هههههههههههههههههههههه

فعلا فيه ناس تكلم على غيرها، لانها هي محرومه
مو قصة خايفه على مستقبل غيرها😉

آه نسيت الشباب ليه ماراح يحاسبون
قري فريند وشرب الخمر زي العصير عادي عندهم والحشيش عادي عندهم طبعا انا مااقول الكلام من فراغ كانوا في نفس ولايتي
يعني المفروض يكون السن مافوق 25 سنه وبعضهم لو أربعين في راس الخراب بسويه
الله يهديهم

يعني الحين استلمتوا الحالات النادره من البنات وتركتوا الاولاد اللي مفشلينا بكل مكان وزمان ؟

ترى اغلب الشباب المبتعث وضعه مزري من زنا وسُكر وقلة ادب وتحرش بالنساء والاولاد !!

وتحصل حالات حمل والشاب يترك البنت وينحاش السعوديه

واتذكر انه في موقع مخصصينه لاطفال السعوديين اللي انحاشوا بلدهم واختفوا بعد حمل البنت اللي ضحك عليها عشان شهوته

وهذي النوعيه للاسف يرجع السعوديه ولا كأنه صار شي ويخطب ويتزوج اشرف البنات واطهرهم !!!

واللي اعرفه ان المبتعثين من الرجال يمدحون البنات السعوديات هناك بإنهم فعلاً متغربين عشان الدراسه بعكس الرجال رايح يستانس ويفلها واخر همه الدراسه

واكيد بدون تعميم لكن حسب شهادة اللي كانوا مبتعثين ان البنات اشد حرص ومحافظه

واللي تتكلمين عنهم حالات نادره جداً

ياكثر الناس الا ماعندهم طموح بهالمنتدى... أقصى طموح عندها ( كيف ارضي البرنس وكيف اسعد البرنس زوجي) وهي طموحها في الارض..
طيب ياحلوه ياللي ماعندك طموح.. مو مشكله خلك فاشلة و انبسطي مكانك.. بس بنات الناس الطموحات خليهم بحالهم الله يوفقهم ويستر عليهم..
بنات تاركين بلدهم واهلهم ومغتربات عشان يرجعوا بأعلى الشهادات بدال مانساعدهم وندعي لهم بالتوفيق اغلب البنات هنا يقولوا ( شوهوا سمعتنا ولازم يلغون الابتعاث)
طيب إنتي ماعندك لغة ولا شهادة وبعد تبي العالم فاشلة زيك؟ مايصير حبيبتي..
قالت ايش قالت بوي فرند... هذه الناس الا ماطلعت من حوش بيتها وبعدها عايشة في فقاعة
شوفي كم وحدة رجعت ببكالوريوس وماجستير ودكتوراه واللي صارت بروفيسوره وإلا طبيبه وإلا باحثة.. هذولا البنات ماتكلمتي عنهم في موضوعك
وكم من مبتعث راح هناك عشان يلعب ويسكر وفي النهاية يتزوج وياخذ الاقامه... وإلا هالامثلة عاجبينك؟

ليتك تسحرتي ورقدتي ومانزلتي هالموضوع السقيم

اولا السفر للبنات من غير محرم مايجوز
انا اؤيد جعل السفر للبعثة لتخصصات محددة سواء بنات أو اولاد تخصصات محددة يستفيد منها المجتمع لكن فتح باب الابتعاث بهذا الشكل له أهداف بعيدة يجهلها الكثير ...
اما من تقول ان اغلب البنات فاسدات هذا ليس صحيح لكن فعلا في نماذج سيئه جدا ومنهم من اللي وصفتهم صاحبة الموضوع وهذا احد اسبابه غياب الرقابة والدين فعلا مامنع شي الا فيه فايده من لايستطيع محرمها الذهاب معاها ماهو لازم تبتعث لان لايجوز شرعا بغض النظر عن اَي شي اخر ...


ولاتحاولو ان تقارنو الأولاد بالبنات من هذه الناحية لان واضح للكل ان الولد لايحتاج محرم هذا ليس كلامي كلام الشرع


اما الأولاد نفس الشي في منهم السيئ ويوجد اللي يرفع الرأس
بإحصائيات البنات أفضل من العيال بصراحة احصائيات انا أتطلعت عليها لكن أيضا في نماذج من العيال جدا مشرفه
فعلا فيه قضايا كثير للشباب من ضمنها ارهاب أو قضايا نسب واُخرى لكن أيضا يوجد قضيتين لبنتين من اسوء القضايا حملو من شباب برازيليين وأنكرو هؤلاء الشباب فهذا مثال سيئ


عموما الابتعاث بهذي الطريقة ليس جيد للطرفين
وأتمنى تفرقو بين البنت والولد من ناحية المسألة الشرعية وعدم خلط الأمور لان لايمكن ان الدين يكون ضد المرأة ماتوفر لك محرم استغني عن هذي البعثة لوجه الله لان لايجوز سفرك بهذي الطريقة ...
كلامي والله من واقع تجربة امام عيني انا طبيبة سعودية أقيم خارج المملكة وأقمت في أمريكا وأستراليا ودولة من شرق اسيا وأوروبا اخيراً


اخيراً يوجد كثير من البات اللاتي يرفعن الرأس في كثير من المجالات وهذا فخر لنا بأولادنا وبناتنا
ودمتم