ومضة سعادة :

لا لا ماشاء الله تبارك الله إبداع وشغل نظيف ومتقن فعلا كذا الشغل أو بلاش أنتي عصاميه شغلكـــ احترافي ولو ماقلتي مبتدأة ماصدقنا يمكن وحده من المحترفات مختفيه ورأ اسم جديد ربي يوفقك ونشوف ابداعات قادمه وحلو انك سجلتي في عالم حواء لأن غيـــره من المنتديات صرااااحة صراحة قليل قليل جدا المتحركـــ منهاوالنشيط والمحزن انه اي عضوة تكون مبدعه ومحترفه تروح وتفتح منتدى وهذا مو جميل في حقها وأيضا يبدد الهمم والترقي اشكر كـــ لإنتمائكــ للأعضاء ا لراقييين في اختيارهم له ولله الحمد والشكر ماراح نندم لأنه منتدى نشيط ومحافظ ومتبع للحق والقائمين عليه ناس اصحاب امانة ودين نحسبهم كذلك والله حسيبهم إلى الأما م نحن في انتظاركــ ابداعكـــ القادم استودعكـــ المولى

لا لا ماشاء الله تبارك الله إبداع وشغل نظيف ومتقن فعلا كذا الشغل أو بلاش أنتي عصاميه شغلكـــ...

أم القماري!!! :

الله يسعدكم ياااارب وحدة وحدة بصراحة ردودكم اسعدتني جدددددا بالنسبة للي سألوني عن الغرزة اللي استخدمتها في البطانية هيا غرزة الشطرنج في كل لون سويت 3 صفوف  4 عواميد بارزة امامية و4 خلفية وهكذا الى نهاية الصف بعد كدا لو اخذت اللون التاني اسوي عكسها  الامامي اخليه خلفي والخلفي اخليه امامي عشان يتعاكسوا  ان شالله تكونوا فهمتوا عليا لاني مو متعودة اشرح بالكتابة هههههه حبيبتي بنت الاصل والجود كتبتلك رسالة طويييييييلة ولما جيت ارسلها طلع ما ينفع ارسلها لانو عدد مشاركاتي قليل فانا حكتبها هنا لان اكتر من وحدة قالتلي كيف اتعلمتي ورح اكتبلكم بالتفصيل الممل كيف اتعلمت...  انا احب هذه الاعمال اليوية زي الخياطة وكدا مع اني ما قد دخلت دورة ولا شيء  بس اخذت مكينة امي وصرت اضيق واقصر ملابسي لوحدي ومرة كنت اتصفح النت لقيت موضوع دلني على مقاطع في اليوتيوب يعلم الكروشيه دخلت المقاطع واتحمست واشتريت الادوات من مكتبة الجامعة خخخخخ بس بصراحة صاحبة المقاطع الله يجزاها كل خيررررب كان شرحها راااائع بس انا حديكم نصايح تمشوا عليها وبعدين اقلكم اسم المقاطع اول شئ حاولي انك تاخذي وقتك في تعلم كككلللل شئ يعني لو بدأتي بغرزة لا تنتقلي للي بعدها لين تتقنيها مزبوووووط تاني شئ حاولي تستخدمي خيط يكون كبير زي الصوف وسنارة كبيرة عشان حيكون اسهل عليكي تالت شئ لا تاااااخذي خيط نوعيته رديئة لانو راح يتنسل عليكي وتدخل الخيوط في السنارة ورح تتلخبطي خذي الانواع اللي تجيكي غالية شوية يعني بدال ابو ريالين خذي ابو 7 او 9 ريال رابع شئ اهم شئ في انك تتعلمي الكروشيه غرزة العامود والساقطة ( الحشو ) لانها تعبر الاساس في اي غرزة تانية تقريبا ( حسب خبرتي المتواضعة جدااا طبعا) خامس شئ في البداية خلي اعمالك اشياء بسيطة وابدعي في هذه الاشياء سوي وردات صغيرة وكبيرة وهكذا تقدري تسويها بكلات واطواق وهذا الشئ رح يشجعك لانك رح تشوفي اعمالك حلللوة وفي نفس الوقت ما تاخذ جهد كبير يخليكي تطفشي من الكروشيه وانتي في بداية التعلم ادخلي اليوتيوب واكتبي دروس سمسم لتعليم الكروشيه وابدأي فيها درس درس بالتدريج . . .  طبعا هذه الرسالة اللي كتبتها لبنت الاصل والجود وياااااارب تستفيدوا ان شالله من كلامي على فكرة انا مالي الا 9 شهور من اتعلمت الكروشيه وبالتوفيق للجميع يارب واي استفسار اكيد انا حااااااضرة لكم وترى الرسايل عندي ما اقدر ارسل لان مشاركاتي اقل من 50 ام القماري

الله يسعدكم ياااارب وحدة وحدة بصراحة ردودكم اسعدتني جدددددا بالنسبة للي سألوني عن الغرزة...