مكياجك

بعض البنات تبالغ في شراء المكياج وكانه راح ينقطع من السوق
انا اشوف ماله داعي ابدا :sm4:
خذي حاجتك ووفري ميزانيتك
مكياجك اللى في البيت خذيه معك وزيدي عليه بس الحاجات اللى ناقصة

نصائح :

- المكياج خليه اخر شي تشتريه لاني ما اشوفه مشكلة واعتبره اخر شي في لسته العروس
توفري انه مايخرب عليك

- اكيد انتي في بالك تغيري شي من لوك تصبغي شعرك مثلا
فخلي الوان مكياجك تناسب لون شعرك الجديد ( حيكون في بالك لوك معين رسمته لنفسك وعليه اختاري الوان المكياج )

- بعض البنات ما تقتنع وتروح تشتري كل الالوان الممكنة ( وكل يوم روج - برتقالي - احمر - فوشيا - بنك )
ليه طيبترا هذا ابشع شي في الحياة وحرام الرجال ضعيف كل يوم يتفجاء بشكل جديد
( وهذا اللى يخليهم يحبوا الممثلات الاجنبيات انها ما شيبه بلوك واحد على طول
ما تغيره الا في المناسبات

الروج اقترح عليك لون احمر لازم يكون في اللسته ولون اخر ناعم انتي تختارية بذوقك واهم شي يحليك
( والاقتراح نيكس ريفلون اذا كانت ميزانيتك محدودة وماك اذا كنتي مريشة وشانيل اذا كنتي من الاثرياء

- الشادوهات اختاري باليت واحد فيه كل الالوان النيود لانه على الاغلب راح تستخدميها الباليت اللى اشتهر نيكيد من اروبيكان ديكي
ماني من فانزه صراحة لكن الحلو فيه تكتبين اسمه في اليوتيوب تحصلي مئات اللوكات اللى ممكن تسويها فيه الغامق والفاتح
ووللاسف هالباليت ما يتوفر عندنا لكن التارجرات يوفرونه وفيه بديل له من ماك نيكيد اوفر لكن ماهو بجودة ماك



يعني الالوان اللى اعجبتك في الباليت تقدري تاخذيها من ماك

- الكحل اسود وازرق كفايه اختاريه نوع جيد ومو مشكلة ادفعي فيه والاقتراح الاول والاخير ماك الدائري
- الاساس هذا اللى لازم تاخذي منه اثنين واحد فل كفر والثاني خفيف ويومي
الاقتراحات عندك ريفلون كلور ستاي وبرجوا هليثي واذا حابه 2 في واحد ماك ستديو فوكس تستخميها اساس بالاسفنجة او بودرة بالفرشة

الكونسيلر خذيه من نفس ماركة الاساس اسهلك في اختيار اللون ( يعني تاخذي نفس رقم اساسك )
والا انا انصحكم بماك المدور وهو الافضل


- البلاشرات والبرونزات عندكم H&M بلاشرتهم حلوة والبباودر البرونز احلى واحلى
واسعارهم في الثلاثيانات برضوا عندكم نكيس اللى في سنتر بيونت بلاشرتهم كويسه واسعارها حلوة

- من الاشياء المهم ماك ستديو فوكس هالشي مهم وله عدة اشياء مثبت للمكياج
ولو كانت شنطته حجمها يكفي تحطيه معك في الشنطة وتبخي بين وقت وقت برضوا اذا عندك شادو عنيد وما يطلع لون
تبخي في الفرشة وشوفي كيف

- برضوا اجهزة الشعر لا تكثري منها اهم شي الاستشوار والستريت

- من رائي الشي الوحيد اللى تدفعين فيه هو فرش المكياج بس ما تكثرين منها
وهذا شي راجع لك ماك غالية بصراحة لكنها الافضل لكن لو تدورا وتفتشوا
راح تلقوا مثلا كحل ماك انا استخدم معاه فرشة اي لاينر من مكياجي وسعرها بس 25 ريال
وممتازة !
يعني انتي ابحثي ودوريلك على فرش شعر ناعم ومشيها على يدك وشوفي
كثير بنات يمكن ما يعجبهم كلامي ويشوفوا اني اقتصادية كثير
وانا قلتلكم الكياج لك انتي ! مين بيشوفه ؟ او يهتم وش عندك مكياج والا بيدري
مدام فيه منتجات طيبة ورخيصة روحي وخذي منها
وبعد الزواج تكملي وتختاري من اللى تحبي واللى يعجبك على الاقل تكوني ارتحتي وفلوسك زادت
العبي بعدين على كيفك
ولا تنسوا شغله في المناسبات اللى حتكون بعد زواجك اكيد حتروحي مشغل !
من رائي ابدا ماله داعي تسرفي في المكياج

كثر بنات تسال ايش الا لوان اللى اخذها وايش الدرجات
كل وحدة فيكم لها لون بشرة مختلف
لكن النت ماخلا شي والفضل يرجع لماك اللى سهل علينا المهمه
ماك قسملنا البشرة لعدة درجات بالارقام والحروف
وبكذا يسهل علينا البحث

الوان الجلد وكل بشرة مكتوب عندها رقمها




شايفين كل الوان الجلد الممكنه مرقمة
كيف بتفيدك الصورة اللى فوق اختاري لون بشرتك واحفضي رقمها nc 20
تبين روج احمر تكتبين في قوقل red lip stick for nc 20
تطلعلك الخيارات والاقتراحات وانتي تشوفي ما يبغالها تعرفي انقليزي وتكوني بلبل بس
تسهل عليك كثير من الاشياء اسواء الوان البلاشر الوان الارواج الخ

الفستان وطريقة اختياره

يعتمد على الدارج اكيد والموضة لكن بلمسه كلاسيكية
فساتين الزفاف ماراح اعرضها لكم هنا لكن فيه موضوع في منتدى الفاشن خاص باجدد الكولكشنات
راح اعطيكم شوية نصائح ممكن تفيدك كيف تختاري الفستان



_ فستانك لازم يكون اول شي ترتاحي منه انهيه في وقته
اولا ياخذ ميزانية + يطول ولما يكون اول شي خلصتي منه صدقيني الباقي يهون
- وبناء عليه تحددي الطرحة والاكسسوار اذا كان ناعم اولا
- الالوان والاختيارات كثير ة لكن لما تختاري ابيض بدراجته سواء ناصع او مطفي
احسبي حسابك تلبسيه في القاعة لانك مانتي محتاجة لحظة تلقين فيه وصخ لا قدر الله وطبعا ابسط شي حيبان فيه
- الخامة ثم الخامة مهما كان موديلك يفرق ترا انتبهي لبعض الستان لو جلستي فرته وقمتي يتقفرط من وراء
- قصة السمكة اللى كثير بنات يحبوها ما تنفع الا للجسم الحلوة
- ماعليك من احد ولا تسمعين كلام الناس هذا فستانك سوي اللى تحبين تراها ليله عمرك



الفستان اللى فوق والموديلات اللى تشبهله يفضلونه كثير بنات
خصوصا اللى زواجتهم تكون عائلية او في البيت

الاكسسوار





مهما كان اكسسوارك حلو
شوفي هل هو مناسب مع الفستان اولا لا تلبسن الماس لانه الماس
اذلاا كان عندك عقد الماس وحابه تلبسي فصلي فستانك بدون سيور

الجزمة





ختاريها مريحية اهم شي حتى ترتاحي في زفتك وانتي تمشي ترتاحي في التصوير
اللى لو بيتان مره ماهي مريحة ( اقصد اللى كلها كرستال ) + علوها فظيع ممكن تطلعي اطول من زوجك
الماركات المريحة انا جربت بردا مره مكريحة برضوا ناين ويست
اذا تبغيها بيضاء نصيحة لا تشتريها غالية
عندك ( مانجو - زارا - ناين ويست ) اسعارهم 400 و تحت وقت التخيض تكون اسعارها حلوة
لو حبيتي تدفعي في جزمة اختاري درجات البيج افضل او السكري او الفضي خصوصا لو اخترتيها غالية
لانها بتفيدك بعدين

..

الطرح وانواعها




في طرح كثيرة ومتنوعة وبعضها حتى مالها اسم
الطرحة الخليجية :



هاذي الصور من عرض زهير مراد وهاذي الموضة اللى بتشوفونها دارجة في السوق الحين
طرح قماشها قاسي جدا جدا اورغانزا غالبا
وهي طبعا طرحة خليجية
وهي اللى تعرفونها اغلبكم تشوفونها في اغلب الافراح مو شرط في منطقة الخليج
احايانا حتى نشوفها في عروض الازياء
تتميز بتطريزها الكثيف .. قماشها القاسي واطارفها اللى تكون مشغولة شغل جامد
مشكلة هالطرحة انك اذا اخترتيها تدبستي يعني ماراح تقدرين تغيرين فيها مهما سويتي
وطريقة وضعها وحدة
الطرحة تناسي الفساتين الفخمة والمطرزة وافضل يكون معها تاج او اكسسوار كبير
مرة مو حلوة تكون لوحدة لانها فخمة كملي فخامتها باكسسوار
دائما تكون طويلة
وتكون قطعة وحدة



محاولة الابداع في الطرحة الخليجية بحركات لكن تبقى دائما
بشكلها المعروف

الطرحة الفرنسية :




شكلها التقليدي فوق التسريحة بدون تاج او ورد



وهي الاخيار الامثل لكل الفساتين وكل اشكالها وانا من فانز هالطرحة انصحكم بقوة فيها
لو كنتي انسانة مترددة ولسا ما اخترتي تسريحة شعرك فهي الانسب لك لو كنتي كل شويه تغيري رايك
بطريقة الطرحة برضوا هي الانسب
مرنه مره والكوفيرة مالها عذر تقولك ما تجي او ما تنفع هاذي الحركة
والحلو انك تقدرين تقلبينها طرحة خليجية او اسبانيه بطريقة وضعها على الراس
بعكس الطرح الثانية
وهي المتوفرة باشكال مختلفة
غالبا تكون تل سادة وتثبت فوق الراس بطريقة رومانسية جدا
لكن ابدعوا فيها عندنا مشاء الله وصاروا يلبسون معها تاج او اكسسوار
ولانه مختلفة راح استعرض معكم بعض صور التسريحات




خلاصة الكلام اذا كنتي كلاسكية وطلتك كلاس اختاري فرنسية لكن اذا كنتي حابه تكون فاشن وان تراند اختاري من طرحات زهير مراد





من الاشياء اللى شفتها على العرايس اللوك اللى فوق
الشعر بوف وفوقة طوق والطرحة من تحت ستايل اسباني


الباقة او المسكة

قبل كل شي تراعي لون فستانك وبعدها اختاري الاوان اللى تعجبك












ابيض + الوان ثانية






المسكة هاذي تنفع للعرايس الطوال واللى يحبوا المسكات تكون ضخمة وطويلة
بدل مسكة الدمعة اللى صارت قديمة

بنات الموضوع ماخلاص لحديرد

لسه فيه كمان بس قلت اخذوقت راحه عشان تعبت

(القاعات - كوش - باقة - كيكات )







اختيار القاعة يكون بناء على عدد المعازيم ما اقدر اتكلم كثير لان احنا من عاداتنا
اهل الحجاز يكون الحجز على اهل العريس والبنت مالها شغل
لكن دائما لما اقدر لبعض البنات في المناطق المختلفة يكون الحجز على العروس






لما تختاري القاعة تكوني اخترتي الكوشة او تخيلتيها
فيه قاعات توفر كوشة وهاذي اريح وتقدري انتي تزيدي عليها اشياء
وتدفعي الفرق اللى ممكن يكون بسيط
فيه عندنا في المدينة قصر اسمه ( ريماس ) ثيم القصر والديكور روماني
وهذا شي لصالحك لو حابه يكون ثيم فرحك روماني بس عليك تحجزي القاعة




طبعا الناس اذواق فيه منهم يختاروا ثيم معين ( هندي - رومانسي - الخ )
وهذا اسهل شي لان بعدين تجيك الافكار متواردة
والاسهل انك تسلميها للشركات المنتشرة الحين او حتى المحلات
وفيه منهم مشاء الله الشاطرين لذلك دوري عليهم زين شوفي شغلهم
اساليهم متى عندهم فرح وروحي قبل اهل الفرح يروحوا في النهار مثلا
والعامال يركبون الديكور حتى تتطمني اكثر







- جيبي ورقة اكتبي فيها اسماء المحلات اللى حتمري عليها
وروحي شوفي اللى يناسبك واحسن شي تمسكيهم الفرح كامل من طاولات توزيعات ممرات

- افضل تصميمات برائي اللى تعمتد على الزهور لا تغامري وتجيبي ديكورات بالاقمشة
( زي الاستايل الهندي )
لان بصراحة ما عندنا ذيك المحلات اللى تبدعلك




- لما تجي بتكتبي العقد لازم تنقريه مره واثنين وتاخذي احد معك يفهم
واطلبي صورة منه ( انتبهوا يا بنات )

بعض الصور والافكار الحلوة