مبروك مبروك ربحتي 3000 ريال الحمدلله

السلام عليكم
خواتي اليوم جاني اتصال على جوالي من رقم غريب رديت كلمني واحد هندي

قلت له نعم قال انا من شركة stc للاتصالات قلت طيب قال انت فوزتي ب3000 ريال

مبروك مبروك الحمد لله قلت له ايش لان لهجته مو مفهومه صار يعيد انت فوز ..... مثل الالي
قلت طيب شالمطلوب ( مع انه بدا الفار يلعب في عبي على قولة اخوانا المصريين )
قال خذي هذا رقم سجليه عندك بورقه قمت قلتله طيب ليش ما اتصلو علي من 902 فقفل الخط على طول
اتصلت على 902 استفسر ايش الموضوع لاني والله استغربت كيف موظف هندي يكلم العملاء
قالي هذول وافدين نصابين ممكن يطلبو رقم حساب بنك او رقم الهويه او يطلبو بطايق شحن و رصيد فلا تعطيهم اي شي واذا الاتصالات بغت من العميل شي بتتصل عليه من 902 و بيكلمك موظف سعودي
فانا حبيت اقولكم اللي صار عشان تنتبهو و تحرصو منهم لا تعطوهم اي معلومات خاصه