مب انا :

والله العظيم يالرشيقه اني واثقه فيه ولله الحمد اصلا مستحيل اتخيل مجرد تخيل انه ممكن يتزوج علي وطبعا الي حوله جابوا له عروض زواجات وحنا مالنا شهر معرسين وتوي حامل خخخخخخ ورفض وبالعكس مااحس انه يفكر بالعرس احسه اكبر همه انه يامن مستقبل عياله بس وش الي يوسوس بي امس قريت عن الزواج النهاري ولو جيتي للصدز لاانا ولا هو استانسنا بزواجنا الله يخلف عجزنا نركد كل ماقلت خلاص بدينا نزين ونتوجه همن ننحاس وهما عيالي ورى بعض الله يخليهم مايعطونتس فرصه حتى تقهوين والا تهرجين بالراحه تقل جارات لي يقعدون بيني وبينه ولايبونن المسه ولا لمس وعيالي الله يهديهم اشقياء بعذره لو هج من البيت فاانا ودي انظم حياتي والتفت لنفسي و له ونعيش مثل العالم يوم احمل هالحمله اقولك نزلت من وزني حول 15 كيلو اذا مب اكثر وكنت مهتمه بنفسي وشيل وحط ومره متحمسه للتغير الي حصل لي وقلت خلاص خمس سنين مافي حمل لما احس اني انبسطت وعيالي ارتفعوا وانصدمت صدمه مب طبيعيه يوم حملت لاني كنت مستبعده هالامر واخطط لبعيد بس يارب تكون بنت ان شاءالله عشان هالمره امسك نفسي صح ولا احن للبنيات واربي عيالي زين وعلى ماابي مهب تسذا حالتنا مانقدر نطلع لسوق ولا مطاعم ولا شي انا وانا امهم ودي اهج من البيت وش عاد هو بس الزواج النهاري هذا مصيبه يعني ماادري عنه حتى من شدة الوسوسه اقول ياربي هالالتهابات من وين جايتن وتعيي تروح لايكون مسويه؟؟؟ وفوق كل هذا اقرى عن التصاقات والربط وضاق صدري بعد :icon33:

والله العظيم يالرشيقه اني واثقه فيه ولله الحمد اصلا مستحيل اتخيل مجرد تخيل انه ممكن يتزوج علي...

بنت تحفه :

انا نفس كذا بناتي صغار ولااقدر اقعد معه قعده واذا طلعنا هبلن فينا وهو على قولت بناتك بناتك وانا انهد حيلي بس ان شاءالله لقمت بالسلامه انتبه لعمري زين :44:

انا نفس كذا بناتي صغار ولااقدر اقعد معه قعده واذا طلعنا هبلن فينا وهو على قولت بناتك بناتك وانا...

الدبة الحزينة :

مب انتي ترى هم كذا يصايحون ويزعجون لانهم على روس بعض بنناتي كانوا كذا بس لاطولتي عن الحمل بتزين امورهم ودوم اقري عليهم وادهنيهم بزيت مقري لاناموا وحمميهم بسدر الطفل يهجد من السدر مجربته انا وربي نفسيا بترتاحين وانتي اقري على نفسك ايات الحسد والعين وانفثي عليك انا زمان لاجاء بغاني للي تعرفن جاهم المصايح وطق الباب لين ينزعج بس الان كبروا خلص لذلك اقولكن خوذن اكبر احتياط قبل هالحمله وربي اني انا خايفه من الحمل بعد هالولاده عسى ربي يكتب لي الخير ويسخر لي المنع اللي يناسبني

مب انتي ترى هم كذا يصايحون ويزعجون لانهم على روس بعض بنناتي كانوا كذا بس لاطولتي عن الحمل بتزين...