- اذا انتهيت من تنظيف البيت كيف اغسل الفوط المتسخه؟
هل يصح وضع جميع الفوط سواء فوط الارضيه والمطبخ والحمام في غساله وحده؟؟
لا حطي فوط المطبخ لحالها والأرضية لحالها والحمام لحالي

2- قريت مواضيع كثيره عن طريقة تنظيف الحمام ونتو بكرامه...لكن ماهي ادوات التنظيف للمغسله وكرسي الحمام والارضيه؟
للمغسلة والكرسي الفرشة اللي تجي معها المجرفة لتنظيف اليومي ومرة حلوة مع جل العملاق أوتايد والأرضية نفس الشيء
وهل ينفع بعد الدعك بالصابون اني ارش الكرسي والحنفيه والارضيات بالمويه ولا المويه تخرب الحمام؟؟؟ ولا اكتفي بالمسح؟
لا لازم ترشي الأرضية زين بالموية علشان آثار الصابون يروح وبعدها جففي الأرضية والمغسلة


3- في تنظيف ارضية البيت هل استخدم المكنسة البيضا في المسح؟ ولا استخدم فوط؟
أكنسي أول بالمكنسة الكهربائية وبعدها بالممسحة أوالفوطة اللي يناسبك ويريحك وزي ماقالت رمز الأخلاص الممسحة العجيبة مرة مريحة

4في تنظيف الاثاث خصوصا الخشب...هل ينفع استخدم منظف الزجاج معاه ولا ديتول مخفف؟ لان منظف الخشب احسه يعطي لمعه بس وماينظف
أنا أستخدم منظف الزجاج وأمسح على طول علشان الخشب مايفسد
وخلطة قرة عين زوجهاحلوة بعد وهي زيت وعصرة ليمون

5- لما انظف الفرن من الداخل بالمنظف الخاص بالافران.... هل اتركه كذا؟ ولا ارجع امسحه بمويه؟
أمسحية بفوطة مبلولة

6- سؤال اخير انا ساكنه بالدور الارضي ونتو عارفين ان الحشرات بدت تطلع ...وسمعت طريقة شطف الارضيات بمقدار قليل جدا من البنزين المخفف بالماء وهذا بدوره يمنع اي حشره حتى لو كانت نمله انها تدخل بيتك...شرايكم؟

أحسها صعبة شويلكن كل مارحتوا رحلة خفيف وتغيب عن البيت أيام رشي البيت بمبيد
ادري بتقولون وش هالاسئله بس والله ماعندي احد يعلمني واحس اني موسوسه وابي كل شي نظيف...ولا عارفه من وين ابتدي !!!

اشكركم مقدما
العفو ياحلوة

الله يساعدك واتمنى البنات السنعات يفيدونك وتصيري زيهم في النظافه واكثر

اختي في 2009 الله يشفيك ويعافيك ويجعله في ميزان حسناتك امين

اختي رمز الأخلاص الله يشافي زوجك ويصلح اولادك ويجعلهم قرة عينك امين

اشكركم اخواتي على الردود المفيدة والمشجعة


ودمتم بود

حبيبتي اذا الفرن مو وسخ لاتمسحينه بالمنظف مسحيه بمنشفه

انا اول ماتزوجت كنت انظفه بجف وتكون الوساخه شيء لايذكر فااحوس الدنيا واستهلك مناشف وغيره

ولا افراط ولا تفريط صحيح هالقسم يعطينا دافع قوي نشتغل في بيوتنا لكن شغل البيت مايخلص

فالوحده لاترهق نفسها بزياده وتقسم وقتها على بيتها واعمال ثانيه اهم