض عند الغضب السؤالس: بعض الناس في حالة غضب يدعو على آخر، فيصاب الثاني بمرض ويموت، فيضيق صدر الذي دعا، ويخشى أن تكون هذه بسبب دعائه عليه، فماذا عليه؟ الاجابـــةعلى المسلم أن يملك لسانه ولا يتسرع في الدعاء على إخوانه المسلمين، وإذا غضب فعليه ألا ينفث غضبه، فقد قال النبي صلى الله عليه وسلم
إنما الشديد الذي يملك نفسه عند الغضب وقد قال الله تعالى: 
وَلَوْ يُعَجِّلُ اللَّهُ لِلنَّاسِ الشَّرَّ اسْتِعْجَالَهُمْ بِالْخَيْرِ لَقُضِيَ إِلَيْهِمْ أَجَلُهُمْ 
والمعنى أن الله تعالى لا يستجيب ولا يقبل دعاء الإنسان إذا غضب على نفسه أو ماله أو أهله أو إخوته، وعلى من وقع منه هذا الدعاء أن يتوب إلى الله ويسأله العفو عنه، وألا يؤاخذه بما يقول، وأن يستغفر لمن دعا عليه في حياته وبعد موته لعل ذلك يكفر ما وقع منه. عبد الله بن عبد الرحمن الجبرين
أكرر وأقول ما أبي مناوشات وكلام ماله داعي عجبك الموضوع ردي ماعجبك مو لازم يتقفل الموضوع بسببك ..
نفس رايي والله مندهشه بصراحه من هاللي يصير من بعض العضوات بهالمنتدى وش هالعداوه اعوذبالله لهالدرجه بس لانها ثانيه مارتكبت جريمه ولا سوت منكر حتى نعادي لهالدرجه يفترض يكونون خوات لان الدين واحد صح فيه غيره شي طبيعي بس مو لدرجة الدعاوي وبعض الكلام اللي ماله داعي ياساتر توي قريت رد لوحده تقول انا ماحب الزوجه الثانيه الله لايوفق كل زوجه ثانيه كذا بكيفي !!!!!
لاحول ولاقوة الا بالله الله يهدينا للصواب
من جد اشكرك ع الموضوع محتاجين مثله في هالمنتدى نسأل الله السلامه والعفو والعافيه اللهم لاتسلط علينا من لايخافك فينا ولا يرحمنا