بسم الله
السلام عليكم
أحب أبارك لكثير من الأخوات هنا على شيء جديد حاطته في بيتها
كاميرا نوع احترافي
ملونة
صافية
تنقل أدق التفاصيل
من بيتها
لتسجيل سعادتها واطفالها !!!:)
و لنشر غسيلها هنا :09:
كم مرة يا أخوات نبهنا ونبهوا اخوات كثير
الانترنت وسيلة مساعدة واستشارة مثل غيره
لكن اسلوب الاستشارة قد يكون عقيم !!!
عزيزتي ..... صاحبة المشكلة :
اعرضي مشكلتك بشكل عام جدا ، ولا تقولين بقول كلش علشان يفهمون السالفة :icon33:
لا يا الغالية
صحيح فيه امور ممكن تذكرينها
لكن أمور كثيرة ما يصلح تنقال لمصلحتك أنتي :26:
تعالوا جميعا نقول :
أهلا بالاستشارة ..... ولا لنشر الغسيل :icon28:
تعالوا شوفوا المثالين :
الأولى مركبة كاميرا تقول :
أنا في الرياض ، وأهلي يبعدون عني مسافة 180 كيلو ، وساكنة فوق حمولتي ، ولي متزوجة 5 سنين ، وعندي ولد عمره 3 سنوات ونص ، والثاني ابو 6 شهور ، زوجي راتبه على قده وعنده شفتات ، وام زوجي متوسطة في العمر ، ولزوجي اختين وحده متزوجة والثانية في الجامعة ، أنا مشكلتي مع الي في الجامعة !!
أمس مسوية حفلة ولا نادتني !!
تقول علشان عيالك بيخربون ، وأنا ما عندي شغالة اخليهم عندها ، وأهلي زي ما قلت لكم بعيدين ، وش ضرها لو نادتني وخلت شغالتهم تنتبه لعيالي ، شغالتهم سريلانكية حليوه للصغار ، وانا زعلت وكنت شاريه هدية بس خلاص مانيب موديتها ... وش رايكم ؟:42::42:
والثانية عاقلة تعرف كيف تستشير :
يا اخوات ارجو مساعدتي ....
أخت زوجي سوت حفلة ولا دعتني وانا جاء في خاطري ، واتوقع قصدها علشان العيال بيخربون عليها ويحوسون ، وانا ما اقدر أحطهم عند أحد ، وكنت شاريه لها هدية ، وش رايكم ارسلها لها أو اكنسل لأني زعلت صراحة !!:)
شفتوا الفرق ؟؟
هل التفاصيل الي ذكرتها صاحبة الكاميرا لازمة ؟
أكيد لا
فلتحافظي على بيتك وعلى نفسك من المتطفلين
ومثل هذا ينطبق على الي تخبر بكل ما يحصل في بيتها من أحداث .....
اليوم رحت كذا ....
شوفوا ....
صار ...
صدقوني مع موضوع أو ثلاثة أو عشرة يمكن اكتشف من أنتي ؟؟
وقد صارت كثير
حتى بدون الدخول للملف الشخصي
انتبهي لنفسك
والله يحفظنا وإياكم من كل سوء
وشكرا لمتابعتكم
والله انك صادقة
وانا أول وحدة الكاميرا صادتها
ههههههههههههههههههههههههههههههههههها