هلا حبيبتي
آنا آسفة على التأخير
شوفي يالغالية ، بصراحة افكار اختي ms_pees وايد عجبتني وحلوة وممكن تطبيقها.
بس ما حبيت أبطي عليج من غير ما امخمخ لج على فكرة
حاولت أني اصور شي مفيد من صفي ما لقيت ، كلهم قدامى.
عشان جذي رسمت لج رسم توضيحي لوسيلة وإن شاءالله تعجبج وتفهمينها
صج الفكرة جدًا بسيطة ، بس سهلة للأطفال وإذا عملتيها بشكل مرتب راح تجذبهم إن شاءالله .
الأدوات :
قطعة وسيلة من الفلين المضغوط بلون زاهي وحلو.
قطعة من القماش الجوخ بلون مختلف عن الفلين.
جيب شفاف ( ممكن تصنعينه من ورقة تغليف حراري فاضية اتحطينها بالجهاز الحراري عشان تصير سميكه ).
أعواد عصير.
مجموعة من صور (كور ) مطبوعة بالكمبيوتر.
لاصق التشتش ( سنحتاج فقط الجهة التي تلصق مع الجوخ فقط.
خطوات العمل :
1/ جيبي الفلينة ، وإذا حبيتي تعملي لها إطار من الزيج المزخرف أو السادة على كيفج .كأنها إطار لوحة فنية.
2/ اعملي بطاقة العنوان بالكمبيوتر ( أنا أجمع الكور )
وغلفيها بالحراري ، ولصقيها بأعلى وسط اللوحة.
3/ ارسمي شكل سلة على قماش الجوخ ( عدد سلتين ).
4/ اطبعي صور مجموعة الكور عدد لا بأس به يكفي لملأ مساحة السلتين مثلا .
5/ غلفي صور الكور بالحراري ، وبدأي بقصها جميعًا بالمقص ، ( والله يعين يدينج الحلوين على القص ) خلي احد يساعدج في البيت.
6/ قصصي مجموعة كبيرة من التشتش بحجم حبة البندق ، وألصقيها ورا كل صورة من الكور .
7/ جهزي مجموعة من بطاقات الأرقام التي ستكون الأجابة على أن يكون حجمها أصغر بقليل من حجم الجيب الشفاف . فإذا كانت الوسيلة تعتمد على تعليم الجمع بناتج أصغر من أو يساوي 10 ، يعني جهزي بطاقات مكتوبة من بطاقة الرقم 1 إلى بطاقة الرقم 10.
8/ الجيب الشفاف راح تلصقينه في مكانه من اللوحة ولكن ليس مباشرة على الفلين لا
إذن كيف تلصقينه ؟ << ألصقي أعواد العصير أولا حول ثلاثة أضلاع من مربع الجيب بإستخدام مسدس السيلكون ، وبعدين ألصقي الجيب من جهة الأعواد على الفلين . ليش هالطريقة ؟؟ << عشان يكون الجيب مرتفع قليلا لسهولة وضع بطاقات الأرقام داخله.
طريقة استخدام الوسيلة :
اعتقد صارت الوسيلة واضحة للأستخدام.
في كل مرة تضعين عدد مختلف في كلا السلتين ليمثل عملية حسابية في الجمع كمثال : 6+4 أو 5+2 أو 2+3 أو 1+5 .....الخ
والإجابة راح اتكون بأن يختار الطفل العدد الصحيح الذي يمثل الإجابة ويضعه في الجيب الشفاف.
وبس هذي هي الوسيلة
إن شاءالله تعجبج.
وهذي صفحة عملتها لج لرسم الكور وطباعتها
حملي من هالرابط :
وهذه وسيلة ثانية بس صغيرة بحجم أي فور ، سويتها بالكمبيوتر بس ، وتعتمد فكرتها على شكل كتيب ، مغلفة اوراقه كلها بالحراري ليسهل كتابة الطفل فيه مثل السبورة ، وفي كل مرة يمسح الإجابة . ويفتح صفحة ثانية فيها مجموعة أخرى من الأسئلة ، وهكذا .
تفضلي :
* وهذه وسيلة ثالثة ، بس هذي شريتها جاهزة ، يمكن تقدرين تاخذين منها فكرة
تفضلي الصور :
يالله اخليج بخير ياخالة آرام
بس قوليلي حبيبتي ليش غيرتي اسمج؟؟
هلا حبيبتي
آنا آسفة على التأخير
شوفي يالغالية ، بصراحة افكار اختي ms_pees وايد عجبتني وحلوة...
آنا آسفة على التأخير
شوفي يالغالية ، بصراحة افكار اختي ms_pees وايد عجبتني وحلوة وممكن تطبيقها.
بس ما حبيت أبطي عليج من غير ما امخمخ لج على فكرة
حاولت أني اصور شي مفيد من صفي ما لقيت ، كلهم قدامى.
عشان جذي رسمت لج رسم توضيحي لوسيلة وإن شاءالله تعجبج وتفهمينها
صج الفكرة جدًا بسيطة ، بس سهلة للأطفال وإذا عملتيها بشكل مرتب راح تجذبهم إن شاءالله .
الأدوات :
قطعة وسيلة من الفلين المضغوط بلون زاهي وحلو.
قطعة من القماش الجوخ بلون مختلف عن الفلين.
جيب شفاف ( ممكن تصنعينه من ورقة تغليف حراري فاضية اتحطينها بالجهاز الحراري عشان تصير سميكه ).
أعواد عصير.
مجموعة من صور (كور ) مطبوعة بالكمبيوتر.
لاصق التشتش ( سنحتاج فقط الجهة التي تلصق مع الجوخ فقط.
خطوات العمل :
1/ جيبي الفلينة ، وإذا حبيتي تعملي لها إطار من الزيج المزخرف أو السادة على كيفج .كأنها إطار لوحة فنية.
2/ اعملي بطاقة العنوان بالكمبيوتر ( أنا أجمع الكور )
وغلفيها بالحراري ، ولصقيها بأعلى وسط اللوحة.
3/ ارسمي شكل سلة على قماش الجوخ ( عدد سلتين ).
4/ اطبعي صور مجموعة الكور عدد لا بأس به يكفي لملأ مساحة السلتين مثلا .
5/ غلفي صور الكور بالحراري ، وبدأي بقصها جميعًا بالمقص ، ( والله يعين يدينج الحلوين على القص ) خلي احد يساعدج في البيت.
6/ قصصي مجموعة كبيرة من التشتش بحجم حبة البندق ، وألصقيها ورا كل صورة من الكور .
7/ جهزي مجموعة من بطاقات الأرقام التي ستكون الأجابة على أن يكون حجمها أصغر بقليل من حجم الجيب الشفاف . فإذا كانت الوسيلة تعتمد على تعليم الجمع بناتج أصغر من أو يساوي 10 ، يعني جهزي بطاقات مكتوبة من بطاقة الرقم 1 إلى بطاقة الرقم 10.
8/ الجيب الشفاف راح تلصقينه في مكانه من اللوحة ولكن ليس مباشرة على الفلين لا
إذن كيف تلصقينه ؟ << ألصقي أعواد العصير أولا حول ثلاثة أضلاع من مربع الجيب بإستخدام مسدس السيلكون ، وبعدين ألصقي الجيب من جهة الأعواد على الفلين . ليش هالطريقة ؟؟ << عشان يكون الجيب مرتفع قليلا لسهولة وضع بطاقات الأرقام داخله.
طريقة استخدام الوسيلة :
اعتقد صارت الوسيلة واضحة للأستخدام.
في كل مرة تضعين عدد مختلف في كلا السلتين ليمثل عملية حسابية في الجمع كمثال : 6+4 أو 5+2 أو 2+3 أو 1+5 .....الخ
والإجابة راح اتكون بأن يختار الطفل العدد الصحيح الذي يمثل الإجابة ويضعه في الجيب الشفاف.
وبس هذي هي الوسيلة
إن شاءالله تعجبج.
وهذي صفحة عملتها لج لرسم الكور وطباعتها
حملي من هالرابط :
http://www.uparab.com/files/KWFgEIjHLIO6p8J5.doc
وهذه وسيلة ثانية بس صغيرة بحجم أي فور ، سويتها بالكمبيوتر بس ، وتعتمد فكرتها على شكل كتيب ، مغلفة اوراقه كلها بالحراري ليسهل كتابة الطفل فيه مثل السبورة ، وفي كل مرة يمسح الإجابة . ويفتح صفحة ثانية فيها مجموعة أخرى من الأسئلة ، وهكذا .
تفضلي :
* وهذه وسيلة ثالثة ، بس هذي شريتها جاهزة ، يمكن تقدرين تاخذين منها فكرة
تفضلي الصور :
يالله اخليج بخير ياخالة آرام
بس قوليلي حبيبتي ليش غيرتي اسمج؟؟